ਥਾਈਲੈਂਡ ਓਪਨ ਇੰਟਰਨੈਸ਼ਨਲ ਟੂਰਨਾਮੈਂਟ ਵਿੱਚ ਚੀਨੀ ਮੁੱਕੇਬਾਜ਼ ਨੂੰ 4-1 ਨਾਲ ਹਰਾਇਆ
Indian boxer Naman Tanwar wins gold medal in Thailand News: ਹਰਿਆਣਾ ਦੇ ਮੁੱਕੇਬਾਜ਼ ਨਮਨ ਤੰਵਰ ਨੇ ਥਾਈਲੈਂਡ ਵਿੱਚ ਚੱਲ ਰਹੇ ਥਾਈਲੈਂਡ ਓਪਨ ਇੰਟਰਨੈਸ਼ਨਲ ਟੂਰਨਾਮੈਂਟ ਵਿੱਚ ਚੀਨੀ ਮੁੱਕੇਬਾਜ਼ ਨੂੰ 4-1 ਨਾਲ ਹਰਾ ਕੇ ਸੋਨ ਤਮਗ਼ਾ ਜਿੱਤਿਆ ਹੈ। ਨਮਨ ਤੰਵਰ ਉਹ ਮੁੱਕੇਬਾਜ਼ ਹੈ ਜਿਸ ਨੇ 2018 ਦੀਆਂ ਰਾਸ਼ਟਰਮੰਡਲ ਖੇਡਾਂ ਵਿੱਚ ਭਾਰਤ ਲਈ ਪਹਿਲਾ ਮੁੱਕੇਬਾਜ਼ੀ ਤਮਗ਼ਾ ਜਿੱਤਿਆ ਸੀ।
ਨਮਨ, ਮੂਲ ਰੂਪ ਵਿੱਚ ਭਿਵਾਨੀ ਦੇ ਹਲੂਵਾਸ ਪਿੰਡ ਦਾ ਰਹਿਣ ਵਾਲਾ ਹੈ ਅਤੇ ਵਰਤਮਾਨ ਵਿੱਚ ਭਿਵਾਨੀ ਦੀ ਡੀਸੀ ਕਲੋਨੀ ਦਾ ਵਸਨੀਕ ਹੈ। ਉਸ ਨੇ ਆਪਣੇ ਆਪ ਨੂੰ ਤੰਦਰੁਸਤ ਰੱਖਣ ਲਈ ਇਹ ਖੇਡ ਖੇਡਣਾ ਸ਼ੁਰੂ ਕੀਤਾ। ਜਿਸ ਤੋਂ ਬਾਅਦ ਉਸਨੂੰ ਪਤਾ ਹੀ ਨਹੀਂ ਲੱਗਾ ਕਿ ਉਸਨੂੰ ਕਦੋਂ ਮੁੱਕੇਬਾਜ਼ੀ ਦਾ ਸ਼ੌਕ ਪੈ ਗਿਆ। ਉਸ ਨੇ ਇਹ ਖੇਡ 2012 ਵਿੱਚ ਖੇਡਣੀ ਸ਼ੁਰੂ ਕੀਤੀ ਸੀ, ਜਦੋਂ ਉਹ ਲਗਭਗ 14 ਸਾਲ ਦਾ ਸੀ।
ਨਮਨ ਤੰਵਰ ਭਿਵਾਨੀ ਦੀ ਦਰੋਣਾਚਾਰੀਆ ਪੁਰਸਕਾਰ ਜੇਤੂ ਕੈਪਟਨ ਹਵਾ ਸਿੰਘ ਸ਼ਿਓਰਨ ਅਕੈਡਮੀ ਵਿੱਚ ਅਭਿਆਸ ਕਰਦਾ ਹੈ। ਨਮਨ ਤੰਵਰ ਉੱਤਰੀ ਰੇਲਵੇ ਦੇ ਇੱਕ ਸੀਨੀਅਰ ਟੀਟੀਈ ਹਨ, ਜੋ ਇਸ ਸਮੇਂ ਆਨੰਦ ਵਿਹਾਰ ਸਟੇਸ਼ਨ 'ਤੇ ਤਾਇਨਾਤ ਹਨ।
