ਸਾਨੀਆ ਮਿਰਜ਼ਾ ਨੇ ਖ਼ੁਲਾਸਾ ਕੀਤਾ ਕਿ ਬਚਪਨ 'ਚ ਉਹਨਾਂ ਨੂੰ ਇਹ ਕਹਿੰਦੇ ਹੋਏ ਖੇਡਣ ਤੋਂ ਰੋਕ ਦਿੱਤਾ ਗਿਆ ਕਿ ਜੇਕਰ ਉਹ ਬਾਹਰ ਖੇਡੇਗੀ ਤਾਂ ਉਸ ਦਾ ਰੰਗ ‘ਸਾਂਵਲਾ’ ਹੋ ਜਾਵੇਗਾ
ਨਵੀਂ ਦਿੱਲੀ: ਭਾਰਤੀ ਟੈਨਿਸ ਸਟਾਰ ਸਾਨੀਆ ਮਿਰਜ਼ਾ ਨੇ ਵੀਰਵਾਰ ਨੂੰ ਖ਼ੁਲਾਸਾ ਕੀਤਾ ਕਿ ਬਚਪਨ ਵਿਚ ਇਕ ਵਾਰ ਉਹਨਾਂ ਨੂੰ ਇਹ ਕਹਿੰਦੇ ਹੋਏ ਖੇਡਣ ਤੋਂ ਰੋਕ ਦਿੱਤਾ ਗਿਆ ਸੀ ਕਿ ਜੇਕਰ ਉਹ ਬਾਹਰ ਖੇਡੇਗੀ ਤਾਂ ਉਸ ਦਾ ਰੰਗ ‘ਸਾਂਵਲਾ’ ਹੋ ਜਾਵੇਗਾ ਅਤੇ ‘ਕੋਈ ਉਸ ਨਾਲ ਵਿਆਹ ਨਹੀਂ ‘ ਕਰੇਗਾ। ਸਾਨੀਆ ਨੇ ਦਿੱਲੀ ਵਿਚ ਵਿਸ਼ਵ ਆਰਥਕ ਮੰਚ ਵਿਚ ਔਰਤਾਂ ਅਤੇ ਅਗਵਾਈ ਯੋਗਤਾ ’ਤੇ ਪੈਨਲ ਚਰਚਾ ਵਿਚ ਦੱਸਿਆ ਕਿ ਉਹਨਾਂ ਨੇ ਕਿਸ ਤਰ੍ਹਾਂ ਚੁਣੌਤੀਆਂ ਦਾ ਸਾਹਮਣਾ ਕੀਤਾ।
Sania Mirza
ਸਾਨੀਆ ਦੇ ਨਾਂਅ ਕਈ ਵੱਡੇ ਖ਼ਿਤਾਬ ਹਨ। ਉਹ ਭਾਰਤ ਦੀ ਸਭ ਤੋਂ ਸਫਲ ਟੈਨਿਸ ਖਿਡਾਰਨ ਹੈ ਅਤੇ ਡਬਲਯੂਟੀਏ ਸਿੰਗਲ ਸੂਚੀ 2007 ਦੇ ਅੱਧ ਵਿਚ ਕਰੀਅਰ ਦੀ ਸਰਬੋਤਮ 27 ਵੀਂ ਰੈਂਕਿੰਗ 'ਤੇ ਪਹੁੰਚ ਗਈ ਸੀ। 32 ਸਾਲ ਦੀ ਸਾਨੀਆ ਨੇ ਕਿਹਾ, ‘ਸ਼ੁਰੂਆਤ ਕਰਾਂ ਤਾਂ ਸਭ ਤੋਂ ਪਹਿਲਾਂ ਮਾਤਾ-ਪਿਤਾ, ਗੁਆਂਢੀਆਂ ਨੂੰ ਇਹ ਕਹਿਣਾ ਬੰਦ ਕਰਨਾ ਹੋਵੇਗਾ ਕਿ ਤੂੰ ਸਾਂਵਲੀ ਹੋ ਜਾਵੇਗੀ ਅਤੇ ਜੇਕਰ ਤੂੰ ਖੇਡੇਗੀ ਤਾਂ ਕੋਈ ਤੇਰੇ ਨਾਲ ਵਿਆਹ ਨਹੀਂ ਕਰੇਗਾ। ਮੈਂ ਸਿਰਫ਼ ਅੱਠ ਸਾਲ ਦੀ ਸੀ ਜਦੋਂ ਮੈਨੂੰ ਇਹ ਕਿਹਾ ਗਿਆ ਸੀ ਅਤੇ ਹਰ ਕਿਸੇ ਨੂੰ ਲੱਗਦਾ ਸੀ ਕਿ ਕੋਈ ਮੇਰੇ ਨਾਲ ਵਿਆਹ ਨਹੀਂ ਕਰੇਗਾ ਕਿਉਂਕਿ ਮੈਂ ਸਾਂਵਲੀ ਹੋ ਜਾਵਾਂਗੀ’।
Sports teaches us to deal with losses & victories. It builds character & gives us the confidence to achieve anything. With that I feel privileged to be able to make a difference~@MirzaSania, Sportsperson & @UN_Women Goodwill Ambassador for South Asia, India at #IES2019 @wef pic.twitter.com/vp7D2pUCRo
— Confederation of Indian Industry (@FollowCII) October 3, 2019
ਸਾਨੀਆ ਦੇ ਨਾਂਅ 41 ਡਬਲਯੂਟੀਏ ਖ਼ਿਤਾਬ ਹਨ। ਉਹਨਾਂ ਨੇ ਕਿਹਾ, ‘ਲੋਕਾਂ ਦੇ ਦਿਮਾਗ ਵਿਚ ਇਹੀ ਭਰਿਆ ਹੋਇਆ ਹੈ ਕਿ ਲੜਕੀਆਂ ਨੂੰ ਸੁੰਦਰ ਬਣ ਕੇ ਰਹਿਣਾ ਚਾਹੀਦਾ ਹੈ। ਮੈ ਨਹੀਂ ਜਾਣਦੀ ਅਜਿਹਾ ਕਿਉਂ। ਇਸ ਸੰਸਕ੍ਰਿਤੀ ਨੂੰ ਬਦਲ਼ਣਾ ਚਾਹੀਦਾ ਹੈ’। ਪਾਕਿ ਕ੍ਰਿਕਟਰ ਸ਼ੋਇਬ ਮਲਿਕ ਦੀ ਪਤਨੀ ਸਾਨੀਆ ਮਾਂ ਬਣਨ ਤੋਂ ਬਾਅਦ ਅਗਲੇ ਸਾਲ ਵਾਪਸੀ ‘ਤੇ ਕੰਮ ਕਰ ਰਹੀ ਹੈ। ਉਹਨਾਂ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਸਿਰਫ਼ ਪੀਟੀ ਊਸ਼ਾ ਤੋਂ ਸਿੱਖਿਆ ਲਈ ਸੀ। ਉਹਨਾਂ ਕਿਹਾ ਕਿ ਪਹਿਲਾਂ ਸਿਰਫ਼ ਪੀਟੀ ਊਸ਼ਾ ਦਾ ਨਾਂਅ ਲਿਆ ਜਾਂਦਾ ਸੀ ਪਰ ਅੱਜ ਬਹੁਤ ਮਾਣ ਅਤੇ ਖੁਸ਼ੀ ਦੀ ਗੱਲ ਹੈ ਕਿ ਪੀਵੀ ਸਿੰਧੂ, ਸਾਈਨਾ ਨੇਹਵਾਲ, ਦੀਪਾ ਕਰਮਾਕਰ ਅਤੇ ਹੋਰ ਕਈ ਕੁੜੀਆਂ ਦੇ ਨਾਂਅ ਲਏ ਜਾਂਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
