ਅਪਣੀ ਤਕਨੀਕ ਲਈ ਮਸ਼ਹੂਰ ਜਪਾਨ ਨੇ ਇਸ ਵਾਰ ਦੀਆਂ ਓਲੰਪਿਕ ਖੇਡਾਂ ਵਿਚ ਮੁਸਲਮਾਨ ਖਿਡਾਰੀਆਂ ਲਈ ਇਕ ਤੁਰਦੀ-ਫਿਰਦੀ ਮਸਜਿਦ ਬਣਾਈ ਹੈ।
ਟੋਕੀਓ: ਅਪਣੀ ਤਕਨੀਕ ਲਈ ਮਸ਼ਹੂਰ ਜਪਾਨ ਨੇ ਇਸ ਵਾਰ ਦੀਆਂ ਓਲੰਪਿਕ ਖੇਡਾਂ ਵਿਚ ਮੁਸਲਮਾਨ ਖਿਡਾਰੀਆਂ ਲਈ ਇਕ ਤੁਰਦੀ-ਫਿਰਦੀ ਮਸਜਿਦ ਬਣਾਈ ਹੈ। ਇਸ ਮਸਜਿਦ ਨੂੰ ਟਰੱਕ ਦੇ ਪਿਛਲੇ ਹਿੱਸੇ ਵਿਚ ਬਣਾਇਆ ਗਿਆ ਹੈ। ਫਿਲਹਾਲ ਇਸ ਵਾਰ ਇਹ ਮਸਜਿਦ ਖੇਡਾਂ ਦੌਰਾਨ ਟੋਕੀਓ ਦੀਆਂ ਸੜਕਾਂ ‘ਤੇ ਦੌੜਦੀ ਨਜ਼ਰ ਆਵੇਗੀ।
Photo
ਇਸ ਦੇ ਨਾਲ ਹੀ ਜੁਲਾਈ ਵਿਚ ਹੋਣ ਵਾਲੀਆਂ ਓਲੰਪਿਕ ਖੇਡਾਂ ਦੌਰਾਨ ਖਿਡਾਰੀਆਂ ਦੀ ਸਹੂਲਤ ਨੂੰ ਧਿਆਨ ਵਿਚ ਰੱਖਦੇ ਹੋਏ, ਖ਼ਾਸ ਤਰ੍ਹਾਂ ਦੇ ਕਮਰਿਆਂ ਦਾ ਵੀ ਨਿਰਮਾਣ ਕੀਤਾ ਗਿਆ ਹੈ। ਇਸ ਨੂੰ ਬਣਾਉਣ ਪਿੱਛੇ ਇਕ ਕਾਰਨ ਹੈ। ਦਰਅਸਲ ਜਪਾਨ ਦੀ ਰਾਜਧਾਨੀ ਟੋਕੀਓ ਵਿਚ ਹੋਟਲ ਅਤੇ ਧਾਰਮਕ ਸਥਾਨਾਂ ਦੀ ਕਮੀ ਹੈ।
Photo
ਇਹੀ ਕਾਰਨ ਹੈ ਕਿ ਇਸ ਕਮੀ ਨੂੰ ਦੂਰ ਕਰਨ ਲਈ ਪ੍ਰਸ਼ਾਸਨ ਨੇ ਮੋਬਾਇਲ ਮਸਜਿਦ ਦਾ ਨਿਰਮਾਣ ਕੀਤਾ ਹੈ। ਦੇਖਣ ਵਿਚ ਇਹ ਕਾਫੀ ਸੁਵਿਧਾਜਨਕ ਲੱਗ ਰਿਹਾ ਹੈ। ਟਰੱਕ ਦੇ ਪਿੱਛੇ ਬਣਿਆ 48 ਵਰਗ ਮੀਟਰ ਦਾ ਕਮਰਾ ਹੀ ਮਸਜਿਦ ਦੇ ਤੌਰ ‘ਤੇ ਤਿਆਰ ਕੀਤਾ ਗਿਆ ਹੈ। ਇਸ ਵਿਚ ਸਾਰੀਆਂ ਜ਼ਰੂਰੀ ਚੀਜ਼ਾਂ ਮੌਜੂਦ ਹਨ ਜੋ ਪ੍ਰਾਥਨਾ ਸਮੇਂ ਕੰਮ ਆਉਂਦੀਆਂ ਹਨ।
Phot
ਇਸ ਵਿਚ ਪਾਣੀ ਦਾ ਵੀ ਪੂਰਾ ਇੰਤਜ਼ਾਮ ਹੈ। ਇਸ ਦੇ ਨਾਲ ਹੀ ਲੋਕਾਂ ਦੀ ਭਾਸ਼ਾ ਦਾ ਵੀ ਖ਼ਾਸ ਖਿਆਲ ਰੱਖਿਆ ਗਿਆ ਹੈ। ਕਈ ਸਹੂਲਤਾਂ ਨਾਲ ਲੈਸ ਇਹ ਮੋਬਾਇਲ ਮਸਜਿਦ ਯਾਸੂ ਪ੍ਰਾਜੈਕਟ ਦੇ ਨਾਂਅ ਨਾਲ ਤਿਆਰ ਕੀਤੀ ਗਈ ਹੈ। ਇਸ ਪ੍ਰਾਜੈਕਟ ਨੂੰ ਤਿਆਰ ਕਰਨ ਪਿੱਛੇ ਮੁੱਖ ਮਕਸਦ ਇਹੀ ਹੈ ਕਿ ਖਿਡਾਰੀ ਪੂਰੀ ਤਰ੍ਹਾਂ ਖੇਡਾਂ ‘ਤੇ ਧਿਆਨ ਲਗਾ ਸਕਣ। ਓਲੰਪਿਕ ਅਯੋਜਕਾਂ ਦਾ ਕਹਿਣਾ ਹੈ ਕਿ ਉਹ ਬਿਨਾ ਕਿਸੇ ਭੇਦਭਾਵ ਦੇ ਸਾਰੇ ਧਰਮਾਂ ਦੇ ਲੋਕਾਂ ਨੂੰ ਸਹੂਲਤਾਂ ਦੇਣ ਦੀਆਂ ਕੋਸ਼ਿਸ਼ਾਂ ਕਰ ਰਹੇ ਹਨ।
Photo
ਉੱਥੇ ਹੀ ਇਸ ਦੇ ਤਹਿਤ ਹੋਰ ਧਰਮ ਵਿਚ ਆਸਥਾ ਰੱਖਣ ਵਾਲੇ ਲੋਕਾਂ ਦੀ ਵੀ ਸੂਚੀ ਤਿਆਰ ਕੀਤੀ ਜਾ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਟੋਕੀਓ ਵਿਚ 24 ਜੁਲਾਈ ਤੋਂ 09 ਅਗਸਤ ਤੱਕ ਓਲੰਪਿਕ ਖੇਡਾਂ ਦਾ ਅਯੋਜਨ ਕੀਤਾ ਜਾ ਰਿਹਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਫਿਲਹਾਲ ਜਪਾਨ ਵਿਚ ਮਸਜਿਦਾਂ ਦੀ ਗਿਣਤੀ 105 ਦੇ ਕਰੀਬ ਹੈ। ਉੱਥੇ ਹੀ ਜ਼ਿਆਦਾਤਰ ਮਸਜਿਦਾਂ ਟੋਕੀਓ ਤੋਂ ਬਾਹਰ ਸਥਿਤ ਹਨ।
