ਨਿਊਜ਼ੀਲੈਂਡ ਦਾ ਇਹ ਆਲਰਾਊਂਡਰ IPL ਤੋਂ ਹੋ ਸਕਦੈ ਬਾਹਰ
ਨਿਊਜ਼ੀਲੈਂਡ ਦਾ ਇਹ ਆਲਰਾਊਂਡਰ IPL ਤੋਂ ਹੋ ਸਕਦੈ ਬਾਹਰ
ਨਵੀਂ ਦਿੱਲੀ : ਆਈ.ਪੀ.ਐੱਲ. ਦਾ 11ਵਾਂ ਸੀਜ਼ਨ ਅਜੇ ਸ਼ੁਰੂ ਵੀ ਨਹੀਂ ਹੋਇਆ ਕਿ ਪਹਿਲਾਂ ਹੀ ਸੱਟ ਕਾਰਨ ਖਿਡਾਰਿਆਂ ਦਾ ਇਸ ਟੂਰਨਾਮੈਂਟ ਤੋ ਬਾਹਰ ਹੋਣ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ ਹੈ। ਨਿਊਜ਼ੀਲੈਂਡ ਦੇ ਆਲਰਾਊਂਡਰ ਮਿਸ਼ੇਲ ਸੈਂਟਨਰ ਦੇ ਗੋਡੇ 'ਤੇ ਸੱਟ ਲਗਣ ਕਾਰਨ ਆਈ.ਪੀ.ਐਲ 11 'ਚੋਂ ਗੈਰਹਾਜ਼ਰ ਹੋਣਾ ਤੈਅ ਹੈ। ਉਹ ਆਈ.ਪੀ.ਐਲ. 'ਚ ਚੇਨਈ ਸੁਪਰ ਕਿੰਗਸ ਦੇ ਖਿਡਾਰੀ ਹਨ।
ਉਹ ਇਸੇ ਮਹੀਨੇ ਸਰਜ਼ਰੀ ਕਰਾਉਣਗੇ। ਅਜਿਹੇ 'ਚ ਉਹ ਨਾ ਸਿਰਫ ਇੰਗਲੈਂਡ ਦੇ ਖਿਲਾਫ ਹੋਣ ਵਾਲੀ ਟੈਸਟ ਸੀਰੀਜ਼ ਤੋਂ ਬਾਹਰ ਰਹਿਣਗੇ, ਬਲਕਿ ਅਗਲੇ ਮਹੀਨੇ ਸ਼ੁਰੂ ਹੋਣ ਵਾਲੇ ਆਈ.ਪੀ.ਐੱਲ ਟੂਰਨਾਮੈਂਟ ਤੋਂ ਵੀ ਬਾਹਰ ਰਹਿਣਗੇ। ਨਿਊਜ਼ੀਲੈਂਡ ਟੀਮ ਨੇ ਬੁਧਵਾਰ ਨੂੰ ਦੱਸਿਆ ਕਿ ਗੋਡੇ ਦੀ ਸਰਜ਼ਰੀ ਦੇ ਬਾਅਦ ਸੈਂਟਨਰ ਕਰੀਬ ਨੌ ਮਹੀਨੇ ਤਕ ਕ੍ਰਿਕਟ ਤੋਂ ਦੂਰ ਰਹਿਣਗੇ।
ਸੈਂਟਨਰ ਨੂੰ ਇੰਗਲੈਂਡ ਖਿਲਾਫ ਸੀਮਤ ਓਵਰ ਸੀਰੀਜ਼ ਦੇ ਦੌਰਾਨ ਖੇਡਣ 'ਚ ਪਰੇਸ਼ਾਨੀ ਹੋ ਰਹੀ ਸੀ, ਜਿਸ ਕਾਰਨ ਉਸਦਾ ਸਕੈਨ ਕਰਾਇਆ ਗਿਆ ਸੀ, ਜਿਸ 'ਚ ਉਸਦੀ ਹੱਡੀ 'ਚ ਗੜਬੜੀ ਦਾ ਪਤਾ ਲਗਿਆ ਹੈ। ਲਗਾਤਾਰ ਖੇਡਣ ਦੇ ਕਾਰਨ ਉਸ ਦੀ ਸੱਟ ਗੰਭੀਰ ਹੋ ਗਈ ਹੈ ਅਤੇ ਸੈਂਟਨਰ ਨੂੰ ਸਰਜ਼ਰੀ ਦੀ ਤੁਰੰਤ ਜ਼ਰੂਰਤ ਹੈ।
