ਅੱਜ ਕੱਲ ਬਾਲੀਵੁਡ ਵਿਚ ਖਿਡਾਰੀਆਂ ਦੇ 'ਤੇ ਬਾਇਓਪਿਕ ਬਣਾਉਣ ਦਾ ਚਲਨ ਤੇਜ਼ੀ ਨਾਲ ਵਧਿਆ ਹੈ। ਪਹਲੇ ਮਹਿੰਦਰ ਸਿੰਘ ਧੋਨੀ ਦੇ ਉਤੇ ਬਾਇਓਪਿਕ ਬਣਾਈ ਗਈ ਉਸ ਤੋਂ ਬਾਅਦ ਹਾਲ...
ਅੱਜ ਕੱਲ ਬਾਲੀਵੁਡ ਵਿਚ ਖਿਡਾਰੀਆਂ ਦੇ 'ਤੇ ਬਾਇਓਪਿਕ ਬਣਾਉਣ ਦਾ ਚਲਨ ਤੇਜ਼ੀ ਨਾਲ ਵਧਿਆ ਹੈ। ਪਹਲੇ ਮਹਿੰਦਰ ਸਿੰਘ ਧੋਨੀ ਦੇ ਉਤੇ ਬਾਇਓਪਿਕ ਬਣਾਈ ਗਈ ਉਸ ਤੋਂ ਬਾਅਦ ਹਾਲ ਹੀ 'ਚ ਭਾਰਤੀ ਹਾਕੀ ਟੀਮ ਦੇ ਸਾਬਕਾ ਕਪਤਾਨ ਸੰਦੀਪ ਸਿੰਘ ਦੇ ਉਤੇ ਬਾਇਓਪਿਕ ਸੂਰਮਾ ਬਣਾਈ ਗਈ। ਇਸ ਤੋਂ ਇਲਾਵਾ ਸ਼ਰੱਧਾ ਕਪੂਰ ਬੈਡਮਿੰਟਨ ਖਿਡਾਰੀ ਸਾਇਨਾ ਨੇਹਵਾਲ ਦੇ ਰੋਲ ਵਿਚ ਜਦਕਿ ਹਰਸ਼ਵਰਧਨ ਕਪੂਰ ਸਾਬਕਾ ਪ੍ਰੋਫੈਸ਼ਨਲ ਸ਼ੂਟਰ ਅਭਿਨਵ ਬਿੰਦਰਾ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆਣਗੇ।
Sania Mirza
ਖਬਰਾਂ ਫ਼ਿਲਮ ਪ੍ਰੋਡਿਊਸਰ ਰਾਣੀ ਸਕਰੂਵਾਲਾ ਨੇ ਭਾਰਤ ਦੀ ਟੈਨਿਸ ਖਿਡਾਰੀ ਸਾਨੀਆ ਮਿਰਜ਼ਾ 'ਤੇ ਬਾਇਓਪਿਕ ਬਣਾਉਣ ਲਈ ਰਾਈਟਸ ਖਰੀਦੇ ਹਨ। ਸੂਤਰਾਂ ਮੁਤਾਬਕ, ਕਈ ਲੋਕ ਸਾਨੀਆ ਮਿਰਜ਼ਾ ਦੀ ਜ਼ਿੰਦਗੀ 'ਤੇ ਫ਼ਿਲਮ ਬਣਾਉਣਾ ਚਾਹੁੰਦੇ ਹਨ ਪਰ ਅਖਿਰਕਾਰ ਇਸ ਫ਼ਿਲਮ ਦੇ ਰਾਈਟਸ ਰਾਣੀ ਨੂੰ ਮਿਲ ਗਏ ਹਨ। ਇਸ ਫ਼ਿਲਮ ਵਿਚ ਸਾਨੀਆ ਦੀ ਪ੍ਰੋਫੈਸ਼ਨਲ ਅਤੇ ਨਿਜੀ ਜ਼ਿੰਦਗੀ ਨੂੰ ਦਿਖਾਇਆ ਜਾਵੇਗਾ। ਛੇਤੀ ਹੀ ਇਸ ਫ਼ਿਲਮ ਲਈ ਡਾਇਰੈਕਟਰ ਦੀ ਚੋਣ ਕਰ ਲਈ ਜਾਵੇਗੀ ਅਤੇ ਉਸ ਤੋਂ ਬਾਅਦ ਇਸ ਦੇ ਲਈ ਕਾਸਟਿੰਗ ਸ਼ੁਰੂ ਕੀਤੀ ਜਾਵੇਗੀ।
Sania Mirza
ਦੱਸ ਦਈਏ ਕਿ ਸਾਨੀਆ ਦਾ ਜਨਮ ਮੁੰਬਈ ਵਿਚ ਹੋਇਆ ਸੀ ਪਰ ਉਨ੍ਹਾਂ ਦੇ ਜਨਮ ਤੋਂ ਬਾਅਦ ਉਨ੍ਹਾਂ ਦੇ ਮਾਂ ਪਿਓ ਇਮਰਾਨ ਅਤੇ ਨਸੀਮਾ ਮਿਰਜ਼ਾ ਹੈਦਰਾਬਾਦ ਚਲੇ ਗਏ। ਸਾਨੀਆ ਨੇ 6 ਸਾਲ ਦੀ ਉਮਰ ਵਿਚ ਟੈਨਿਸ ਖੇਡਣਾ ਸ਼ੁਰੂ ਕਰ ਦਿਤਾ ਸੀ ਅਤੇ ਸਾਲ 2003 ਤੋਂ ਉਨ੍ਹਾਂ ਨੇ ਪ੍ਰੋਫੈਸ਼ਨਲ ਟੈਨਿਸ ਖੇਡਣਾ ਸ਼ੁਰੂ ਕਰ ਦਿਤਾ। 2003 ਵਿਚ ਉਨ੍ਹਾਂ ਨੇ ਔਰਤਾਂ ਦਾ ਵਿੰਬਲਡਨ ਡਬਲਸ ਦਾ ਟਾਈਟਲ ਜਿੱਤੀਆ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ 6 ਗਰੈਂਡ ਸਲੈਮ ਡਬਲਸ ਦੇ ਟਾਈਟਲ ਜਿੱਤੇ ਹਨ।
Sania Mirza
ਭਾਰਤ ਸਰਕਾਰ ਵਲੋਂ ਸਾਨੀਆ ਨੂੰ ਪਦਮਸ਼ਰੀ, ਪਦਮ ਭੂਸ਼ਣ, ਰਾਜੀਵ ਗਾਂਧੀ ਖੇਡ ਰਤਨ ਅਤੇ ਅਰਜੁਨ ਅਵਾਰਡ ਨਾਲ ਸਨਮਾਨਿਤ ਕੀਤਾ ਜਾ ਚੁੱਕਿਆ ਹੈ। ਸਾਨੀਆ 12 ਅਪ੍ਰੈਲ 2010 ਨੇ ਪਾਕਿਸਤਾਨੀ ਕ੍ਰਿਕੇਟਰ ਸ਼ੋਏਬ ਮਲਿਕ ਨਾਲ ਵਿਆਹ ਕੀਤਾ ਸੀ। ਹਾਲ ਵਿਚ ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਦੱਸਿਆ ਸੀ ਕਿ ਉਹ ਗਰਭਵਤੀ ਹਨ। ਇਸ ਤੋਂ ਇਲਾਵਾ ਸਾਨੀਆ ਦੇ ਫਿਲਮ ਇੰਡਸਟਰੀ ਵਿਚ ਕਈ ਦੋਸਤ ਹਨ ਅਤੇ ਉਹ ਟੀਵੀ ਕਮਰਸ਼ਲ ਅਤੇ ਟੀਵੀ ਸ਼ੋਅਜ਼ ਵਿਚ ਅਕਸਰ ਦਿਖਾਈ ਦਿੰਦੀ ਹੈ।
