ਜਿਵੇਂ ਕਿ ਸਭ ਜਾਣੂ ਨੇ ਕਿ ਪਾਕਿਸਤਾਨ ਵਿਚ 25 ਜੁਲਾਈ ਨੂੰ ਆਮ ਚੋਣਾਂ ਹੋ ਰਹੀਆਂ ਹਨ
ਇਸਲਾਮਾਬਾਦ, ਜਿਵੇਂ ਕਿ ਸਭ ਜਾਣੂ ਨੇ ਕਿ ਪਾਕਿਸਤਾਨ ਵਿਚ 25 ਜੁਲਾਈ ਨੂੰ ਆਮ ਚੋਣਾਂ ਹੋ ਰਹੀਆਂ ਹਨ। ਇਨ੍ਹਾਂ ਚੋਣਾਂ ਵਿਚ ਕਈ ਆਜ਼ਾਦ ਉਮੀਦਵਾਰ ਆਪਣੀ ਕਿਸਮਤ ਅਜ਼ਮਾ ਰਹੇ ਹਨ ਪਰ ਰਾਦੇਸ਼ ਸਿੰਘ ਟੋਨੀ ਦੀ ਗੱਲ ਕੁੱਝ ਹੋਰ ਹੈ। ਅਸਲ ਵਿਚ, ਰਾਦੇਸ਼ ਸਿੰਘ ਟੋਨੀ ਪਾਕਿਸਤਾਨ ਦੇ ਪਹਿਲੇ ਆਜ਼ਾਦ ਸਿੱਖ ਉਮੀਦਵਾਰ ਹਨ ਜੋ ਜਨਰਲ ਸੀਟ ਤੋਂ ਇਹ ਚੋਣ ਲੜਨ ਜਾ ਰਹੇ ਹਨ।
Radesh Singhਪ੍ਰਾਪਤ ਜਾਣਕਾਰੀ ਅਨੁਸਾਰ, ਰਾਦੇਸ਼ ਸਿੰਘ ਨੇ ਕਿਹਾ ਕਿ ਮੈਂ ਸੰਭਵ ਤੌਰ 'ਤੇ ਖੈਬਰ ਪਖਤੂਖਵਾਹ ਵਿਚ ਪਹਿਲਾ ਘੱਟ ਗਿਣਤੀ ਭਾਈਚਾਰੇ ਦਾ ਉਮੀਦਵਾਰ ਹਾਂ ਜੋ ਆਜ਼ਾਦ ਚੋਣ ਲੜ ਰਿਹਾ ਹਨ। ਉਨ੍ਹਾਂ ਨੇ ਕਿਹਾ, ਆਮਤੌਰ ਉੱਤੇ, ਸਾਡੇ ਭਾਈਚਾਰੇ ਦੇ ਮੈਬਰਾਂ ਨੂੰ ਰਾਜਨੀਤਕ ਪਾਰਟੀਆਂ ਰਾਖਵੀਂਆਂ ਸੀਟਾਂ ਤੋਂ ਟਿਕਟ ਦਿੰਦੀਆਂ ਹਨ ਜਨਰਲ ਸੀਟ ਤੋਂ ਨਹੀਂ। ਇਸ ਲਈ ਮੈਂ ਆਪਣੀ ਕਿਸਮਤ ਅਜ਼ਮਾਉਂਦੇ ਹੋਏ ਆਜ਼ਾਦ ਚੋਣ ਲੜਨ ਦਾ ਫੈਸਲਾ ਕੀਤਾ। ਦੱਸ ਦਈਏ ਕਿ ਰਾਦੇਸ਼ ਸਿੰਘ ਪੀਕੇ - 75 ਸੀਟ ਤੋਂ ਚੋਣ ਲੜ ਰਹੇ ਹਨ ਅਤੇ ਉਹ ਸਥਾਨਕ ਸਿੱਖ ਭਾਈਚਾਰੇ ਦੇ ਮਸ਼ਹੂਰ ਮੈਂਬਰ ਹਨ।
Radesh Singhਇੰਨਾ ਹੀ ਨਹੀਂ ਉਹ ਖੈਬਰ ਪਖਤੂਨਖਵਾਹ ਦੇ ਪਾਕਿਸਤਾਨ ਮਾਇਨਾਰਿਟਿਜ਼ ਅਲਾਇੰਸ ਦੇ ਪ੍ਰਧਾਨ ਵੀ ਹਨ। ਦੱਸਣਯੋਗ ਹੈ ਕਿ ਰਾਦੇਸ਼ ਸਿੰਘ ਦੇ ਜਿੱਤਣ ਦੀ ਸੰਭਾਵਨਾ ਘੱਟ ਹੀ ਹੈ ਕਿਉਂਕਿ ਉਹ ਜਿਸ ਇਲਾਕੇ ਤੋਂ ਚੋਣ ਲੜ ਰਹੇ ਹਨ ਉੱਥੇ ਸਿਰਫ 160 ਸਿੱਖ ਹਨ ਅਤੇ ਉਹ ਵੀ ਜਿਥੇ ਕੱਟੜਪੰਥੀ ਮੁਸਲਿਮ ਸੰਗਠਨ ਦਾ ਦਬਦਬਾ ਹੈ। ਪਰ ਫਿਰ ਵੀ ਰਾਦੇਸ਼ ਸਿੰਘ ਇਨ੍ਹਾਂ ਚੋਣਾਂ ਨੂੰ ਲੈਕੇ ਕਾਫ਼ੀ ਉਤਸ਼ਾਹਿਤ ਹਨ ਬਾਕੀ ਨਤੀਜੇ ਆਉਣ ਤੋਂ ਬਾਅਦ ਹੀ ਪਤਾ ਲਗ ਸਕੇਗਾ ਕਿ ਕਉ ਇਸ ਚੋਣਾਂ 'ਚ ਮੱਲ ਮਾਰਦਾ ਹੈ।
Radesh Singh
