ਹਾਕੀ ਖਿਡਾਰੀਆਂ ਨੂੰ 'ਟਾਪਸ' ਤੋਂ ਮਿਲੇਗਾ ਮਾਸਕ ਭੱਤਾ
Published : Jul 13, 2018, 3:49 am IST
Updated : Jul 13, 2018, 3:49 am IST
SHARE ARTICLE
Indian Hockey Team
Indian Hockey Team

ਖੇਡ ਮੰਤਰਾਲੇ ਦੇ ਮਿਸ਼ਨ ਉਲੰਪਿਕ ਵਿਭਾਗ (ਐਮ.ਓ.ਸੀ.) ਨੇ ਅੱਜ ਟੀਚਾ ਉਲੰਪਿਕ ਪੋਡੀਅਮ ਪ੍ਰੋਗਰਾਮ (ਟਾਪਸ) ਤਹਿਤ ਪੁਰਸ਼ ਹਾਕੀ ਟੀਮ ਦੇ 18 ਮੈਂਬਰਾਂ.........

ਨਵੀਂ ਦਿੱਲੀ : ਖੇਡ ਮੰਤਰਾਲੇ ਦੇ ਮਿਸ਼ਨ ਉਲੰਪਿਕ ਵਿਭਾਗ (ਐਮ.ਓ.ਸੀ.) ਨੇ ਅੱਜ ਟੀਚਾ ਉਲੰਪਿਕ ਪੋਡੀਅਮ ਪ੍ਰੋਗਰਾਮ (ਟਾਪਸ) ਤਹਿਤ ਪੁਰਸ਼ ਹਾਕੀ ਟੀਮ ਦੇ 18 ਮੈਂਬਰਾਂ 'ਚੋਂ ਹਰੇਕ ਲਈ 50,000 ਰੁਪਏ ਮਹੀਨਾ ਭੱਤੇ ਨੂੰ ਮਨਜ਼ੂਰੀ ਦੇ ਦਿਤੀ ਹੈ। ਮੰਤਰਾਲੇ ਨੇ ਪਿਛਲੇ ਸਾਲ ਟਾਪਸ ਤਹਿਤ ਮਹੀਨਾ ਭੱਤਾ ਦੇਣਾ ਸ਼ੁਰੂ ਕੀਤਾ ਸੀ ਪਰ ਹਾਕੀ ਟੀਮ ਨੂੰ ਪਹਿਲੀ ਵਾਰ ਇਹ ਸਹੂਲਤ ਮਿਲ ਰਹੀ ਹੈ। ਨਵੇਂ ਕੋਚ ਹਰਿੰਦਰ ਸਿੰਘ ਦੀ ਦੇਖਰੇਖ 'ਚ ਹਾਕੀ ਟੀਮ ਦੇ ਪ੍ਰਦਰਸ਼ਨ 'ਚ ਸੁਧਾਰ ਹੋਇਆ ਹੈ ਅਤੇ ਇਸ ਲਈ ਉਸ ਨੂੰ ਇਸ 'ਚ ਸ਼ਾਮਲ ਕਰਨ ਦਾ ਫ਼ੈਸਲਾ ਕੀਤਾ ਗਿਆ। ਭਾਰਤੀ ਟੀਮ ਹਾਲ ਹੀ 'ਚ ਨੀਦਰਲੈਂਡ 'ਚ ਚੈਂਪੀਅਨਜ਼ ਟਰਾਫ਼ੀ 'ਚ ਉਪ-ਜੇਤੂ ਰਹੀ ਸੀ।

 ਮਹਿਲਾ ਹਾਕੀ ਨੂੰ ਵਿਸ਼ਵ ਕੱਪ ਅਤੇ ਫਿਰ ਏਸ਼ੀਆਈ ਖੇਡਾਂ 'ਚ ਪ੍ਰਦਰਸ਼ਨ ਦੀ ਸਮੀਖਿਆ ਕੀਤੇ ਜਾਣ ਤੋਂ ਬਾਅਦ ਟਾਪਸ 'ਚ ਸ਼ਾਮਲ ਕੀਤਾ ਜਾ ਸਕਦਾ ਹੈ। ਮੰਤਰਾਲੇ ਨੇ ਜੋ ਹੋਰ ਮਹੱਤਵਪੂਰਨ ਫ਼ੈਸਲੇ ਕੀਤਾ ਹਨ, ਉਨ੍ਹਾਂ 'ਚ ਦੋ ਵਾਰ ਉਲੰਪਿਕ ਤਮਗ਼ਾ ਜੇਤੂ ਸੁਸ਼ੀਲ ਕੁਮਾਰ ਦੇ ਅਭਿਆਸ ਲਈ 6.62 ਲੱਖ ਰੁਪਏ ਦਾ ਮਨਜ਼ੂਰੀ ਦੇਣਾ ਵੀ ਸ਼ਾਮਲ ਹਨ। ਬਜਰੰਗ ਪੂਨੀਆ ਅਤੇ ਸੁਮਿਤ ਨੂੰ ਵੀ ਅਭਿਆਸ ਅਤੇ ਤੁਰਕੀ 'ਚ ਟੂਰਨਾਮੈਂਟ 'ਚ ਹਿੱਸਾ ਲੈਣ ਲਈ 3.22 ਲੱਖ ਰੁਪਏ ਮਨਜ਼ੂਰ ਕੀਤੇ ਗਏ। ਮੁੱਕੇਬਾਜ਼ ਸਰਜੂਬਾਲਾ ਦੇਵੀ ਨੂੰ ਏਸ਼ੀਆਈ ਖੇਡਾਂ ਲਈ ਕੁਆਲੀਫ਼ਾਈ ਕਰਨ 'ਤੇ ਟਾਪਸ 'ਚ ਬਰਕਰਾਰ ਰੱਖਣ ਦਾ ਫ਼ੈਸਲਾ ਵੀ ਕੀਤਾ ਗਿਆ। 

ਹੋਰ ਖੇਡਾਂ 'ਚ ਜਿਮਨਾਸਟਿਕ ਨੂੰ ਕੁਲ 21.76 ਲੱਖ ਰੁਪਏ ਜਾਰੀ ਕੀਤੇ ਗਏ। ਇਨ੍ਹਾਂ 'ਚ ਪ੍ਰਣਤੀ ਨਾਇਕ ਦੇ ਉਜਬੇਕਿਸਤਾਨ 'ਚ ਅਭਿਆਸ ਪ੍ਰੋਗਰਾਮ ਲਈ ਮਨਜ਼ੂਰ ਕੀਤੀ ਗਈ 7.76 ਲੱਖ ਰੁਪਏ ਦੀ ਰਾਸ਼ੀ ਵੀ ਸ਼ਾਮਲ ਹੈ। ਹੋਰ 14 ਲੱਖ ਰੁਪਏ 32 ਦਿਨਾ ਪ੍ਰੋਗਰਾਮ ਲਈ ਜਾਰੀ ਕੀਤੇ ਗਏ, ਜਿਸ 'ਚ ਆਸ਼ੀ ਕੁਮਾਰ ਅਤੇ ਅਰੂਣਾ ਰੇੱਡੀ ਲਈ ਬੈਲਜੀਅਮ 'ਚ ਅਭਿਆਸ ਕੈਂਪ ਵੀ ਸ਼ਾਮਲ ਹਨ।

ਡੇਵਿਸ ਕੱਪ ਖਿਡਾਰੀ ਰਾਮਕੁਮਾਰ ਰਾਮਨਾਥਨ ਨੂੰ ਏਸ਼ੀਆਈ ਖੇਡਾਂ ਤੋਂ ਪਹਿਲਾਂ ਅਭਿਆਸ ਅਤੇ ਮੁਕਾਬਲੇ ਦੇ ਖਰਚ ਲਈ 12.57 ਲੱਖ ਰੁਪਏ ਮਿਲਣਗੇ। ਤੀਰਅੰਦਾਜ਼ੀ 'ਚ ਕੰਪਾਊਂਡ ਵਰਗ ਦੇ ਤਿੰਨ ਖਿਡਾਰੀਆਂ ਤ੍ਰਸ਼ਾ ਦੇਬ, ਰਜਤ ਚੌਹਾਨ ਅਤੇ ਜਯੋਤੀ ਸੁਰੇਖਾ ਤੇ ਤੀਰਅੰਦਾਜ਼ ਪ੍ਰੇਮਿਲਾ ਦੇਮਾਰੀ ਨੂੰ ਲੋੜਾਂ ਪੂਰੀਆਂ ਕਰਨ ਲਈ 11.48 ਲੱਖ ਰੁਪਏ ਦਾ ਬਜਟ ਮਨਜ਼ੂਰ ਕੀਤਾ ਗਿਆ।    (ਪੀਟੀਆਈ)

Location: India, Delhi, New Delhi

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 03/08/2025

03 Aug 2025 1:23 PM

ਸ: ਜੋਗਿੰਦਰ ਸਿੰਘ ਦੇ ਸ਼ਰਧਾਂਜਲੀ ਸਮਾਗਮ ਮੌਕੇ ਕੀਰਤਨ ਸਰਵਣ ਕਰ ਰਹੀਆਂ ਸੰਗਤਾਂ

03 Aug 2025 1:18 PM

Ranjit Singh Gill Home Live Raid :ਰਣਜੀਤ ਗਿੱਲ ਦੇ ਘਰ ਬਾਹਰ ਦੇਖੋ ਕਿੱਦਾਂ ਦਾ ਮਾਹੌਲ.. Vigilance raid Gillco

02 Aug 2025 3:20 PM

Pardhan Mantri Bajeke News : ਪ੍ਰਧਾਨਮੰਤਰੀ ਬਾਜੇਕੇ ਦੀ ਵੀਡੀਓ ਤੋਂ ਬਾਅਦ ਫਿਰ ਹੋਵੇਗੀ ਪੇਸ਼ੀ | Amritpal Singh

02 Aug 2025 3:21 PM

'ਤੇਰੀ ਬੁਲਟ ਪਰੂਫ਼ ਗੱਡੀ ਪਾੜਾਂਗੇ, ਜੇਲ੍ਹ ‘ਚੋਂ ਗੈਂਗਸਟਰ ਜੱਗੂ ਭਗਵਾਨਪੁਰੀਏ ਦੀ ਧਮਕੀ'

01 Aug 2025 6:37 PM
Advertisement