ਕੁਵੈਤ 'ਚ ਬੰਧਕ ਕਸਬਾ ਧਾਰੀਵਾਲ ਦੀ ਰਹਿਣ ਵਾਲੀ ਤਿੰਨ ਬੱਚਿਆਂ ਦੀ ਮਾਂ ਵੀਨਾ ਬੇਦੀ ਅੱਜ ਯਾਨੀਕਿ 26 ਜੁਲਾਈ ਨੂੰ ਭਾਰਤ ਵਾਪਸ ਆ ਜਾਵੇਗੀ।
ਗੁਰਦਾਸਪੁਰ : ਕੁਵੈਤ 'ਚ ਬੰਦੀ ਕਸਬਾ ਧਾਰੀਵਾਲ ਦੀ ਰਹਿਣ ਵਾਲੀ ਤਿੰਨ ਬੱਚਿਆਂ ਦੀ ਮਾਂ ਵੀਨਾ ਬੇਦੀ ਅੱਜ ਯਾਨੀਕਿ 26 ਜੁਲਾਈ ਨੂੰ ਭਾਰਤ ਵਾਪਸ ਆ ਜਾਵੇਗੀ। ਵੀਨਾ ਬੇਦੀ ਕੁਵੈਤ 'ਚ ਕਫਾਲਾ ਸਿਸਟਮ ਦੀ ਸ਼ਿਕਾਰ ਹੋਈ ਅਤੇ ਉਸਨੂੰ ਏਜੰਟ ਨੇ 1200 ਕੁਵੈਤੀ ਦਿਨਾਰ ( 2.70 ਲੱਖ) ਦੇ ਬਦਲੇ ਪਾਕਿਸਤਾਨੀ ਨਾਗਰਿਕ ਨੂੰ ਵੇਚ ਦਿੱਤਾ ਸੀ। ਭਾਰਤੀ ਦੂਤਾਵਾਸ ਨੇ ਪਾਕਿਸਤਾਨੀ ਨਾਗਰਿਕ ਨੂੰ ਉਕਤ ਰਕਮ ਚੁਕਾਈ, ਜਿਸਦੇ ਨਾਲ ਬੱਚਿਆਂ ਨੂੰ ਉਨ੍ਹਾਂ ਦੀ ਮਾਂ ਨਾਲ ਮਿਲਾਉਣ ਦਾ ਰਸਤਾ ਸਾਫ਼ ਹੋ ਗਿਆ। ਇਸ ਸੰਬੰਧ 'ਚ ਗੁਰਦਾਸਪੁਰ ਦੇ ਸਾਂਸਦ ਸਨੀ ਦਿਓਲ ਨੇ ਵਿਦੇਸ਼ ਮੰਤਰਾਲੇ ਨਾਲ ਸੰਪਰਕ ਕੀਤਾ ਸੀ।
Gurdaspur woman will return home
ਇਸ ਰਿਹਾਈ 'ਚ ਪੰਜਾਬ ਰਾਜ ਲੀਗਲ ਸਰਵਿਸ ਅਥਾਰਿਟੀ ਦੇ ਵਾਲੰਟੀਅਰਾਂ ਨੇ ਵੀ ਵੀਨਾ ਬੇਦੀ ਦੇ ਪੁੱਤਰ ਰੋਹਿਤ ਬੇਦੀ ਦੇ ਨਾਲ ਸੰਪਰਕ ਕਾਇਮ ਕੀਤਾ। ਰੋਹਿਤ ਬੰਦੀ ਬਣਾਉਣ ਸਬੰਧੀ ਗੱਲ ਦਾ ਪਤਾ ਚਲਦੇ ਹੀ ਮੈਂਬਰ ਸਕੱਤਰ ਰੁਪਿੰਦਰ ਚਾਹਲ ਨੇ ਜ਼ਿਲ੍ਹਾ ਅਥਾਰਿਟੀ ਨੂੰ ਮਦਦ ਕਰਨ ਦੇ ਨਿਰਦੇਸ਼ ਦਿੱਤੇ। ਇਸ ਸਬੰਧ ਵਿੱਚ ਐਡਵੋਕੇਟ ਕਮਲ ਕਿਸ਼ੋਰ ਅਤੇ ਪੀਐਲਵੀ ਰਨਜੋਧ ਸਿੰਘ ਬਲ ਤਿੰਨੋਂ ਬੱਚਿਆਂ ਰੋਹਿਤ, ਮੋਹਿਤ ਅਤੇ ਸਿਮਰਤੀ ਨਾਲ ਮਿਲਣ ਅਤੇ ਮਦਦ ਦਾ ਭਰੋਸਾ ਦਿੱਤਾ। ਜਿਲ੍ਹਾ ਅਥਾਰਿਟੀ ਦੇ ਵੱਲੋਂ ਭਾਰਤੀ ਦੂਤਾਵਾਸ ਅਤੇ ਸ਼ਹੀਦ ਭਗਤ ਸਿੰਘ ਯੂਥ ਕਲੱਬ ਨਾਮਕ ਕੁਵੈਤੀ ਐਨਜੀਓ ਨਾਲ ਸੰਪਰਕ ਕੀਤਾ ਗਿਆ।
ਅਥਾਰਿਟੀ ਨੇ ਦੱਸਿਆ ਕਿ ਸਾਰਿਆਂ ਨੇ ਮਿਲ ਜੁਲ ਕੇ ਕੰਮ ਕੀਤਾ ਅਤੇ ਵੀਨਾ ਨੂੰ ਵਾਪਸ ਲਿਆਉਣ ਦਾ ਰਸਤਾ ਸਾਫ਼ ਹੋਇਆ। ਇਸ ਸਬੰਧੀ ਭਾਰਤੀ ਦੂਤਾਵਾਸ ਦੇ ਦੂਜੇ ਸਕੱਤਰ ਸੀਬੀ ਯੂਐਸ ਨੇ ਜਿਲ੍ਹਾ ਲੀਗਲ ਸਰਵਿਸ ਅਥਾਰਿਟੀ ਨੂੰ ਦੱਸਿਆ ਕਿ 26 ਜੁਲਾਈ ਨੂੰ ਵੀਨਾ ਬੇਦੀ ਵਾਪਸ ਭਾਰਤ ਆ ਜਾਵੇਗੀ। ਜਿਲ੍ਹਾ ਅਥਾਰਿਟੀ ਵੀਨਾ ਬੇਦੀ ਲਈ ਇੱਕ ਕਾਊਂਸਲਰ,ਸੋਸ਼ਲ ਸਕਿਓਰਟੀ ਦੇ ਲਾਭ, ਉਨ੍ਹਾਂ ਦੇ ਬੱਚਿਆਂ ਨੂੰ ਮੁਫਤ ਸਿੱਖਿਆ ਅਤੇ ਪੰਜਾਬ ਸਟੇਟ ਸਕੀਮ ਦੇ ਤਹਿਤ ਵਿਕਾਸ ਦਾ ਮੁਨਾਫ਼ਾ ਦੇਵੇਗੀ।
Gurdaspur woman will return home
ਕੀ ਹੈ ਕਫਾਲਾ ਸਿਸਟਮ
ਕਫਾਲਾ ਸਿਸਟਮ ਇੱਕ ਸਪਾਂਸਰਸ਼ਿਪ ਸਿਸਟਮ ਹੈ, ਜਿਸਦੇ ਤਹਿਤ ਪਰਵਾਸੀ ਮਜ਼ਦੂਰਾਂ ਨੂੰ ਬਹਰੀਨ, ਇਰਾਕ, ਜਾਰਡਨ, ਲੇਬਨਾਨ , ਕੁਵੈਤ, ਓਮਾਨ, ਕਤਰ , ਸਾਊਦੀ ਅਰਬ ਅਤੇ ਯੂਏਈ ਜਾਂਦੇ ਹਨ ਅਤੇ ਕੰਮ ਤੇ ਨਜ਼ਰ ਰੱਖਣ ਲਈ ਲਗਾਇਆ ਜਾਂਦਾ ਹੈ। ਇਸ ਵਿੱਚ ਘਰੇਲੂ ਵਰਕਰਾਂ ਨੂੰ ਮਾਲਕ ਬੰਦੀ ਬਣਾ ਲੈਂਦੇ ਹਨ ਕਿਉਂਕਿ ਉਹ ਨਾ ਤਾਂ ਨੌਕਰੀ ਛੱਡ ਸੱਕਦੇ ਹਨ ਨਾ ਨੌਕਰੀ ਬਦਲ ਸਕਦੇ ਹਨ ਅਤੇ ਨਾ ਹੀ ਆਪਣੇ ਮਾਲਕ ਦੀ ਮਰਜ਼ੀ ਦੇ ਬਿਨ੍ਹਾ ਵਾਪਸ ਆ ਸਕਦੇ ਹਨ। ਪਾਕਿਸਤਾਨੀ ਨਾਗਰਿਕ ਨੇ ਵੀ ਵੀਨਾ ਬੇਦੀ ਨੂੰ ਕਫਾਲਾ ਸਿਸਟਮ ਦੇ ਤਹਿਤ 1200 ਦੀਨਾਰ ਵਿੱਚ ਖਰੀਦਿਆ ਸੀ।
Punjab News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ
