ਡੇਨੀਅਲ ਵਾਇਟ ਅਤੇ ਜਾਰਜੀ ਹਾਜ ਲੰਬੇ ਸਮੇਂ ਤੋਂ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਸਨ

ਨਵੀਂ ਦਿੱਲੀ - ਇੰਗਲੈਂਡ ਦੀ ਮਹਿਲਾ ਕ੍ਰਿਕਟ ਟੀਮ ਦੀ ਦਿੱਗਜ ਖਿਡਾਰੀ ਡੇਨੀਏਲ ਵਾਇਟ ਨੇ ਹਾਲ ਹੀ ਵਿਚ ਆਪਣੀ ਪ੍ਰੇਮਿਕਾ ਜਾਰਜੀ ਹਾਜ ਨਾਲ ਮੰਗਣੀ ਕੀਤੀ ਹੈ। ਜਿਸ ਦੀ ਜਾਣਕਾਰੀ ਉਸ ਨੇ ਖੁਦ ਸੋਸ਼ਲ ਮੀਡੀਆ 'ਤੇ ਪੋਸਟ ਪਾ ਕੇ ਸ਼ੇਅਰ ਕੀਤੀ ਹੈ। ਡੇਨੀਅਲ ਲੰਬੇ ਸਮੇਂ ਤੋਂ ਜਾਰਜੀ ਨੂੰ ਡੇਟ ਕਰ ਰਹੀ ਸੀ। 
ਸੋਸ਼ਲ ਮੀਡੀਆ 'ਤੇ ਫੈਨਜ਼ ਡੇਨੀਅਲ ਦੀ ਮੰਗਣੀ ਦੀਆਂ ਤਸਵੀਰਾਂ ਦੇਖ ਕੇ ਕਾਫੀ ਹੈਰਾਨ ਹਨ। ਦੱਸ ਦਈਏ ਕਿ ਡੇਨੀਅਲ ਉਹੀ ਮਹਿਲਾ ਖਿਡਾਰੀ ਹੈ, ਜਿਸ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਸ਼ੇਅਰ ਕਰਕੇ ਟੀਮ ਇੰਡੀਆ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਨੂੰ ਵਿਆਹ ਦਾ ਪ੍ਰਸਤਾਵ ਦਿੱਤਾ ਸੀ।

ਦਰਅਸਲ ਇੰਗਲੈਂਡ ਦੀ ਮਹਿਲਾ ਕ੍ਰਿਕਟ ਟੀਮ ਦੀ ਡੈਸ਼ਿੰਗ ਖਿਡਾਰਨ ਡੇਨੀਏਲ ਵਾਇਟ ਨੇ ਟੀ-20 ਵਰਲਡ ਖ਼ਤਮ ਹੁੰਦੇ ਹੀ ਰਿੰਗ ਪਾ ਕੇ ਆਪਣੀ ਪ੍ਰੇਮਿਕਾ ਨਾਲ ਮੰਗਣੀ ਕਰ ਲਈ। 2 ਮਾਰਚ ਦੀ ਸ਼ਾਮ ਨੂੰ, ਉਸ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਪਾ ਕੇ ਇਹ ਜਾਣਕਾਰੀ ਦਿੱਤੀ ਕਿ ਉਸ ਦੀ ਅਤੇ ਜਾਰਜੀ ਹੋਜ ਦੀ ਮੰਗਣੀ ਹੋ ਗਈ ਹੈ। 

ਡੇਨੀਅਲ ਵਾਇਟ ਅਤੇ ਜਾਰਜੀ ਹਾਜ ਲੰਬੇ ਸਮੇਂ ਤੋਂ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਸਨ। ਦੱਸ ਦਈਏ ਕਿ ਡੇਨੀਅਲ ਦੀ ਪ੍ਰੇਮਿਕਾ ਜਾਰਜੀ ਸੀਏਏ ਬੇਸ ਦੀ ਫੁੱਟਬਾਲ ਮਹਿਲਾ ਟੀਮ ਦੀ ਮੁਖੀ ਹੈ। ਦੋਵੇਂ ਅਕਸਰ ਆਪਣੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਦੇ ਨਜ਼ਰ ਆਉਂਦੇ ਹਨ। ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀਆਂ ਗਈਆਂ ਤਸਵੀਰਾਂ 'ਚ ਡੇਨੀਅਲ ਅਤੇ ਜਾਰਜੀ ਇਕ-ਦੂਜੇ ਨੂੰ ਕਿੱਸ ਕਰ ਰਹੇ ਹਨ ਅਤੇ ਡੇਨੀਅਲ ਨੇ ਸਾਰੇ ਪ੍ਰਸ਼ੰਸਕਾਂ ਨੂੰ ਆਪਣੀ ਰਿੰਗ ਵੀ ਦਿਖਾਈ। ਇਸ ਦੌਰਾਨ ਉਨ੍ਹਾਂ ਨੇ ਕੈਪਸ਼ਨ ਲਿਖਿਆ, ''ਮੇਰਾ ਹਮੇਸ਼ਾ ਲਈ ਮੇਰਾ ਮਤਲਬ ਹਮੇਸ਼ਾ ਲਈ ਮੇਰੀ।''

ਦੱਸ ਦਈਏ ਕਿ ਡੇਨੀਅਲ ਉਹੀ ਮਹਿਲਾ ਖਿਡਾਰੀ ਹੈ, ਜਿਸ ਨੇ ਸਾਲ 2014 'ਚ ਵਿਰਾਟ ਕੋਹਲੀ ਨੂੰ ਵਿਆਹ ਲਈ ਪ੍ਰਪੋਜ਼ ਕੀਤਾ ਸੀ। ਇਸ ਦੌਰਾਨ ਉਨ੍ਹਾਂ ਨੇ ਇਕ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ, ''ਵਿਰਾਟ ਮੈਰੀ ਮੀ'' ਜਿਸ ਨੇ ਪੂਰੇ ਕ੍ਰਿਕਟ ਜਗਤ 'ਚ ਹਲਚਲ ਮਚਾ ਦਿੱਤੀ ਸੀ। ਇਸ ਤੋਂ ਇਲਾਵਾ ਉਹ ਮਹਾਨ ਕ੍ਰਿਕਟਰ ਸਚਿਨ ਤੇਂਦੁਲਕਰ ਦੇ ਬੇਟੇ ਅਰਜੁਨ ਤੇਂਦੁਲਕਰ ਦੀ ਬਹੁਤ ਚੰਗੀ ਦੋਸਤ ਹੈ।