Advertisement
  ਖ਼ਬਰਾਂ   ਖੇਡਾਂ  02 Dec 2019  ਇਕ ਦਿਨ ਪਹਿਲਾਂ ਮੈਦਾਨ ‘ਤੇ ਰਚਿਆ ਇਤਿਹਾਸ, ਅੱਜ ਇਸ ਅਦਾਕਾਰਾ ਨਾਲ ਵਿਆਹ ਰਚਾਉਣਗੇ ਮਨੀਸ਼ ਪਾਂਡੇ

ਇਕ ਦਿਨ ਪਹਿਲਾਂ ਮੈਦਾਨ ‘ਤੇ ਰਚਿਆ ਇਤਿਹਾਸ, ਅੱਜ ਇਸ ਅਦਾਕਾਰਾ ਨਾਲ ਵਿਆਹ ਰਚਾਉਣਗੇ ਮਨੀਸ਼ ਪਾਂਡੇ

ਏਜੰਸੀ
Published Dec 2, 2019, 11:05 am IST
Updated Apr 9, 2020, 11:41 pm IST
ਭਾਰਤੀ ਕ੍ਰਿਕਟਰ ਮਨੀਸ਼ ਪਾਂਡੇ ਸੋਮਵਾਰ ਨੂੰ ਅਪਣੇ ਜੀਵਨ ਦੀ ਨਵੀਂ ਪਾਰੀ ਸ਼ੁਰੂ ਕਰਨ ਜਾ ਰਹੇ ਹਨ।
Manish Pandey To Marry Actress Ashrita Shetty In Mumbai
 Manish Pandey To Marry Actress Ashrita Shetty In Mumbai

ਮੁੰਬਈ: ਭਾਰਤੀ ਕ੍ਰਿਕਟਰ ਮਨੀਸ਼ ਪਾਂਡੇ ਸੋਮਵਾਰ ਨੂੰ ਅਪਣੇ ਜੀਵਨ ਦੀ ਨਵੀਂ ਪਾਰੀ ਸ਼ੁਰੂ ਕਰਨ ਜਾ ਰਹੇ ਹਨ। ਐਤਵਾਰ ਨੂੰ ਕਰਨਾਟਕ ਨੂੰ ਸਈਦ ਮੁਸ਼ਤਕ ਅਲੀ ਟੀ20 ਟਰਾਫੀ ਜਿਤਾਉਣ ਤੋਂ ਅਗਲੇ ਦਿਨ ਮਨੀਸ਼ ਅਦਾਕਾਰਾ ਅਸ਼੍ਰਿਤਾ ਸ਼ੈਟੀ ਨਾਲ ਵਿਆਹ ਰਚਾਉਣਗੇ। ਅਸ਼੍ਰਿਤਾ ਦੱਖਣੀ ਭਾਰਤ ਦੀ ਪ੍ਰਸਿੱਧ ਅਦਾਕਾਰਾ ਹੈ। 30 ਸਾਲ ਦੇ ਮਨੀਸ਼ ਅਤੇ 26 ਸਾਲ ਦੀ ਅਸ਼੍ਰਿਤਾ ਲੰਬੇ ਸਮੇਂ ਤੋਂ ਇਕ ਦੂਜੇ ਨਾਲ ਰਿਸ਼ਤੇ ਵਿਚ ਹਨ।

ਇਸ ਤਰ੍ਹਾਂ ਟੀਮ ਇੰਡੀਆ ਅਤੇ ਫਿਲਮ ਇੰਡਸਟਰੀ ਦੇ ਰਿਸ਼ਤਿਆਂ ਦੀ ਲਿਸਟ ਵਿਚ ਇਕ ਹੋਰ ਨਾਂਅ ਜੁੜ ਗਿਆ ਹੈ। ਟੀਮ ਇੰਡੀਆ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਵੀ ਬਾਲੀਵੁੱਡ ਅਦਾਕਾਰ ਅਨੁਸ਼ਕਾ ਸ਼ਰਮਾ ਨਾਲ ਵਿਆਹ ਕਰਵਾਇਆ ਹੈ। ਮਨੀਸ਼ ਦੇ ਵਿਆਹ ਦਾ ਪ੍ਰੋਗਰਾਮ ਮੁੰਬਈ ਵਿਚ ਦੋ ਦਿਨਾਂ ਤੱਕ ਚੱਲੇਗਾ। ਇਸ ਵਿਚ ਰਿਸ਼ਤੇਦਾਰਾਂ ਤੋਂ ਇਲਾਵਾ ਟੀਮ ਇੰਡੀਆ ਦੇ ਖਿਡਾਰੀ ਅਤੇ ਕੁਝ ਘਰੇਲੂ ਕ੍ਰਿਕਟਰ ਵੀ ਸ਼ਾਮਲ ਹੋਣਗੇ।

ਮਨੀਸ਼ ਦੀ ਅਗਵਾਈ ਵਿਚ ਕਰਨਾਟਕ ਨੇ ਐਤਵਾਰ ਨੂੰ ਸੂਰਤ ਵਿਚ ਸਈਦ ਮੁਸ਼ਤਾਕ ਅਲੀ ਟੀ-20 ਟਰਾਫੀ ਦੇ ਬੇਹੱਦ ਰੋਮਾਂਚਕ ਫਾਈਨਲ ਵਿਚ ਤਮਿਲਨਾਡੂ ਨੂੰ 1 ਦੌੜ ਨਾਲ ਹਰਾ ਕੇ ਖ਼ਿਤਾਬ ਹਾਸਲ ਕੀਤਾ ਸੀ। ਮਨੀਸ਼ ਨੇ ਇਸ ਮੁਕਾਬਲੇ ਵਿਚ ਕਪਤਾਨੀ ਪਾਰੀ ਖੇਡਦੇ ਹੋਏ 45 ਗੇਂਦਾਂ ਵਿਚ ਨਾਬਾਦ 60 ਦੌੜਾਂ ਬਣਾਈਆਂ ਸੀ। ਕਰਨਾਟਕ ਨੇ 5 ਵਿਕਟਾਂ ‘ਤੇ 180 ਦੌੜਾਂ ਬਣਾਈਆਂ। ਇਸ ਤੋਂ ਬਾਅਦ ਜਵਾਬ ਵਿਚ ਤਮਿਲਨਾਡੂ 6 ਵਿਕਟਾਂ ‘ਤੇ 179 ਦੌੜਾਂ ਹੀ ਬਣਾ ਸਕਿਆ।

ਮਨੀਸ਼ ਪਾਂਡੇ ਨੇ ਵਿਆਹ ਤੋਂ ਤੁਰੰਤ ਬਾਅਦ ਵੈਸਟ ਇੰਡੀਜ਼ ਖ਼ਿਲਾਫ ਹੋਣ ਵਾਲੀ ਘਰੇਲੂ ਸੀਮਤ ਓਵਰਾਂ ਦੀ ਸੀਰੀਜ਼ ਵਿਚ ਟੀਮ ਇੰਡੀਆ ਦੀ ਪ੍ਰਤੀਨਿਧਤਾ ਕਰਨੀ ਹੈ। ਭਾਰਤ ਨੇ 6 ਦਸੰਬਰ ਨੂੰ ਵੈਸਟ ਇੰਡੀਜ਼ ਖ਼ਿਲਾਫ ਤਿੰਨ ਅੰਤਰਰਾਸ਼ਟਰੀ ਟੀ20 ਮੈਚਾਂ ਦੀ ਸੀਰੀਜ਼ ਵਿਚ ਹਿੱਸਾ ਲੈਣਾ ਹੈ, ਇਸ ਸੀਰੀਜ਼ ਦੀ ਸ਼ੁਰੂਆਤ ਹੈਦਰਾਬਾਦ ਵਿਚ ਹੋਵੇਗੀ। ਇਸ ਤੋਂ ਬਾਅਦ ਟੀਮ ਇੰਡੀਆ ਅਤੇ ਵੈਸਟ ਇੰਡੀਜ਼ ਵਿਚ 15 ਦਸੰਬਰ ਤੋਂ ਚੇਨਈ ਵਿਚ ਤਿੰਨ ਇੰਟਰਨੈਸ਼ਨਲ ਵਨਡੇ ਸੀਰੀਜ਼ ਸ਼ੁਰੂ ਹੋਵੇਗੀ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।

Advertisement
Advertisement

 

Advertisement