ਆਈਪੀਐਲ 2021 ਤੋਂ ਪਹਿਲਾਂ ਕਿੰਗਸ ਇਲੈਵਨ ਪੰਜਾਬ ਟੀਮ ਦਾ ਨਾਮ ਬਦਲ...
ਨਵੀਂ ਦਿੱਲੀ: ਆਈਪੀਐਲ 2021 ਤੋਂ ਪਹਿਲਾਂ ਕਿੰਗਸ ਇਲੈਵਨ ਪੰਜਾਬ ਟੀਮ ਦਾ ਨਾਮ ਬਦਲ ਸਕਦਾ ਹੈ। ਮੀਡੀਆ ਰਿਪੋਰਟਸ ਮੁਤਾਬਕ ਪ੍ਰੀਤੀ ਜਿੰਟਾ ਦੀ ਟੀਮ ਨਾਮ ਦੇ ਨਾਲ-ਨਾਲ ਲੋਗੋ ਵੀ ਬਦਲੇਗੀ। ਹਾਲਾਂਕਿ ਇਸ ਖਬਰ ਦੀ ਹਾਲੇ ਪੁਸ਼ਟੀ ਨਹੀਂ ਹੋਈ ਹੈ ਪਰ ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਆਈਪੀਐਲ ਆਕਸ਼ਨ ਤੋਂ ਪਹਿਲਾਂ ਹੀ ਇਸਦਾ ਐਲਾਨ ਹੋ ਜਾਵੇਗਾ। ਦੱਸ ਦਈਏ ਆਈਪੀਐਲ ਆਕਸ਼ਨ 18 ਫਰਵਰੀ ਨੂੰ ਚੇਨਈ ਵਿੱਚ ਹੋਵੇਗੀ।
ਕਿੰਗਸ ਇਲੈਵਨ ਪੰਜਾਬ ਆਪਣੀ ਟੀਮ ਦਾ ਨਾਮ ਅਤੇ ਲੋਗੋ ਕਿਉਂ ਬਦਲੇਗੀ ਇਸਦੇ ਬਾਰੇ ‘ਚ ਕੋਈ ਪੁਖਤਾ ਜਾਣਕਾਰੀ ਨਹੀਂ ਹੈ। ਦੱਸ ਦਈਏ ਕਿੰਗਜ਼ ਇਲੈਵਨ ਪੰਜਾਬ ਟੀਮ ਕਦੇ ਆਈਪੀਐਲ ਨਹੀਂ ਜਿੱਤੀ ਹੈ। ਇਸ ਟੀਮ ਦੀ ਕਮਾਨ ਕੇਐਲ ਰਾਹੁਲ ਵਰਗੇ ਸਟਾਰ ਖਿਡਾਰੀ ਦੇ ਹੱਥਾਂ ਵਿੱਚ ਹੈ, ਨਾਲ ਹੀ ਹੈਡ ਕੋਚ ਅਨਿਲ ਕੁੰਬਲੇ ਹਨ ਪਰ ਫਿਰ ਵੀ ਆਈਪੀਐਲ 2020 ਵਿੱਚ ਇਹ ਟੀਮ ਲੀਗ ਸਟੇਜ ਤੋਂ ਅੱਗੇ ਨਹੀਂ ਵੱਧ ਸਕੀ।
ਆਈਪੀਐਲ 2021 ਤੋਂ ਪਹਿਲਾਂ ਕਿੰਗਸ ਇਲੈਵਨ ਪੰਜਾਬ ਨੇ ਗਲੇਨ ਮੈਕਸਵੈਲ ਨੂੰ ਰੀਟੇਨ ਨਹੀਂ ਕੀਤਾ। ਪਿਛਲੇ ਸੀਜਨ ਵਿੱਚ ਇਹ ਖਿਡਾਰੀ ਬਿਲਕੁਲ ਫਲਾਪ ਸਾਬਤ ਹੋਇਆ ਸੀ, ਉਨ੍ਹਾਂ ਦੇ ਬੱਲੇ ਤੋਂ ਇੱਕ ਵੀ ਛੱਕਾ ਨਹੀਂ ਨਿਕਲਿਆ ਸੀ। ਮੈਕਸਵੈਲ ਨੂੰ ਪੰਜਾਬ ਨੇ 10.75 ਕਰੋੜ ਦੀ ਵੱਡੀ ਕੀਮਤ ਵਿੱਚ ਖਰੀਦਿਆ ਸੀ।
ਰਿਟੇਨ ਖਿਡਾਰੀ: ਕੇਐਲ ਰਾਹੁਲ, ਕਰਿਸ ਗੇਲ, ਮਇੰਕ ਅੱਗਰਵਾਲ, ਨਿਕੋਲਸ ਪੂਰਨ, ਮਨਦੀਪ ਸਿੰਘ, ਸਰਫਰਾਜ ਖਾਨ, ਦੀਵਾ ਹੁੱਡਾ, ਪ੍ਰਭਸਿਮਰਨ ਸਿੰਘ, ਮੋਹੰਨਸ਼ਾ ਸ਼ਮੀ, ਕਰਿਸ ਜਾਰਡਨ, ਦਰਸ਼ਨ ਨਲਕਾਂਦੇ, ਰਵੀ ਬਿਸ਼ਨੋਈ, ਮੁਰੁਗਨ ਅਸ਼ਵਿਨ, ਅਰਸ਼ਦੀਪ ਸਿੰਘ, ਹਰਪ੍ਰੀਤ ਬਰਾਰ, ਇਸ਼ਾਨ ਪੋਰੇਲ
ਰਿਲੀਜ ਖਿਡਾਰੀ: ਗਲੇਨ ਮੈਕਸਵੇਲ, ਸ਼ੇਲਡਨ ਕਾਟਰੇਲ, ਕਰੁਣ ਨਾਇਰ, ਹਾਰਡਸ ਵਿਲਾਇਨ, ਜਗਦੀਸ਼ ਸੁਚਿਤ, ਮੁਜੀਬ ਉਰ ਰਹਿਮਾਨ, ਜਿਮੀ ਨੀਸ਼ਾਮ, ਕ੍ਰਿਸ਼ਣਾ ਗੌਤਮ, ਤਜਿੰਨਦਰ ਸਿੰਘ ।