ਉਲੰਪਿਕ 'ਚ ਸਿਰਫ਼ ਇਕ ਵਾਰ 1900 ਵਿਚ ਖੇਡੀ ਗਈ ਸੀ ਕ੍ਰਿਕਟ
ਨਵੀਂ ਦਿੱਲੀ: ਕ੍ਰਿਕਟ ਪ੍ਰਸ਼ੰਸਕਾਂ ਲਈ ਖੁਸ਼ਖਬਰੀ ਹੈ। ਸਾਲ 2028 ਵਿਚ ਅਮਰੀਕਾ ਦੇ ਲਾਸ ਏਂਜਲਸ ਵਿਚ ਹੋਣ ਵਾਲੀਆਂ ਉਲੰਪਿਕ ਖੇਡਾਂ ਵਿਚ ਕ੍ਰਿਕਟ ਨੂੰ ਸ਼ਾਮਲ ਕੀਤਾ ਜਾ ਸਕਦਾ ਹੈ। ਆਈਸੀਸੀ ਨੇ ਇਸ ਬਾਰੇ ਜਾਣਕਾਰੀ ਦਿਤੀ ਹੈ। ਆਈਸੀਸੀ ਦੇ ਬਿਆਨ ਮੁਤਾਬਕ ਲਾਸ ਏਂਜਲਸ 2028 ਉਲੰਪਿਕ ਦੇ ਆਯੋਜਕਾਂ ਨੇ ਕ੍ਰਿਕਟ ਨੂੰ ਖੇਡ ਸ਼੍ਰੇਣੀ ਵਿਚ ਸ਼ਾਮਲ ਕਰਨ ਦੀ ਸ਼ਿਫਾਰਿਸ਼ ਕੀਤੀ ਹੈ।
ਇਹ ਵੀ ਪੜ੍ਹੋ: ਜੰਮੂ ਕਸ਼ਮੀਰ: ਸ਼ੋਪੀਆਂ ਮੁਕਾਬਲੇ ਵਿਚ ਲਸ਼ਕਰ-ਏ-ਤੋਇਬਾ ਦੇ ਦੋ ਅਤਿਵਾਦੀ ਢੇਰ
ਆਈਸੀਸੀ ਦੇ ਚੇਅਰਮੈਨ ਗ੍ਰੇਗ ਬਾਰਕਲੇ ਨੇ ਕਿਹਾ, "ਸਾਨੂੰ ਖੁਸ਼ੀ ਹੈ ਕਿ ਲਾਸ ਏਂਜਲਸ 2028 ਦੇ ਪ੍ਰਬੰਧਕਾਂ ਨੇ ਉਲੰਪਿਕ ਵਿਚ ਕ੍ਰਿਕਟ ਨੂੰ ਸ਼ਾਮਲ ਕਰਨ ਦੀ ਸਿਫਾਰਸ਼ ਕੀਤੀ ਹੈ।" ਆਈਸੀਸੀ ਨੇ ਕਿਹਾ ਹੈ ਕਿ ਉਸ ਨੇ ਦੋ ਸਾਲਾਂ ਤਕ ਐਲਏ-28 ਦੇ ਆਯੋਜਕਾਂ ਨਾਲ ਮਿਲ ਕੇ ਕੰਮ ਕੀਤਾ ਅਤੇ ਹੁਣ ਆਯੋਜਕਾਂ ਨੇ ਉਲੰਪਿਕ ਵਿਚ ਸ਼ਾਮਲ ਕਰਨ ਲਈ ਸੁਝਾਈਆਂ ਗਈਆਂ ਖੇਡਾਂ ਦੀ ਸੂਚੀ ਜਾਰੀ ਕੀਤੀ ਹੈ, ਉਸ ਵਿਚ ਕ੍ਰਿਕਟ ਦਾ ਨਾਂਅ ਵੀ ਸ਼ਾਮਲ ਹੈ।
ਇਹ ਵੀ ਪੜ੍ਹੋ: ਇਜ਼ਰਾਈਲ ਨੇ ਇਹ ਜੰਗ ਸ਼ੁਰੂ ਨਹੀਂ ਕੀਤੀ ਪਰ ਇਸ ਨੂੰ ਖਤਮ ਜ਼ਰੂਰ ਕਰੇਗਾ: ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ
ਕ੍ਰਿਕਟ ਤੋਂ ਇਲਾਵਾ ਫਲੈਗ ਫੁਟਬਾਲ, ਬੇਸਬਾਲ ਅਤੇ ਸਾਫਟਬਾਲ ਵੀ ਇਸ ਸੂਚੀ ਵਿਚ ਸ਼ਾਮਲ ਹਨ ਜੋ ਉਲੰਪਿਕ ਵਿਚ ਸ਼ਾਮਲ ਕੀਤੇ ਜਾ ਸਕਦੇ ਹਨ। ਹਾਲਾਂਕਿ ਇਸ ਸਿਫਾਰਿਸ਼ 'ਤੇ ਅੰਤਿਮ ਮਨਜ਼ੂਰੀ ਅੰਤਰਰਾਸ਼ਟਰੀ ਉਲੰਪਿਕ ਕਮੇਟੀ ਵਲੋਂ ਦਿਤੀ ਜਾਵੇਗੀ। ਜਿਸ ਦਾ ਫੈਸਲਾ ਅਗਲੇ ਹਫ਼ਤੇ ਭਾਰਤ 'ਚ ਚੱਲ ਰਹੇ ਪੁਰਸ਼ ਕ੍ਰਿਕਟ ਵਿਸ਼ਵ ਕੱਪ ਮੈਚ ਦੌਰਾਨ ਲਿਆ ਜਾਵੇਗਾ। ਇਸ ਤੋਂ ਪਹਿਲਾਂ ਉਲੰਪਿਕ 'ਚ ਸਿਰਫ ਇਕ ਵਾਰ 1900 ਵਿਚ ਕ੍ਰਿਕਟ ਖੇਡਿਆ ਗਿਆ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਉਲੰਪਿਕ 'ਚ ਮੁਕਾਬਲਾ ਟੀ-20 ਫਾਰਮੈਟ 'ਚ ਹੋਵੇਗਾ।
