ਸ਼ਾਹਬਾਦ ਮਾਰਕੰਡਾ ਦੇ ਲੌਕਾਂ ਲਈ ਇਹ ਖ਼ੁਸ਼ੀ ਦੀ ਖ਼ਬਰ ਹੈ ਕਿ ਭਾਰਤੀ ਹਾਕੀ ਟੀਮ ਦਾ ਸਾਬਕਾ ਕਪਤਾਨ ਸ਼ਾਹਬਾਦ ਨਿਵਾਸੀ ਸੰਦੀਪ ਸਿੰਘ
ਸ਼ਾਹਬਾਦ ਮਾਰਕੰਡਾ, 28 ਮਈ (ਅਵਤਾਰ ਸਿੰਘ): ਸ਼ਾਹਬਾਦ ਮਾਰਕੰਡਾ ਦੇ ਲੌਕਾਂ ਲਈ ਇਹ ਖ਼ੁਸ਼ੀ ਦੀ ਖ਼ਬਰ ਹੈ ਕਿ ਭਾਰਤੀ ਹਾਕੀ ਟੀਮ ਦਾ ਸਾਬਕਾ ਕਪਤਾਨ ਸ਼ਾਹਬਾਦ ਨਿਵਾਸੀ ਸੰਦੀਪ ਸਿੰਘ ਦਾ ਜੈਪੁਰ ਦੇ ਅਜਾਇਬ ਘਰ ਵਿਚ ਮੋਮ ਦਾ ਬੁਤ ਸਥਾਪਤ ਕੀਤਾ ਜਾਵੇਗਾ।
ਇਹ ਬੁਤ ਮੋਮ ਅਤੇ ਸੀਲੀਕਾਨ ਨਾਲ ਤਿਆਰ ਕੀਤਾ ਜਾਵੇਗਾ। ਇਸ ਅਜਾਇਬ ਘਰ ਵਿਚ ਮਹਾਰਾਣਾ ਪ੍ਰਤਾਪ, ਮਹਾਤਮਾ ਗਾਂਧੀ, ਸੁਭਾਸ਼ ਚੰਦਰ ਬੋਸ, ਮਦਰ ਟਰੇਸਾ, ਅਮਿਤਾਬ ਬਚਨ, ਸਚਿਨ ਤੇਂਦੁਲਕਰ ਭਗਤ ਸਿੰਘ ਵਰਗੀਆਂ ਕਈ ਸਕਸ਼ੀਅਤਾਂ ਦੇ ਬੁਤ ਸਥਾਪਤ ਕੀਤੇ ਜਾ ਚੁਕੇ ਹਨ। ਇਸ ਅਜਾਇਬ ਘਰ ਦੇ ਸੰਸਥਾਪਕ ਡਾਇਰੈਕਟਰ ਅਨੁਪ ਸ੍ਰੀਵਾਸਤਵਾ ਨੇ ਕਿਹਾ ਕਿ ਇਸ ਮਹਾਨ ਖਿਡਾਰੀ ਨੇ ਭਾਰਤੀ ਹਾਕੀ ਟੀਮ ਦੀ ਸੰਸਾਰ ਵਿਚ ਵਿਸ਼ੇਸ਼ ਪਹਿਚਾਣ ਬਣਾਈ ਹੈ, ਇਸ ਲਈ ਅਸੀਂ ਹੁਣ ਇਸ ਦਾ ਬੁਤ ਸਥਾਪਤ ਕਰਨ ਜਾ ਰਹੇ ਹਾਂ।
ਦੂਜੇ ਪਾਸੇ, ਸੰਦੀਪ ਸਿੰਘ ਨੇ ਕਿਹਾ ਕਿ ਅਜਾਇਬ ਘਰ 'ਚ ਉਨ੍ਹਾਂ ਦਾ ਬੁਤ ਲਗਾਉਣ ਦਾ ਪ੍ਰਬੰਧਕਾਂ ਵਲੋਂ ਲਿਆ ਗਿਆ ਫ਼ੈਸਲਾ ਉਨ੍ਹਾਂ ਲਈ ਬੜੀ ਸਨਮਾਨ ਦੀ ਗੱਲ ਹੈ। ਅਜਾਇਬ ਘਰ ਦੇ ਅਫ਼ਸਰ ਇਸ ਪ੍ਰਸਤਾਵ ਨੂੰ ਲੈ ਕੇ 2 ਮਹੀਨੇ ਪਹਿਲਾਂ ਉਸ ਨਾਲ ਸੰਪਰਕ ਕੀਤਾ ਸੀ, ਮੈ ਤੁਰਤ ਹਾਂ ਕਰ ਦਿਤੀ। ਸੰਦੀਪ ਸਿੰਘ ਨੇ ਦਸਿਆ ਕਿ ਮੇਰੀ ਮੂਰਤੀ ਦਾ ਅਨਾਵਰਣ ਜੁਲਾਈ ਮਹੀਨੇ ਵਿਚ ਕੀਤਾ ਜਾਵੇਗਾ, ਇਸੇ ਸਮੇਂ 13 ਜੁਲਾਈ ਨੂੰ ਉਨ੍ਹਾਂ ਦੀ ਜਿੰਦਗੀ 'ਤੇ ਬਣੀ ਫ਼ਿਲਮ ਵੀ ਰਿਲੀਜ਼ ਹੋਵੇਗੀ।