ਇਕ ਮਹਾਨ ਕ੍ਰਿਕੇਟਰ ਦਾ ਖਿਤਾਬ ਜਿੱਤਣ ਵਾਲੇ ਮਹਿੰਦਰ ਸਿੰਘ ਧੋਨੀ ਨੇ ਇਸ ਤਰ੍ਹਾਂ ਬਣਾਈ ਅਪਣੀ ਇਕ ਵੱਖਰੀ ਪਹਿਚਾਣ, ਜਾਣੋ

ਚੰਡੀਗੜ੍ਹ: ਅੱਜ ਮਹਿੰਦਰ ਸਿੰਘ ਧੋਨੀ ਨੂੰ ਇਕ ਚੰਗੇ ਕ੍ਰਿਕੇਟਰ ਦੇ ਰੂਪ ਵਿਚ ਕੌਣ ਨਹੀਂ ਜਾਣਦਾ ਹੈ। ਉਹ ਐਮ. ਐਸ. ਧੋਨੀ ਦੇ ਨਾਮ ਨਾਲ ਮਸ਼ਹੂਰ ਹਨ। ਉਨ੍ਹਾਂ ਨੇ ਕ੍ਰਿਕੇਟ ਜਗਤ ਵਿਚ ਭਾਰਤ ਦਾ ਨਾਮ ਰੌਸ਼ਨ   ਕੀਤਾ ਹੈ ਪਰ ਛੋਟੇ ਜਿਹੇ ਸ਼ਹਿਰ ਵਿਚੋਂ ਨਿਕਲ ਕੇ ਇਕ ਮਹਾਨ ਕ੍ਰਿਕੇਟਰ ਦਾ ਖਿਤਾਬ ਜਿੱਤਣ ਵਾਲੇ ਐਮ. ਐਸ. ਧੋਨੀ ਨੇ ਅਪਣੇ ਜੀਵਨ ਵਿਚ ਬਹੁਤ ਸੰਘਰਸ਼ ਕੀਤਾ ਅਤੇ ਕਾਫ਼ੀ ਸੰਘਰਸ਼ਾਂ ਤੋਂ ਬਾਅਦ ਅੱਜ ਉਹ ਇਸ ਮੁਕਾਮ ਉਤੇ ਪੁੱਜੇ ਅਤੇ ਦੁਨੀਆ ਦੇ ਸਾਹਮਣੇ ਉਨ੍ਹਾਂ ਨੇ ਅਪਣੀ ਇਕ ਵੱਖ ਪਹਿਚਾਣ ਬਣਾਈ ਹੈ।

Mahendra Singh Dhoni

ਸ਼ੁਰੂਆਤ ਵਿਚ ਮਹਿੰਦਰ ਸਿੰਘ ਧੋਨੀ ਲਈ ਇਹ ਸਫ਼ਰ ਇੰਨਾ ਆਸਾਨ ਨਹੀਂ ਸੀ ਪਰ ਉਨ੍ਹਾਂ ਨੇ ਕ੍ਰਿਕੇਟ  ਦੇ ਪ੍ਰਤੀ ਸੱਚੀ ਭਾਵਨਾ ਅਤੇ ਕੜੀ ਮਿਹਨਤ ਦੇ ਦਮ ’ਤੇ ਇਹ ਸਫ਼ਲਤਾ ਹਾਸਲ ਕੀਤੀ ਅਤੇ ਅੱਜ ਉਹ ਭਾਰਤ ਦੇ ਦਿੱਗਜ ਕ੍ਰਿਕੇਟਰਾਂ ਦੀ ਲਿਸਟ ਵਿਚ ਸ਼ਾਮਿਲ ਹੋ ਗਏ। ਇੱਥੋਂ ਤੱਕ ਕਿ ਭਾਰਤੀ ਕ੍ਰਿਕੇਟ ਟੀਮ ਵਿਚ ਉਨ੍ਹਾਂ ਨੇ ਅਪਣੀ ਕਪਤਾਨੀ ਨਾਲ ਕਈ ਲੋਕਾਂ ਦਾ ਦਿਲ ਜਿੱਤ ਲਿਆ ਅਤੇ ਟੀਮ ਨੂੰ ਚੰਗੀ ਗਾਈਡੈਂਸ ਵੀ ਦਿਤੀ।

ਦੱਸ ਦਈਏ ਕਿ ਮਹਿੰਦਰ ਸਿੰਘ ਧੋਨੀ ਨੇ ਅਪਣੇ ਸਕੂਲ ਟਾਈਮ ਦੌਰਾਨ ਕ੍ਰਿਕੇਟ ਖੇਡਣਾ ਸ਼ੁਰੂ ਕਰ ਦਿਤਾ ਸੀ ਪਰ ਇੰਡੀਅਨ ਟੀਮ ਦਾ ਹਿੱਸਾ ਬਣਨ ਵਿਚ ਉਨ੍ਹਾਂ ਨੂੰ ਕਈ ਸਾਲ ਲੱਗ ਗਏ। ਜਦੋਂ ਮਹਿੰਦਰ ਸਿੰਘ ਧੋਨੀ ਨੂੰ ਸਾਡੇ ਦੇਸ਼ ਵਲੋਂ ਖੇਡਣ ਦਾ ਮੌਕਾ ਮਿਲਿਆ, ਤਾਂ ਇਨ੍ਹਾਂ ਨੇ ਇਸ ਮੌਕੇ ਦਾ ਬਾਖੂਬੀ ਇਸਤੇਮਾਲ ਕੀਤਾ ਅਤੇ ਹੌਲੀ-ਹੌਲੀ ਖ਼ੁਦ ਨੂੰ ਕ੍ਰਿਕੇਟ ਦੀ ਦੁਨੀਆ ਵਿਚ ਸਥਾਪਿਤ ਕਰ ਲਿਆ। ਇਹੀ ਨਹੀਂ ਮਹਿੰਦਰ ਸਿੰਘ ਧੋਨੀ ਦੀ ਗਿਣਤੀ ਹੁਣ ਭਾਰਤ ਦੇ ਸਭ ਤੋਂ ਉੱਤਮ ਕ੍ਰਿਕੇਟਰਾਂ ਵਿਚ ਕੀਤੀ ਜਾਂਦੀ ਹੈ ਜਿਨ੍ਹਾਂ ਨੇ ਸੀਮਿਤ ਓਵਰਾਂ ਵਿਚ ਵੀ ਭਾਰਤੀ ਟੀਮ ਦੀ ਬਹੁਤ ਵਧੀਆ ਅਗਵਾਈ ਕੀਤੀ।

ਮਹਿੰਦਰ ਸਿੰਘ ਧੋਨੀ ਨੇ 11 ਸਤੰਬਰ 2007 ਤੋਂ 4 ਜਨਵਰੀ 2017 ਤੱਕ ਭਾਰਤੀ ਕ੍ਰਿਕੇਟ ਟੀਮ ਵਿਚ ਕਪਤਾਨੀ ਨਿਭਾਈ ਅਤੇ 2008 ਤੋਂ 28 ਦਸੰਬਰ 2014 ਤੱਕ ਟੈਸਟ ਕ੍ਰਿਕੇਟ ਟੀਮ ਵਿਚ ਕਪਤਾਨ ਰਹੇ। ਮਹਿੰਦਰ ਸਿੰਘ ਧੋਨੀ ਉਨ੍ਹਾਂ ਕਪਤਾਨਾਂ ਵਿਚੋਂ ਇਕ ਹਨ ਜਿਨ੍ਹਾਂ ਨੇ ਜੂਨੀਅਰ ਅਤੇ ਇੰਡੀਆ ਏ ਕ੍ਰਿਕੇਟ ਟੀਮਾਂ ਦੀ ਰੈਂਕਿੰਗ ਵਿਚ ਰਾਸ਼ਟਰੀ ਟੀਮ ਦੀ ਤਰਜਮਾਨੀ ਕੀਤੀ ਹੈ। ਧੋਨੀ ਇਕ ਰੋਲ ਮਾਡਲ ਅਤੇ ਪਿਨ ਅਪ ਸਟਾਰ ਵੀ ਹਨ। ਧੋਨੀ ਨੇ ਭਾਰਤੀ ਓਡੀਆਈ ਟੀਮ ਨੂੰ ਸਾਲ 2011 ਵਿਚ ਦੂਜਾ ਵਿਸ਼ਵ ਕੱਪ ਜਿਤਾਉਣ ਲਈ ਅਪਣਾ ਮਹੱਤਵਪੂਰਣ ਯੋਗਦਾਨ ਦਿਤਾ।

ਜਿਸ ਦੀ ਵਜ੍ਹਾ ਕਰਕੇ ਉਨ੍ਹਾਂ ਨੂੰ ਕਾਫ਼ੀ ਤਾਰੀਫ਼ ਵੀ ਮਿਲੀ ਸੀ ਅਤੇ ਉਹ ਭਾਰਤ ਦੇ ਸਭ ਤੋਂ ਚੰਗੇ ਖਿਡਾਰੀ ਬਣ ਗਏ। ਮਹਿੰਦਰ ਸਿੰਘ ਧੋਨੀ ਨੇ 23 ਦਸੰਬਰ, 2004 ਨੂੰ ਬੰਗਲਾਦੇਸ਼ ਵਿਰੁਧ ਭਾਰਤੀ ਓਡੀਆਈ ਟੀਮ ਲਈ ਅਪਣਾ ਪਹਿਲਾ ਮੈਚ ਖੇਡਿਆ, ਇਸ ਤੋਂ ਬਾਅਦ ਉਨ੍ਹਾਂ ਨੇ ਸਾਲ 2007 ਤੋਂ 2016 ਤੱਕ ਭਾਰਤੀ ਓਡੀਆਈ ਟੀਮ ਲਈ ਕਪਤਾਨੀ ਨਿਭਾਈ ਅਤੇ ਅਪਣੀ ਕਪਤਾਨੀ ਨਾਲ ਅਪਣੀ ਪ੍ਰਤਿਭਾ ਨੂੰ ਸਾਬਿਤ ਕੀਤਾ।

M.S. Dhoni

ਭਾਰਤੀ ਕ੍ਰਿਕੇਟਰ ਮਹਿੰਦਰ ਸਿੰਘ ਧੋਨੀ ਨੇ 2 ਦਸੰਬਰ 2005 ਨੂੰ ਸ਼੍ਰੀਲੰਕਾ ਵਿਰੁਧ ਇਕ ਟੈਸਟ ਪਲੇਅਰ ਦੇ ਰੂਪ ਵਿਚ ਪਹਿਲਾ ਮੈਚ ਖੇਡਿਆ ਸੀ ਅਤੇ 2008 ਤੋਂ 2014 ਤੱਕ ਟੈਸਟ ਕ੍ਰਿਕੇਟ ਵਿਚ ਟੀਮ ਦੀ ਅਗਵਾਈ ਕੀਤੀ। ਮਹਿੰਦਰ ਸਿੰਘ ਧੋਨੀ ਭਾਰਤ ਦੇ ਸਫ਼ਲ ਕਪਤਾਨਾਂ ਵਿਚੋਂ ਇਕ ਹਨ, ਜਿਨ੍ਹਾਂ ਨੇ ਟੀਮ ਦੀ ਬਹੁਤ ਵਧੀਆ ਅਗਵਾਈ ਕੀਤੀ ਅਤੇ ਕਈ ਮੈਚ ਜਿੱਤਣ ਵਿਚ ਸਫ਼ਲਤਾ ਦਿਵਾਈ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਕਪਤਾਨੀ ਦੇ ਵੀ ਕਈ ਰਿਕਾਰਡ ਹਨ। ਉਨ੍ਹਾਂ ਦੀ ਕਪਤਾਨੀ ਦੀ ਖ਼ਾਸ ਗੱਲ ਇਹ ਰਹੀ ਕਿ 2009 ਵਿਚ ਭਾਰਤੀ ਟੀਮ ਉਨ੍ਹਾਂ ਦੀ ਕੁਸ਼ਲ ਕਪਤਾਨੀ ਵਿਚ ਨੰਬਰ ਇਕ ਟੀਮ ਬਣ ਗਈ।

2007 ਆਈਸੀਸੀ ਵਰਲਡ 20-20 ਅਤੇ 2013 ਆਈਸੀਸੀ ਚੈਂਪੀਅੰਸ ਟਰਾਫ਼ੀ ਜਿੱਤਣ ਦੇ ਦੌਰਾਨ ਵੀ ਮਹਿੰਦਰ ਸਿੰਘ ਧੋਨੀ ਨੇ ਭਾਰਤੀ ਕ੍ਰਿਕੇਟ ਟੀਮ ਦੀ ਅਗਵਾਈ ਕੀਤੀ ਸੀ। ਆਈਪੀਐਲ ਮੈਚ ਵਿਚ ਵੀ ਉਨ੍ਹਾਂ ਦੀਆਂ ਉਪਲਬਧੀਆਂ ਅਕਸਰ ਅਪਣੇ ਅੰਤਰਰਾਸ਼ਟਰੀ ਰਿਕਾਰਡ ਨਾਲ ਢਕੀਆਂ ਹੋਈਆਂ ਹਨ। ਉਨ੍ਹਾਂ ਨੇ ਅਪਣੀ ਆਈਪੀਐਲ ਟੀਮ ਚੇਨੱਈ ਸੁਪਰ ਕਿੰਗਸ ਦੀ ਮਦਦ ਨਾਲ 2010 ਅਤੇ 2011 ਵਿਚ ਦੋ ਵਾਰ ਆਈਪੀਐਲ ਜਿੱਤਿਆ।

ਧੋਨੀ ਦਾ ਬਚਪਨ ਅਤੇ ਸ਼ੁਰੂਆਤੀ ਜੀਵਨ

ਮਹਿੰਦਰ ਸਿੰਘ ਧੋਨੀ ਦਾ ਜਨਮ 7 ਜੁਲਾਈ 1981 ਨੂੰ ਰਾਂਚੀ, ਬਿਹਾਰ ( ਜੋ ਕਿ ਹੁਣ ਝਾਰਖੰਡ ਵਿਚ ਸ਼ਾਮਿਲ ਹੋ ਗਿਆ ਹੈ) ਵਿਚ ਹੋਇਆ ਸੀ, ਉਹ ਮੂਲ ਰੂਪ ਵਿਚ ਉਤਰਾਖੰਡ ਦੇ ਰਾਜਪੂਤ ਪਰਵਾਰ ਦੇ ਸਨ। ਉਨ੍ਹਾਂ ਦੇ ਪਿਤਾ ਪਾਨ ਸਿੰਘ, ਮੇਕਾਨ (ਸਟੀਲ ਮੰਤਰਾਲੇ ਦੇ ਤਹਿਤ ਇਕ ਸਰਵਜਨਿਕ ਖੇਤਰ ਉਪਕਰਮ) ਦੇ ਰਿਟਾਇਰਡ ਕਰਮਚਾਰੀ ਹਨ, ਉਨ੍ਹਾਂ ਨੇ ਜੂਨੀਅਰ ਪ੍ਰਬੰਧਨ ਅਹੁਦੇ ’ਤੇ ਵੀ ਕੰਮ ਕੀਤਾ ਹੈ। ਉਨ੍ਹਾਂ ਦੀ ਮਾਂ ਦੇਵਕੀ ਦੇਵੀ ਇਕ ਹਾਊਸ ਵਾਈਫ਼ ਹਨ।

ਮਹਿੰਦਰ ਸਿੰਘ ਧੋਨੀ ਦੇ ਇਕ ਵੱਡੇ ਭਰਾ ਨਰਿੰਦਰ ਸਿੰਘ ਧੋਨੀ ਅਤੇ ਇਕ ਵੱਡੀ ਭੈਣ ਜੈਯੰਤੀ ਗੁਪਤਾ  ਹਨ। ਉਨ੍ਹਾਂ ਦੇ ਭਰਾ ਇਕ ਰਾਜਨੇਤਾ ਹਨ, ਜਦਕਿ ਉਨ੍ਹਾਂ ਦੀ ਭੈਣ ਇਕ ਅੰਗਰੇਜ਼ੀ ਸਿੱਖਿਅਕ ਹਨ। ਉਨ੍ਹਾਂ ਨੇ ਝਾਰਖੰਡ ਦੇ ਰਾਂਚੀ ਵਿਚ ਸ਼ਿਆਮਾਲੀ ਵਿਚ ਸਥਿਤ ਡੀਏਵੀ ਜਵਾਹਰ ਵਿੱਦਿਆ ਮੰਦਿਰ ਸਕੂਲ ਤੋਂ ਅਪਣੀ ਪੜਾਈ ਕੀਤੀ। ਉਹ ਇਕ ਏਥਲੇਟਿਕ ਵਿਦਿਆਰਥੀ ਸਨ ਪਰ ਸ਼ੁਰੂਆਤ ਵਿਚ ਬੈਡਮਿੰਟਨ ਅਤੇ ਫੁੱਟਬਾਲ ਦੇ ਖੇਡ ਵਿਚ ਉਨ੍ਹਾਂ ਦੀ ਜ਼ਿਆਦਾ ਰੂਚੀ ਸੀ। ਉਹ ਅਪਣੀ ਸਕੂਲੀ ਫੁੱਟਬਾਲ ਟੀਮ ਦੇ ਚੰਗੇ ਗੋਲਕੀਪਰ ਵੀ ਸਨ।

MS Dhoni

ਇਹ ਵਧੀਆ ਮੌਕਾ ਸੀ ਜਦੋਂ ਉਨ੍ਹਾਂ ਦੇ ਫੁੱਟਬਾਲ ਕੋਚ ਨੇ ਉਨ੍ਹਾਂ ਨੂੰ ਸਥਾਨਕ ਕਲੱਬ ਦੀ ਕ੍ਰਿਕੇਟ ਟੀਮ ਦੇ ਵਿਕੇਟ ਕੀਪਰ ਦੇ ਰੂਪ ਵਿਚ ਭੇਜ ਦਿਤਾ। ਮਹਿੰਦਰ ਸਿੰਘ ਧੋਨੀ ਨੇ ਅਪਣੇ ਚੰਗੇ ਪ੍ਰਦਰਸ਼ਨ ਦੇ ਨਾਲ ਸਾਰਿਆਂ ਨੂੰ ਆਕਰਸ਼ਿਤ ਕੀਤਾ ਅਤੇ 1995 ਤੋਂ 1998 ਦੇ ਦੌਰਾਨ ਕਮਾਂਡੋ ਕ੍ਰਿਕੇਟ ਕਲੱਬ ਟੀਮ ਵਿਚ ਨਾਮੀ ਵਿਕੇਟ ਕੀਪਰ ਦੇ ਰੂਪ ਵਿਚ ਸਥਾਈ ਸਥਾਨ ਹਾਸਲ ਕੀਤਾ।

ਮਹਿੰਦਰ ਸਿੰਘ ਧੋਨੀ ਸ਼ੁਰੂਆਤ ਤੋਂ ਹੀ ਚੰਗਾ ਪ੍ਰਦਰਸ਼ਨ ਕਰਦੇ ਰਹੇ ਅਤੇ 1997-98 ਦੇ ਦੌਰਾਨ ਉਨ੍ਹਾਂ ਨੂੰ ਵਿਨੋ ਮਾਂਕਡ ਟਰਾਫੀ ਅੰਡਰ-16 ਚੈਂਪੀਅਨਸ਼ਿਪ ਟੀਮ ਲਈ ਚੁਣਿਆ ਗਿਆ। ਉਨ੍ਹਾਂ ਨੇ 10 ਵੀਂ ਕਲਾਸ ਤੋਂ ਬਾਅਦ ਹੀ ਕ੍ਰਿਕੇਟ ਨੂੰ ਗੰਭੀਰਤਾ ਨਾਲ ਲੈਣਾ ਸ਼ੁਰੂ ਕਰ ਦਿਤਾ ਸੀ। ਪਰ ਕ੍ਰਿਕੇਟ ਲਈ ਇਸ ਦਿੱਗਜ ਕ੍ਰਿਕੇਟਰ ਨੂੰ ਅਪਣੀ ਪੜਾਈ ਨਾਲ ਸਮਝੌਤਾ ਕਰਨਾ ਪਿਆ। ਇਸ ਲਈ ਉਨ੍ਹਾਂ ਨੇ 12 ਵੀਂ ਤੋਂ ਬਾਅਦ ਅਪਣੀ ਪੜ੍ਹਾਈ ਛਡ ਦਿਤੀ।

ਮਹਿੰਦਰ ਸਿੰਘ ਦਾ ਸ਼ੁਰੂਆਤੀ ਕਰੀਅਰ

1998 ਵਿਚ ਭਾਰਤ ਦੇ ਮਹਾਨ ਕ੍ਰਿਕੇਟਰ ਸਿਰਫ਼ ਸਕੂਲ ਅਤੇ ਕਲੱਬ ਪੱਧਰ ਕ੍ਰਿਕੇਟ ਵਿਚ ਹੀ ਖੇਡ ਰਹੇ ਸਨ ਉਦੋਂ ਉਨ੍ਹਾਂ ਨੂੰ ਕੇਂਦਰੀ ਕੋਲਾ ਫੀਲਡ ਲਿਮੀਟਡ ਟੀਮ ਵਿਚ ਖੇਡਣ ਲਈ ਚੁਣਿਆ ਗਿਆ। ਇਸ ਦੌਰਾਨ ਉਨ੍ਹਾਂ ਨੇ ਬਿਹਾਰ ਕ੍ਰਿਕੇਟ ਐਸੋਸੀਏਸ਼ਨ ਦੇ ਸਾਬਕਾ ਰਾਸ਼ਟਰਪਤੀ ਦੇਵਲ ਸਹਾਏ ਨੂੰ ਅਪਣੀ ਸੱਚੇ ਦ੍ਰਿੜ ਸੰਕਲਪ, ਮਿਹਨਤ ਅਤੇ ਅਪਣੇ ਵਧੀਆ ਪ੍ਰਦਰਸ਼ਨ ਨਾਲ ਬੇਹੱਦ ਪ੍ਰਭਾਵਿਤ ਕੀਤਾ।

1998-99 ਸੀਜ਼ਨ ਦੇ ਦੌਰਾਨ, ਉਹ ਇਸ ਨੂੰ ਪੂਰਬੀ ਜ਼ੋਨ ਯੂ-19 ਟੀਮ ਜਾਂ ਬਾਕੀ ਭਾਰਤੀ ਟੀਮ ਬਣਾਉਣ ਵਿਚ ਨਾਕਾਮ ਰਹੇ ਪਰ ਅਗਲੇ ਸੀਜ਼ਨ ਵਿਚ ਉਨ੍ਹਾਂ ਨੂੰ ਸੀਕੇ ਨਾਇਡੂ ਟਰਾਫ਼ੀ ਲਈ ਪੂਰਬੀ ਜ਼ੋਨ ਯੂ-19 ਟੀਮ ਲਈ ਚੁਣਿਆ ਗਿਆ ਸੀ। ਬਦਕਿਸਮਤੀ ਨਾਲ ਇਸ ਵਾਰ ਧੋਨੀ ਦੀ ਟੀਮ ਵਧੀਆ ਪ੍ਰਦਰਸ਼ਨ ਨਹੀਂ ਕਰ ਸਕੀ। ਨਤੀਜਾ, ਉਨ੍ਹਾਂ ਦੀ ਟੀਮ ਨਿਚਲੇ ਪੱਧਰ ’ਤੇ ਆ ਗਈ।

ਰਣਜੀ ਟਰਾਫ਼ੀ ਦੀ ਸ਼ੁਰੂਆਤ

ਮਹਿੰਦਰ ਸਿੰਘ ਧੋਨੀ ਨੂੰ 1999-2000 ਸੀਜ਼ਨ ਦੇ ਦੌਰਾਨ ਰਣਜੀ ਟਰਾਫ਼ੀ ਵਿਚ ਖੇਡਣ ਦਾ ਮੌਕਾ ਮਿਲਿਆ। ਇਹ ਰਣਜੀ ਟਰਾਫ਼ੀ ਮੈਚ ਬਿਹਾਰ ਵਲੋਂ ਆਸਾਮ ਕ੍ਰਿਕੇਟ ਟੀਮ ਵਿਰੁਧ ਖੇਡਿਆ ਗਿਆ। ਇਸ ਮੈਚ ਦੀ ਦੂਜੀ ਪਾਰੀ ਵਿਚ ਮਹਿੰਦਰ ਸਿੰਘ ਧੋਨੀ ਨੇ ਨਾਬਾਦ 68 ਦੌੜਾਂ ਬਣਾਈਆਂ। ਉਨ੍ਹਾਂ ਨੇ ਅਗਲੇ ਸੀਜਨ ਵਿਚ ਬੰਗਾਲ ਵਿਰੁਧ ਮੈਚ ਖੇਡਿਆ, ਜਿਸ ਵਿਚ ਉਨ੍ਹਾਂ ਨੇ ਸ਼ਤਕ ਮਾਰਿਆ ਸੀ ਪਰ ਫਿਰ ਵੀ ਉਨ੍ਹਾਂ ਦੀ ਟੀਮ ਇਹ ਮੈਚ ਹਾਰ ਗਈ ਸੀ। ਦੱਸ ਦਈਏ ਕਿ ਇਸ ਟਰਾਫ਼ੀ ਦੇ ਇਸ ਸੈਸ਼ਨ ਵਿਚ ਧੋਨੀ ਨੇ ਕੁੱਲ 5 ਮੈਚਾਂ ਵਿਚ 283 ਦੌੜਾਂ ਬਣਾਈਆਂ ਸਨ। ਇਸ ਟਰਾਫ਼ੀ ਤੋਂ ਬਾਅਦ ਧੋਨੀ ਨੇ ਹੋਰ ਕਈ ਘਰੇਲੂ ਮੈਚ ਵੀ ਖੇਡੇ।

ਧੋਨੀ ਦੇ ਚੰਗੇ ਪ੍ਰਦਰਸ਼ਨ ਦੇ ਬਾਬਜੂਦ ਵੀ ਇਨ੍ਹਾਂ ਦੀ ਚੋਣ ਈਸਟ ਜ਼ੋਨ ਸਿਲੈਕਟਰ ਵਲੋਂ ਨਹੀਂ ਕੀਤਾ ਗਿਆ ਸੀ ਜਿਸ ਦੀ ਵਜ੍ਹਾ ਕਰਕੇ ਧੋਨੀ ਨੇ ਖੇਡ ਤੋਂ ਦੂਰੀ ਬਣਾ ਲਈ ਅਤੇ ਨੌਕਰੀ ਕਰਨ ਦਾ ਫ਼ੈਸਲਾ ਕੀਤਾ। 20 ਸਾਲ ਦੀ ਉਮਰ ਵਿਚ, ਉਨ੍ਹਾਂ ਨੂੰ ਖੇਡ ਕੋਟੇ ਦੇ ਮਾਧਿਅਮ ਰਾਹੀਂ ਖੜਗਪੁਰ ਰੇਲਵੇ ਸਟੇਸ਼ਨ ਉਤੇ ਟਰੈਵਲਿੰਗ ਟਿਕਟ ਐਗਜ਼ੈਮੀਨਾਰ (ਟੀਟੀਈ) ਦੇ ਅਹੁਦੇ ਉਤੇ ਨੌਕਰੀ ਮਿਲ ਗਈ ਅਤੇ ਉਹ ਪੱਛਮੀ ਬੰਗਾਲ ਦੇ ਮਿਦਨਾਪੁਰ ਚਲੇ ਗਏ।

ਉਨ੍ਹਾਂ ਨੇ 2001 ਤੋਂ 2003 ਤੱਕ ਰੇਲਵੇ ਕਰਮਚਾਰੀ ਦੇ ਰੂਪ ਵਿਚ ਕੰਮ ਕੀਤਾ। ਧੋਨੀ ਦਾ ਮਨ ਤਾਂ ਬਚਪਨ ਤੋਂ ਹੀ ਖੇਡਾਂ ਵਿਚ ਸੀ ਇਸ ਲਈ ਉਹ ਜ਼ਿਆਦਾ ਦਿਨ ਤੱਕ ਨੌਕਰੀ ਨਹੀਂ ਕਰ ਸਕੇ।

ਦੁਲੀਪ ਟਰਾਫ਼ੀ ਵਿਚ ਚੋਣ ਤੋਂ ਬਾਅਦ ਵੀ ਨਹੀਂ ਖੇਲ ਸਕੇ ਮੈਚ

ਸਾਲ 2001 ਵਿਚ  ਮਹਿੰਦਰ ਸਿੰਘ ਧੋਨੀ ਦੀ ਪੂਰਬੀ ਖੇਤਰ ਲਈ ਦੁਲੀਪ ਟਰਾਫ਼ੀ ਖੇਡਣ ਲਈ ਚੋਣ ਹੋਈ ਪਰ ਇਸ ਦੀ ਜਾਣਕਾਰੀ ਬਿਹਾਰ ਕ੍ਰਿਕੇਟ ਐਸੋਸੀਏਸ਼ਨ ਧੋਨੀ ਨੂੰ ਸਮੇਂ ਤੇ ਨਹੀਂ ਦੇ ਸਕਿਆ ਕਿਉਂਕਿ ਉਹ ਉਸ ਸਮੇਂ ਪੱਛਮੀ ਬੰਗਾਲ ਦੇ ਮਿਦਨਾਪੁਰ ਵਿਚ ਸਨ। ਧੋਨੀ ਨੂੰ ਇਸ ਟਰਾਫ਼ੀ ਦੀ ਜਾਣਕਾਰੀ ਤੱਦ ਹੋਈ ਜਦੋਂ ਉਨ੍ਹਾਂ ਦੀ ਟੀਮ ਪਹਿਲਾਂ ਹੀ ਅਗਰਤਲਾ ਪਹੁੰਚ ਚੁੱਕੀ ਸੀ। ਇਹ ਮੈਚ ਅਗਰਤਲਾ ਵਿਚ ਹੀ ਖੇਡਿਆ ਜਾਣਾ ਸੀ।

ਹਾਲਾਂਕਿ ਮਹਿੰਦਰ ਸਿੰਘ ਧੋਨੀ ਦੇ ਇਕ ਦੋਸਤ ਨੇ ਕੋਲਕਾਤਾ ਏਅਰਪੋਰਟ ਤੋਂ ਫਲਾਈਟ ਫੜਨ ਲਈ ਇਕ ਕਾਰ ਦਾ ਇੰਤਜ਼ਾਮ ਕਰਵਾਇਆ ਪਰ ਅੱਧੇ ਰਸਤੇ ਵਿਚ ਹੀ ਕਾਰ ਖ਼ਰਾਬ ਹੋ ਗਈ। ਜਿਸ ਤੋਂ ਬਾਅਦ ਇਸ ਮੈਚ ਵਿਚ ਦੀਪਦਾਸ ਗੁਪਤਾ ਨੇ ਵਿਕੇਟ ਕੀਪਰ ਬਣ ਕੇ ਮੈਚ ਖੇਡਿਆ।

ਦੇਵਧਰ ਟਰਾਫ਼ੀ ਟੂਰਨਾਮੈਂਟ

ਸਾਲ 2002-03 ਦੇ ਸੈਸ਼ਨ ਦੌਰਾਨ, ਮਹਿੰਦਰ ਸਿੰਘ ਧੋਨੀ ਨੇ ਰਣਜੀ ਟਰਾਫ਼ੀ ਅਤੇ ਦੇਵਧਰ ਟਰਾਫ਼ੀ ਵਿਚ ਚੰਗਾ ਪ੍ਰਦਰਸ਼ਨ ਕਰਨਾ ਜਾਰੀ ਰੱਖਿਆ, ਜਿਸ ਦੇ ਨਾਲ ਉਨ੍ਹਾਂ ਨੂੰ ਕ੍ਰਿਕੇਟ ਦੇ ਖੇਤਰ ਵਿਚ ਪਹਿਚਾਣ ਮਿਲੀ। ਦੱਸ ਦਈਏ ਕਿ 2003 ਵਿਚ ਜਮਸ਼ੇਦਪੁਰ ਵਿਚ ਪ੍ਰਤਿਭਾ ਸੰਸਾਧਨ ਵਿਕਾਸ ਵਿੰਗ ਦੇ ਹੋਏ ਮੈਚ ਵਿਚ ਖੇਡਦੇ ਹੋਏ ਮਹਿੰਦਰ ਸਿੰਘ ਧੋਨੀ ਨੂੰ ਸਾਬਕਾ ਕਪਤਾਨ ਪ੍ਰਕਾਸ਼ ਪੌਂਦਾਰ ਨੇ ਵੇਖਿਆ। ਜਿਸ ਤੋਂ ਬਾਅਦ ਉਨ੍ਹਾਂ ਧੋਨੀ ਦੇ ਪ੍ਰਦਰਸ਼ਨ ਦੀ ਜਾਣਕਾਰੀ ਰਾਸ਼ਟਰੀ ਕ੍ਰਿਕੇਟ ਅਕਾਦਮੀ ਨੂੰ ਦਿਤੀ ਅਤੇ ਇਸ ਤਰ੍ਹਾਂ ਧੋਨੀ ਦੀ ਚੋਣ ਬਿਹਾਰ ਅੰਡਰ-19 ਟੀਮ ਵਿਚ ਹੋ ਗਈ।

ਮਹਿੰਦਰ ਸਿੰਘ ਧੋਨੀ ਦਾ ਵਨ ਡੇ ਮੈਚ ਵਿਚ ਕਰੀਅਰ

ਲਗਾਤਾਰ ਅਪਣੇ ਚੰਗੇ ਪ੍ਰਦਰਸ਼ਨ ਨਾਲ ਪ੍ਰਭਾਵਿਤ ਕਰਨ ਮਗਰੋਂ ਸਾਲ 2004-2005 ਵਿਚ ਮਹਿੰਦਰ ਸਿੰਘ ਧੋਨੀ ਦੀ ਚੋਣ ਰਾਸ਼ਟਰੀ ਵਨ ਡੇ ਮੈਚ ਵਿਚ ਹੋਈ। ਮਹਿੰਦਰ ਸਿੰਘ ਧੋਨੀ ਨੇ ਅਪਣਾ ਪਹਿਲਾ ਵਨ ਡੇ ਮੈਚ ਬੰਗਲਾਦੇਸ਼ ਟੀਮ ਵਿਰੁਧ ਖੇਡਿਆ ਸੀ ਪਰ ਆਪਣੇ ਪਹਿਲੇ ਮੈਚ ਵਿਚ ਚੰਗਾ ਪ੍ਰਦਰਸ਼ਨ ਨਾ ਕਰ ਸਕੇ ਅਤੇ ਜੀਰੋ ’ਤੇ ਹੀ ਆਉਟ ਹੋ ਗਏ। ਖ਼ਰਾਬ ਪ੍ਰਦਰਸ਼ਨ ਦੇ ਬਾਵਜੂਦ ਵੀ ਮਹਿੰਦਰ ਸਿੰਘ ਧੋਨੀ ਦੀ ਕਿਸਮਤ ਦੇ ਸਿਤਾਰਿਆਂ ਨੇ ਉਨ੍ਹਾਂ ਦਾ ਸਾਥ ਦਿਤਾ। ਇਹੀ ਵਜ੍ਹਾ ਸੀ ਕਿ ਚੋਣ ਅਧਿਕਾਰੀਆਂ ਨੇ ਉਨ੍ਹਾਂ ਦੀ ਚੋਣ ਪਾਕਿਸਤਾਨ ਦੇ ਨਾਲ ਖੇਡੇ ਜਾਣ ਵਾਲੇ ਅਗਲੇ ਵਨ ਡੇ ਮੈਚ ਸੀਰੀਜ਼ ਲਈ ਕਰ ਉਨ੍ਹਾਂ ਉਤੇ ਭਰੋਸਾ ਜਤਾਇਆ।

ਇਸ ਵਾਰ ਧੋਨੀ ਨੇ ਅਪਣੀ ਪਹਿਲਕਾਰ ਬੱਲੇਬਾਜ਼ੀ ਨਾਲ ਨਿਰਾਸ਼ ਨਹੀਂ ਹੋਣ ਦਿਤਾ ਅਤੇ ਇਸ ਮੈਚ ਵਿਚ ਉਨ੍ਹਾਂ ਨੇ ਪੂਰੇ ਜੋਸ਼ ਅਤੇ ਜਜ਼ਬੇ ਨਾਲ ਪਾਕਿਸਤਾਨ ਵਿਰੁਧ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਇਸ ਦੇ ਨਾਲ ਹੀ ਉਹ ਇਸ ਮੈਚ ਵਿਚ 148 ਦੌੜਾਂ ਬਣਾ ਕੇ ਪਹਿਲੇ ਭਾਰਤੀ ਵਿਕੇਟ ਕੀਪਰ ਬੱਲੇਬਾਜ ਵੀ ਬਣ ਗਏ। ਇਸ ਤਰ੍ਹਾਂ ਉਨ੍ਹਾਂ ਨੇ ਅਪਣੀ ਬੱਲੇਬਾਜ਼ੀ ਨਾਲ ਚੰਗੇ ਵਿਕੇਟ ਕੀਪਰ ਬੱਲੇਬਾਜ਼ ਦਾ ਰਿਕਾਰਡ ਬਣਾਇਆ।

2005-06 ਵਿਚ ਭਾਰਤ-ਪਾਕਿਸਤਾਨ ਦੀ ਵਨ ਡੇ ਸੀਰੀਜ਼ ਵਿਚ ਐਮ. ਐਸ. ਧੋਨੀ ਨੇ ਸੀਰੀਜ਼ ਦੇ 4-5 ਮੈਚਾਂ ਵਿਚ 68 ਦੌੜਾਂ, 72 ਦੌੜਾਂ ਉਤੇ ਨਾਟ ਆਉਟ (ਨਾਬਾਦ), 2 ਦੌੜਾਂ (ਨਾਟ ਆਉਟ), 77 ਦੌੜਾਂ (ਨਾਟ ਆਉਟ) ਬਣਾਈਆਂ ਅਤੇ ਆਪਣੀ ਟੀਮ ਦੀ 4-1 ਸੀਰੀਜ਼ ਨਾਲ ਜਿੱਤ ਹਾਸਲ ਕਰਵਾਉਣ ਵਿਚ ਮਦਦ ਕੀਤੀ।

2007 ਕ੍ਰਿਕੇਟ ਵਿਸ਼ਵ ਕੱਪ ਟੂਰਨਾਮੈਂਟ ਤੋਂ ਪਹਿਲਾਂ ਵੈਸਟਇੰਡੀਜ਼ ਅਤੇ ਸ਼੍ਰੀਲੰਕਾ ਵਿਰੁਧ ਦੋ ਸੀਰੀਜ਼ ਵਿਚ, ਧੋਨੀ ਨੇ 100 ਓਵਰ ਦੇ ਔਸਤ ਦੇ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਵਿਖਾਇਆ। ਹਾਲਾਂਕਿ, ਧੋਨੀ ਵਿਸ਼ਵ ਕੱਪ ਦੇ ਦੌਰਾਨ ਨੁਮਾਇਸ਼ ਕਰਨ ਵਿਚ ਨਾਕਾਮ ਰਹੇ ਅਤੇ ਭਾਰਤੀ ਟੀਮ, ਇਸ ਟੂਰਨਾਮੈਂਟ ਵਿਚ ਹਿੱਸਾ ਨਹੀਂ ਲੈ ਸਕੀ।

2007 ਵਿਚ ਦੱਖਣੀ ਅਫ਼ਰੀਕਾ ਅਤੇ ਇੰਗਲੈਂਡ ਵਿਰੁਧ ਦੋ ਸੀਰੀਜ਼ ਲਈ ਮਹਿੰਦਰ ਸਿੰਘ ਧੋਨੀ ਨੂੰ ਵਨ ਡੇ ਮੈਚ ਵਿਚ ਵਾਈਸ ਕੈਪਟਨ ਅਰਥਾਤ ਉਪ-ਪ੍ਰਧਾਨ ਬਣਾਇਆ ਗਿਆ। ਉਨ੍ਹਾਂ ਨੇ ਦੱਖਣੀ ਅਫ਼ਰੀਕਾ ’ਚ ਭਾਰਤੀ ਟੀਮ ਦੀ ਆਈਸੀਸੀ ਵਿਸ਼ਵ 20-20 ਟਰਾਫ਼ੀ ਵਿਚ ਵੀ ਅਗਵਾਈ ਕੀਤੀ ਅਤੇ ਪਾਕਿਸਤਾਨੀ ਟੀਮ ਨੂੰ ਹਰਾ ਕੇ ਟਰਾਫ਼ੀ ਜਿੱਤੀ।

20-20 ਵਿਚ ਅਪਣੀ ਸਫ਼ਲ ਕਪਤਾਨੀ ਤੋਂ ਬਾਅਦ, ਮਹਿੰਦਰ ਸਿੰਘ ਧੋਨੀ ਨੂੰ ਸਤੰਬਰ 2007 ਵਿਚ ਆਸਟਰੇਲੀਆ ਵਿਰੁਧ ਵਨ ਡੇਅ ਸੀਰੀਜ਼ ਵਿਚ ਭਾਰਤੀ ਟੀਮ ਦੀ ਅਗਵਾਈ ਕਰਨ ਦੀ ਜ਼ਿੰਮੇਵਾਰੀ ਸੌਂਪੀ ਗਈ। ਬਾਅਦ ਵਿਚ ਮਹਿੰਦਰ ਸਿੰਘ ਧੋਨੀ ਨੇ 2011 ਵਿਚ ਵਿਸ਼ਵ ਕੱਪ ਜਿੱਤਣ ਲਈ ਭਾਰਤ ਦੀ ਅਗਵਾਈ ਕੀਤੀ ਜਿਸ ਦੇ ਲਈ ਉਨ੍ਹਾਂ ਨੂੰ ਕ੍ਰਿਕੇਟ ਦੇ ਕਈ ਦਿੱਗਜਾਂ ਸਮੇਤ ਅਪਣੇ ਟੀਮਮੇਟ ਮਾਸਟਰ ਬਲਾਸਟਰ ਅਤੇ ਮਹਾਨ ਕ੍ਰਿਕੇਟਰ ਸਚਿਨ ਤੇਂਦੁਲਕਰ ਵਲੋਂ ਵੀ ਸ਼ਾਬਾਸ਼ੀ ਮਿਲੀ।

2013 ਵਿਚ, ਮਹਿੰਦਰ ਸਿੰਘ ਧੋਨੀ ਨੇ ਆਈਸੀਸੀ ਚੈਂਪੀਅੰਸ ਟਰਾਫ਼ੀ ’ਤੇ ਜਿੱਤ ਹਾਸਲ ਕਰਨ ਲਈ ਭਾਰਤੀ ਟੀਮ ਦੀ ਅਗਵਾਈ ਕੀਤੀ ਅਤੇ ਆਈਸੀਸੀ ਟਰਾਫ਼ੀ ਯਾਨੀ ਟੈਸਟ ਮੈਚ, ਓਡੀਆਈ ਵਿਸ਼ਵ ਕੱਪ ਅਤੇ ਚੈਂਪੀਅੰਸ ਟਰਾਫ਼ੀ ਜਿੱਤਣ ਵਾਲੇ ਇਕਮਾਤਰ ਕਪਤਾਨ ਵੀ ਬਣੇ।

ਧੋਨੀ ਵਲੋਂ ਖੇਡੇ ਗਏ ਵਨ ਡੇ ਮੈਚ – 318

ਕੁਲ ਖੇਡੀਆਂ ਗਈਆਂ ਇਨਿੰਗਜ਼ – 272

ਵਨ ਡੇ ਮੈਚਾਂ ਵਿਚ ਬਣਾਏ ਗਏ ਕੁਲ ਸਕੋਰ – 9967

ਵਨ ਡੇ ਮੈਚਾਂ ਵਿਚ ਲਗਾਏ ਗਏ ਕੁੱਲ ਚੌਕੇ – 770

ਵਨ ਡੇ ਮੈਚਾਂ ਵਿਚ ਲਗਾਏ ਗਏ ਕੁੱਲ ਛੱਕੇ – 217

 ਵਨ ਡੇ ਮੈਚਾਂ ਵਿਚ ਬਣਾਏ ਗਏ ਕੁਲ ਸ਼ਤਕ – 10

 ਵਨ ਡੇ ਮੈਚਾਂ ਵਿਚ ਬਣਾਏ ਗਏ ਕੁਲ ਦੋਹਰੇ ਸ਼ਤਕ – 0

 ਵਨ ਡੇ ਮੈਚ ਵਿਚ ਬਣਾਏ ਗਏ ਕੁਲ ਅਰਧ ਸ਼ਤਕ – 67

ਮਹਿੰਦਰ ਸਿੰਘ ਧੋਨੀ ਦਾ ਟੀ-20 ਕਰੀਅਰ

ਮਹਿੰਦਰ ਸਿੰਘ ਧੋਨੀ ਨੇ ਅਪਣਾ ਪਹਿਲਾ ਟੀ-20 ਮੈਚ ਦੱਖਣੀ ਅਫ਼ਰੀਕਾ ਵਿਰੁਧ ਖੇਡਿਆ ਸੀ ਪਰ ਉਨ੍ਹਾਂ ਦਾ ਪਹਿਲਾਂ ਟੀ-20 ਮੈਚ ਵਿਚ ਪ੍ਰਦਰਸ਼ਨ ਕਾਫ਼ੀ ਨਿਰਾਸ਼ਾਜਨਕ ਰਿਹਾ। ਦੱਸ ਦਈਏ ਕਿ ਇਸ ਮੈਚ ਵਿਚ ਮਹਿੰਦਰ ਸਿੰਘ ਧੋਨੀ ਨੇ ਸਿਰਫ਼ 2 ਗੇਂਦਾਂ ਦਾ ਹੀ ਸਾਹਮਣਾ ਕੀਤਾ ਸੀ ਅਤੇ ਜੀਰੋ ’ਤੇ ਹੀ ਆਊਟ ਹੋ ਗਏ ਸਨ ਹਾਲਾਂਕਿ ਟੀਮ ਇੰਡੀਆ ਨੇ ਇਸ ਮੈਚ ਨੂੰ ਜਿੱਤ ਲਿਆ ਸੀ।

ਧੋਨੀ ਦੇ ਟੀ-20 ਮੈਚ ਦੇ ਕਰੀਅਰ ਦੀ ਜਾਣਕਾਰੀ ਇਸ ਤਰ੍ਹਾਂ ਹੈ।

ਧੋਨੀ ਵਲੋਂ ਖੇਡੇ ਗਏ ਕੁੱਲ ਟੀ-20 ਮੈਚ - 89

ਕੁੱਲ ਦੌੜਾਂ – 1444

ਕੁੱਲ ਚੌਕੇ – 101

ਕੁੱਲ ਛੱਕੇ – 46

ਕੁੱਲ ਸ਼ਤਕ – 0

ਕੁੱਲ ਅਰਧ ਸ਼ਤਕ – 2

ਕਪਤਾਨ ਦੇ ਤੌਰ ’ਤੇ ਕ੍ਰਿਕੇਟਰ ਧੋਨੀ ਬਾਰੇ ਕੁੱਝ ਅਹਿਮ ਗੱਲਾਂ

ਜਦੋਂ ਮਹਿੰਦਰ ਸਿੰਘ ਧੋਨੀ ਨੂੰ ਕਪਤਾਨ ਬਣਾਇਆ ਗਿਆ ਸੀ ਤਾਂ ਉਸ ਤੋਂ ਪਹਿਲਾਂ ਭਾਰਤੀ ਟੀਮ ਦੀ ਜ਼ਿੰਮੇਵਾਰੀ ਕ੍ਰਿਕੇਟਰ ਰਾਹੁਲ ਦਰਾਵਿੜ ਸੰਭਾਲ ਰਹੇ ਸਨ। ਉਥੇ ਹੀ ਜਦੋਂ ਰਾਹੁਲ ਦਰਾਵਿੜ ਨੇ ਅਪਣੇ ਅਹੁਦੇ ਨੂੰ ਛੱਡ ਦਿਤਾ ਸੀ, ਤਾਂ ਉਨ੍ਹਾਂ ਦੀ ਜਗ੍ਹਾ ਭਾਰਤੀ ਕ੍ਰਿਕੇਟ ਟੀਮ ਦਾ ਅਗਲਾ ਕਪਤਾਨ ਧੋਨੀ ਨੂੰ ਚੁਣਿਆ ਗਿਆ ਸੀ। ਦੱਸ ਦਈਏ ਕਿ ਮਹਿੰਦਰ ਸਿੰਘ ਧੋਨੀ ਨੂੰ ਕਪਤਾਨ ਬਣਾਉਣ ਵਿਚ ਰਾਹੁਲ ਦਰਾਵਿੜ ਅਤੇ ਸਚਿਨ ਤੇਂਦੁਲਕਰ ਦਾ ਬਹੁਤ ਵੱਡਾ ਹੱਥ ਸੀ।

M.S Dhoni

ਧੋਨੀ ਨੂੰ ਭਾਰਤੀ ਟੀਮ ਦੀ ਕਪਤਾਨੀ ਦਿਵਾਉਣ ਲਈ ਰਾਹੁਲ ਦਰਾਵਿੜ ਅਤੇ ਸਚਿਨ ਤੇਂਦੁਲਕਰ ਨੇ BCCI ਨਾਲ ਗੱਲ ਕੀਤੀ, ਜਿਸ ਤੋਂ ਬਾਅਦ BCCI ਨੇ ਧੋਨੀ ਨੂੰ ਸਾਲ 2007 ਵਿਚ ਭਾਰਤੀ ਟੀਮ ਦਾ ਕੈਪਟਨ ਬਣਾਇਆ ਸੀ। ਭਾਰਤ ਦੇ ਕਪਤਾਨ ਬਣਨ ਮਗਰੋਂ ਸਤੰਬਰ 2007 ਵਿਚ ਦੱਖਣੀ ਅਫ਼ਰੀਕਾ ਵਿਚ ਆਯੋਜਿਤ ਹੋਏ ICC ਵਿਸ਼ਵ ਟੀ-20 ਵਿਚ ਇਨ੍ਹਾਂ ਨੇ ਭਾਰਤੀ ਟੀਮ ਨੂੰ ਲੀਡ ਕੀਤਾ ਸੀ ਅਤੇ ਇਸ ਟੂਰਨਾਮੈਂਟ ਨੂੰ ਜਿੱਤ ਹਾਸਲ ਕਰਵਾਉਣ ਵਿਚ ਮਦਦ ਕੀਤੀ ਸੀ।

ਵਿਸ਼ਵ ਟੀ-20 ਕੱਪ ਜਿੱਤਣ ਮਗਰੋਂ ਧੋਨੀ ਨੂੰ ਵਨ ਡੇ ਮੈਚ ਅਤੇ ਟੈਸਟ ਮੈਚ ਦੀ ਵੀ ਕਪਤਾਨੀ ਸੌਂਪ ਦਿਤੀ ਗਈ ਸੀ ਅਤੇ ਧੋਨੀ ਨੇ ਅਪਣੀ ਜ਼ਿੰਮੇਵਾਰੀ ਨੂੰ ਸੱਚੀ ਇਮਾਨਦਾਰੀ ਨਾਲ ਨਿਭਾਇਆ ਸੀ। ਧੋਨੀ ਦੀ ਕਪਤਾਨੀ ਦੇ ਤਹਿਤ ਹੀ ਟੀਮ ਇੰਡੀਆ ਨੇ ਸਾਲ 2009 ਵਿਚ ICC ਟੈਸਟ ਰੈਂਕਿੰਗ ਵਿਚ ਪਹਿਲਾ ਸਥਾਨ ਹਾਸਲ ਕੀਤਾ ਸੀ ਇਸ ਦੇ ਨਾਲ ਹੀ ਕ੍ਰਿਕੇਟ ਦੇ ਧੁਰੰਧਰ ਬੱਲੇਬਾਜ਼ ਧੋਨੀ ਨੇ ਕਪਤਾਨ ਰਹਿੰਦੇ ਹੋਏ ਕਈ ਰਿਕਾਰਡ ਵੀ ਅਪਣੇ ਨਾਮ ਕੀਤੇ ਸਨ।

ਧੋਨੀ ਨੇ ਦੋ ਵਰਲਡ ਕੱਪ ਵਿਚ ਭਾਰਤੀ ਟੀਮ ਦੀ ਅਗਵਾਈ ਕੀਤੀ ਹੈ ਅਤੇ ਅਪਣੀ ਕਪਤਾਨੀ ਦੇ ਤਹਿਤ ਟੀਮ ਇੰਡੀਆ ਨੇ ਸਾਲ 2011 ਵਿਚ ਵਿਸ਼ਵ ਕੱਪ ਵੀ ਜਿੱਤਿਆ ਸੀ। ਜਦਕਿ ਸਾਲ 2015 ਵਿਚ ਹੋਏ ਵਿਸ਼ਵ ਕੱਪ ਵਿਚ ਭਾਰਤ ਨੂੰ ਸੈਮੀਫਾਈਨਲ ਤੱਕ ਪਹੁੰਚਾਉਣ ਵਿਚ ਵੀ ਉਪਲਬਧੀ ਹਾਸਲ ਕੀਤੀ ਸੀ।

ਮਹਿੰਦਰ ਸਿੰਘ ਧੋਨੀ ਦਾ IPL ਕਰਿਅਰ

IPL ਦੇ ਪਹਿਲੇ ਸੀਜ਼ਨ ਵਿਚ ਚੇਨੱਈ ਸੁਪਰ ਕਿੰਗਸ ਟੀਮ ਨੇ ਮਹਿੰਦਰ ਸਿੰਘ ਧੋਨੀ ਨੂੰ 5 ਮਿਲੀਅਨ ਡਾਲਰ ਯਾਨੀ ਦੀ 10 ਕਰੋੜ ਰੁਪਏ ਵਿਚ ਖਰੀਦਿਆ ਸੀ ਅਤੇ ਉਹ ਇਸ ਦੌਰਾਨ ਸਭ ਤੋਂ ਮਹਿੰਗੇ ਖਿਡਾਰੀ ਵੀ ਸਨ। ਦੱਸ ਦਈਏ ਕਿ ਉਨ੍ਹਾਂ ਦੀ ਕਪਤਾਨੀ ਦੇ ਤਹਿਤ ਚੇਨੱਈ ਸੁਪਰ ਕਿੰਗਸ ਨੇ ਇਸ ਲੀਗ  ਦੇ ਦੋ ਸੀਜ਼ਨ ਜਿੱਤੇ ਸਨ। ਇਸ ਤੋਂ ਇਲਾਵਾ ਵੀ ਇਨ੍ਹਾਂ ਨੇ ਸਾਲ 2010 ਦੇ 20-20 ਦੀ ਚੈਂਪੀਅੰਸ ਲੀਗ ਵਿਚ ਵੀ ਅਪਣੀ ਟੀਮ ਨੂੰ ਜਿੱਤ ਹਾਸਲ ਕਰਵਾਉਣ ਵਿਚ ਕਾਫ਼ੀ ਸਹਿਯੋਗ ਦਿਤਾ ਸੀ।

ਮਹਿੰਦਰ ਸਿੰਘ ਧੋਨੀ ਦੇ ਰਿਕਾਰਡ

ਦੱਸ ਦਈਏ ਕਿ ਮਹਿੰਦਰ ਸਿੰਘ ਧੋਨੀ ਪਹਿਲੇ ਅਜਿਹੇ ਵਿਕੇਟ ਕੀਪਰ ਹਨ ਜਿਨ੍ਹਾਂ ਨੇ ਟੈਸਟ ਮੈਚ ਵਿਚ ਕੁੱਲ 4 ਹਜ਼ਾਰ ਦੌੜਾਂ ਬਣਾਈਆਂ ਸਨ। ਇਨ੍ਹਾਂ ਤੋਂ ਪਹਿਲਾਂ ਕਦੇ ਕਿਸੇ ਵਿਕੇਟ ਕੀਪਰ ਨੇ ਇੰਨੀਆਂ ਦੌੜਾਂ ਨਹੀਂ ਬਣਾਈਆਂ ਸਨ। ਇਸ ਤਰ੍ਹਾਂ ਧੋਨੀ ਨੇ ਟੈਸਟ ਮੈਚਾਂ ਵਿਚ ਰਿਕਾਰਡ ਬਣਾ ਲਿਆ ਸੀ। ਮਹਿੰਦਰ ਸਿੰਘ ਧੋਨੀ ਦੀ ਕਪਤਾਨੀ ਦੇ ਦੌਰਾਨ ਕੁਲ 27 ਟੈਸਟ ਮੈਚ ਹੋਏ ਸਨ ਜਿਨ੍ਹਾਂ ਵਿਚੋਂ ਧੋਨੀ ਦੇ ਨਾਮ ਸਭ ਤੋਂ ਸਫ਼ਲ ਭਾਰਤੀ ਟੈਸਟ ਕਪਤਾਨ ਹੋਣ ਦਾ ਰਿਕਾਰਡ ਦਰਜ ਹੈ।

ਇਹਨਾਂ ਦੀ ਕਪਤਾਨੀ ਦੇ ਦੌਰਾਨ ਭਾਰਤੀ ਟੀਮ ਨੇ ਹੇਠਾਂ ਲਿਖੇ ਗਏ ਵਰਲਡ ਕੱਪ ਜਿੱਤੇ ਸਨ ਜਿਸ ਦੇ ਨਾਲ ਹੀ ਮਹਿੰਦਰ ਸਿੰਘ ਧੋਨੀ ਪਹਿਲੇ ਅਜਿਹੇ ਕਪਤਾਨ ਬਣ ਗਏ ਸਨ ਜਿਨ੍ਹਾਂ ਨੇ ਹਰ ਤਰ੍ਹਾਂ ਦੇ ICC ਟੂਰਨਾਮੈਂਟ ਕੱਪ ਜਿੱਤੇ ਸਨ।

ਟੀ-20 ਵਰਲਡ ਕੱਪ 2007

ODI ਵਰਲਡ ਕੱਪ    2011

ਚੈਂਪੀਅੰਸ ਟਰਾਫ਼ੀ      2013

ਮਹਿੰਦਰ ਸਿੰਘ ਧੋਨੀ ਨੇ ਅਪਣੀ ਕਪਤਾਨੀ ਦੇ ਦੌਰਾਨ ਕੁੱਲ 331 ਇੰਟਰਨੈਸ਼ਨਲ ਮੈਚ ਖੇਡੇ ਹਨ ਨਾਲ ਹੀ ਧੋਨੀ ਪਹਿਲੇ ਅਜਿਹੇ ਕਪਤਾਨ ਹਨ ਜਿਨ੍ਹਾਂ ਨੇ ਅਪਣੇ ਕਰੀਅਰ ਵਿਚ ਸਭ ਤੋਂ ਜ਼ਿਆਦਾ ਇੰਟਰਨੈਸ਼ਨਲ ਮੈਚ ਖੇਡੇ ਹਨ।

ਮਹਿੰਦਰ ਸਿੰਘ ਧੋਨੀ ਨੂੰ ਮਿਲਿਆ ਸਨਮਾਨ

ਮਹਿੰਦਰ ਸਿੰਘ ਧੋਨੀ ਨੂੰ ਵਨ ਡੇ ਮੈਚ ਵਿਚ ਅਪਣੇ ਸ਼ਾਨਦਾਰ ਪ੍ਰਦਰਸ਼ਨ ਲਈ 6 ਮੈਨ ਆਫ਼ ਦ ਸੀਰੀਜ਼ ਇਨਾਮ ਅਤੇ 20 ਮੈਨ ਆਫ਼ ਦ ਮੈਚ ਇਨਾਮ ਮਿਲੇ ਹਨ। ਉਨ੍ਹਾਂ ਨੂੰ ਅਪਣੇ ਪੂਰੇ ਕਰੀਅਰ ਵਿਚ ਟੈਸਟ ਵਿਚ 2 ਮੈਨ ਆਫ਼ ਦ ਮੈਚ ਇਨਾਮ ਵੀ ਮਿਲੇ ਹਨ। ਸਾਲ 2007 ਵਿਚ ਮਹਿੰਦਰ ਸਿੰਘ ਧੋਨੀ ਨੂੰ ਭਾਰਤ ਸਰਕਾਰ ਵਲੋਂ ਰਾਜੀਵ ਗਾਂਧੀ ਖੇਲ ਰਤਨ ਐਵਾਰਡ ਨਾਲ ਵੀ ਸਨਮਾਨਿਤ ਕੀਤਾ ਗਿਆ। ਇਹ ਖੇਡ ਜਗਤ ਦੀ ਦੁਨੀਆ ਵਿਚ ਦਿਤਾ ਜਾਣ ਵਾਲਾ ਸਭ ਤੋਂ ਉੱਤਮ ਸਨਮਾਨ ਹੈ।

ਧੋਨੀ ਲਈ ਕ੍ਰਿਕੇਟ ਦੇ ਇਸ ਮੁਕਾਮ ਤੱਕ ਪੁੱਜਣਾ ਇੰਨਾ ਆਸਾਨ ਨਹੀਂ ਸੀ। ਤਮਾਮ ਸੰਘਰਸ਼ਾਂ ਅਤੇ ਜੀਵਨ ਵਿਚ ਕਈ ਉਤਾਰ-ਚੜਾਵ ਆਉਣ ਦੇ ਬਾਵਜੂਦ ਧੋਨੀ ਨੇ ਖ਼ੁਦ ਨੂੰ ਸਫ਼ਲ ਕ੍ਰਿਕੇਟਰ ਦੇ ਰੂਪ ਵਿਚ ਸਥਾਪਿਤ ਕੀਤਾ ਹੈ। ਨਾਲ ਹੀ ਇਸ ਗੱਲ ਨੂੰ ਵੀ ਸਾਬਿਤ ਕੀਤਾ ਹੈ ਕਿ ਜੇਕਰ ਕੋਈ ਵੀ ਕੰਮ ਸੱਚੀ ਲਗਨ, ਕੜੀ ਮਿਹਨਤ ਅਤੇ ਪੂਰੀ ਇਮਾਨਦਾਰੀ ਨਾਲ ਕੀਤਾ ਜਾਵੇ ਤਾਂ ਸਫ਼ਲਤਾ ਜ਼ਰੂਰ ਮਿਲਦੀ ਹੈ।