Advertisement
  ਖ਼ਬਰਾਂ   ਖੇਡਾਂ  08 Jun 2019  ਵਿਸ਼ਵ ਕ੍ਰਿਕੇਟ ਕੱਪ 2019: ਭਾਰੀ ਬਾਰਿਸ਼ ਕਾਰਨ ਰੱਦ ਹੋਇਆ ਪਾਕਿਸਤਾਨ ਸ੍ਰੀਲੰਕਾ ਦਾ ਮੈਚ

ਵਿਸ਼ਵ ਕ੍ਰਿਕੇਟ ਕੱਪ 2019: ਭਾਰੀ ਬਾਰਿਸ਼ ਕਾਰਨ ਰੱਦ ਹੋਇਆ ਪਾਕਿਸਤਾਨ ਸ੍ਰੀਲੰਕਾ ਦਾ ਮੈਚ

ਸਪੋਕਸਮੈਨ ਸਮਾਚਾਰ ਸੇਵਾ
Published Jun 8, 2019, 9:10 am IST
Updated Jun 8, 2019, 9:10 am IST
ਭਾਰੀ ਬਾਰਿਸ਼ ਕਾਰਨ ਸ੍ਰੀਲੰਕਾ ਅਤੇ ਪਾਕਿਸਤਾਨ ਵਿਚਕਾਰ ਸ਼ੁੱਕਰਵਾਰ ਨੂੰ ਖੇਡਿਆ ਜਾਣ ਵਾਲਾ ਆਈਸੀਸੀ ਵਿਸ਼ਵ ਕੱਪ ਦਾ ਮੈਚ ਬਿਨਾਂ ਇਕ ਵੀ ਗੇਂਦ ਰੱਦ ਕਰ ਦਿੱਤਾ ਗਿਆ।
Pakistan v Sri Lanka
 Pakistan v Sri Lanka

ਬ੍ਰਿਸਟਲ: ਭਾਰੀ ਬਾਰਿਸ਼ ਦੇ ਕਾਰਨ ਕਾਉਂਟੀ ਗਰਾਊਂਡ ‘ਤੇ ਸ੍ਰੀਲੰਕਾ ਅਤੇ ਪਾਕਿਸਤਾਨ ਵਿਚਕਾਰ ਸ਼ੁੱਕਰਵਾਰ ਨੂੰ ਖੇਡਿਆ ਜਾਣ ਵਾਲਾ ਆਈਸੀਸੀ ਵਿਸ਼ਵ ਕੱਪ ਦਾ ਮੈਚ ਬਿਨਾਂ ਇਕ ਵੀ ਗੇਂਦ ਰੱਦ ਕਰ ਦਿੱਤਾ ਗਿਆ। ਮੈਚ ਰੱਦ ਹੋਣ ਕਾਰਨ ਦੋਵੇਂ ਟੀਮਾਂ ਦੇ ਖਾਤੇ ਵਿਚ ਇਕ-ਇਕ ਅੰਕ ਹੀ ਆਇਆ ਹੈ। ਸ੍ਰੀਲੰਕਾ ਦੇ ਹੁਣ ਤਿੰਨ ਮੈਚਾਂ ਵਿਚ ਤਿੰਨ ਅੰਕ ਹੋ ਗਏ ਹਨ ਜਦਕਿ ਪਾਕਿਸਤਾਨ ਦੇ ਵੀ ਤਿੰਨ ਮੈਚਾਂ ਦੇ ਤਿੰਨ ਹੀ ਅੰਕ ਹਨ।

Pakistan v Sri LankaPakistan v Sri Lanka

10 ਟੀਮਾਂ ਦੀ ਮਾਰਕ ਸ਼ੀਟ ਵਿਚ ਸ੍ਰੀਲੰਕਾ ਤੀਜੇ ਅਤੇ ਪਾਕਿਸਤਾਨ ਚੌਥੇ ਸਥਾਨ ‘ਤੇ ਹੈ। ਮੈਚ ਦੀ ਸ਼ੁਰੂਆਤ ਤੋਂ ਪਹਿਲਾਂ ਹੀ ਬਾਰਿਸ਼ ਆ ਗਈ ਸੀ। ਜਿਸ ਦੇ ਕਾਰਨ ਟਾਸ ਵਿਚ ਦੇਰੀ ਹੋਈ। ਕਾਫ਼ੀ ਦੇਰ ਬਾਅਦ ਜਦੋਂ ਬਾਰਿਸ਼ ਰੁਕੀ ਤਾਂ ਅੰਪਾਇਰ ਨੇ ਮੈਦਾਨ ਦਾ ਨਿਰੀਖਣ ਕੀਤਾ ਅਤੇ ਖੇਡਣ ਯੋਗ ਮੈਦਾਨ ਨਾ ਹੋਣ ਕਾਰਨ ਉਹਨਾਂ ਨੇ ਮੈਚ ਰੱਦ ਕਰਨ ਦਾ ਫੈਸਲਾ ਕੀਤਾ।

Pakistan v Sri LankaPakistan v Sri Lanka

ਦੱਸ ਦਈਏ ਕਿ ਪਾਕਿਸਤਾਨ ਨੂੰ ਵਿਸ਼ਵ ਕੱਪ ਦੇ ਪਹਿਲੇ ਮੈਚ ਵਿਚ ਵੈਸਟ ਇੰਡੀਜ਼ ਨੇ 105 ਦੌੜਾਂ ‘ਤੇ ਹਰਾ ਦਿੱਤਾ ਸੀ। ਪਰ ਦੂਜੇ ਮੈਚ ਵਿਚ 1992 ਦੀ ਵਿਸ਼ਵ ਕੱਪ ਜੇਤੂ ਟੀਮ ਨੇ ਇਸ ਵਿਸ਼ਵ ਕੱਪ ਦੀ ਸਭ ਤੋਂ ਮਜ਼ਬੂਤ ਦਾਵੇਦਾਰ ਟੀਮ ਇੰਗਲੈਂਡ ਨੂੰ ਮਾਤ ਦੇ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ । ਸ੍ਰੀਲੰਕਾ ਨੂੰ ਨਿਊਜ਼ੀਲੈਂਡ ਨੇ ਪਹਿਲੇ ਮੈਚ ਵਿਚ 136 ਦੌੜਾਂ ਨਾਲ ਹਰਾ ਦਿੱਤਾ ਸੀ। ਦੂਜੇ ਮੈਚ ਵਿਚ ਸ੍ਰੀ ਲੰਕਾ ਦਾ ਸਾਹਮਣਾ ਅਫ਼ਗਾਨਿਸਤਾਨ ਨਾਲ ਸੀ। ਪਰ 1996 ਦੀ ਵਿਸ਼ਵ ਕੱਪ ਜੇਤੂ ਟੀਮ ਨੇ 34 ਦੌੜਾਂ ਨਾਲ ਮੈਚ ਅਪਣੇ ਨਾਂਅ ਕਰ ਲਿਆ ਸੀ।

Advertisement
Advertisement

 

Advertisement