ਚੇਨਈ : ਭਾਰਤੀ ਕ੍ਰਿਕਟਰ ਇਰਫ਼ਾਨ ਪਠਾਨ ਤੋਂ ਬਾਅਦ ਹੁਣ ਉਸ ਦੇ ਸਾਬਕਾ ਸਾਥੀ ਖਿਡਾਰੀ ਹਰਭਜਨ ਸਿੰਘ ਵੀ ਤਮਿਲ ਸਿਨੇਮਾ ਵਿਚ ਕਰੀਅਰ ਸ਼ੁਰੂ ਕਰਨਗੇ। 'ਟਰਬੋਨੇਟਰ' ਦੇ ਨਾਂ ਨਾਲ ਮਸ਼ਹੂਰ ਹਰਭਜਨ ਸਿੰਘ ਅਭਿਨੇਤਾ ਸੰਤਾਨਮ ਦੀ ਫ਼ਿਲਮ 'ਡਿਕੀਲੂਨਾ' ਵਿਚ ਕੰਮ ਕਰਨਗੇ।
Harbhajan Singh
ਫ਼ਿਲਮ ਨਿਰਮਾਤਾਵਾਂ ਨੇ ਮੰਗਲਵਾਰ ਨੂੰ ਇਕ ਬਿਆਨ ਵਿਚ ਕਿਹਾ, "ਹਰਭਜਨ ਸਿੰਘ ਦਾ ਫ਼ਿਲਮ ਵਿਚ ਮਹੱਤਵਪੂਰਨ ਕਿਰਦਾਰ ਹੈ।" ਇਸ ਵਿਚਾਲੇ ਹਰਭਜਨ ਨੇ ਵੀ ਤਮਿਲ ਵਿਚ ਟਵੀਟ ਕਰ ਕੇ ਨਿਰਮਾਤਾਵਾਂ ਦਾ ਧਨਵਾਦ ਕੀਤਾ। ਉਨ੍ਹਾਂ ਕਿਹਾ, "ਤਮਿਲਨਾਡੂ ਦੀ ਧਰਤੀ ਤੋਂ ਥਲਈਵਰ, ਥਾਲਾ ਅਤੇ ਥਲਪਤੀ ਨਿਕਲੇ ਹੈ।" ਉਨ੍ਹਾਂ ਦਾ ਇਸ਼ਾਰਾ ਸੁਪਰਸਟਾਰ ਰਜਨੀਕਾਂਤ, ਅਜੀਤ ਅਤੇ ਵਿਜੇ ਵੱਲ ਸੀ।
Harbhajan Singh
ਹਰਭਜਨ ਸਿੰਘ ਤੋਂ ਇਲਾਵਾ ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਇਰਫ਼ਾਨ ਪਠਾਨ ਵੀ ਇਕ ਤਮਿਲ ਫਿਲਮ ਵਿਚ ਕੰਮ ਕਰਨ ਜਾ ਰਹੇ ਹਨ। 'ਵਿਕਰਮ 58' ਨੂੰ ਅਜੇ ਨਾਨਾਮੁਥੁ ਡਾਈਰੈਕਟ ਕਰ ਰਹੇ ਹਨ। ਦਰਅਸਲ ਇਰਫਾਨ ਪਠਾਨ ਨੇ ਵੀਡੀਓ ਸ਼ੇਅਰ ਕਰਦਿਆਂ ਲਿਖਿਆ, "ਨਵਾਂ ਕੰਮ ਅਤੇ ਨਵੀਂਆਂ ਚੁਣੌਤੀਆਂ ਲਈ ਤਿਆਰ।" ਪਠਾਨ ਨੇ ਇਸ ਵੀਡੀਓ ਵਿਚ ਆਪਣੇ ਕ੍ਰਿਕਟ ਕਰੀਅਰ ਦੇ ਅੰਕੜੇ ਵੀ ਸ਼ੇਅਰ ਕੀਤੇ।
