ਭਾਰਤੀ ਕ੍ਰਿਕੇਟ ਟੀਮ ਨੇ ਸ਼ੁੱਕਰਵਾਰ ਨੂੰ ਮੇਲਬਰਨ ਕ੍ਰਿਕੇਟ ਗਰਾਊਂਡ.....
ਮੇਲਬਰਨ : ਭਾਰਤੀ ਕ੍ਰਿਕੇਟ ਟੀਮ ਨੇ ਸ਼ੁੱਕਰਵਾਰ ਨੂੰ ਮੇਲਬਰਨ ਕ੍ਰਿਕੇਟ ਗਰਾਊਂਡ (ਐਮਸੀਜੀ) ਉਤੇ ਖੇਡੇ ਗਏ ਤੀਸਰੇ ਅਤੇ ਆਖਰੀ ਵਨਡੇ ਮੈਚ ਵਿਚ ਆਸਟਰੇਲੀਆ ਨੂੰ ਸੱਤ ਵਿਕੇਟ ਨਾਲ ਹਰਾ ਦਿਤਾ। ਇਸ ਦੇ ਨਾਲ ਭਾਰਤ ਨੇ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ 2-1 ਨਾਲ ਅਪਣੇ ਨਾਂਅ ਕਰ ਲਈ ਹੈ। ਭਾਰਤੀ ਗੇਂਦਬਾਜ਼ਾਂ ਨੇ ਚੰਗਾ ਪ੍ਰਦਰਸ਼ਨ ਕਰਦੇ ਹੋਏ ਆਸਟਰੇਲੀਆ ਨੂੰ 48.4 ਓਵਰਾਂ ਵਿਚ 230 ਦੌੜਾਂ ਉਤੇ ਢੇਰ ਕਰ ਦਿਤਾ ਸੀ।
India Won Match
ਇਸ ਟੀਚੇ ਨੂੰ ਭਾਰਤ ਨੇ 49.2 ਓਵਰਾਂ ਵਿਚ ਤਿੰਨ ਵਿਕੇਟ ਖੁੰਝ ਕੇ ਹਾਸਲ ਕਰਕੇ ਜਿੱਤ ਦਰਜ ਕੀਤੀ। ਭਾਰਤ ਲਈ ਧੁੰਆਧਾਰ ਬੱਲੇਬਾਜ਼ ਮਹਿੰਦਰ ਸਿੰਘ ਧੋਨੀ ਨੇ ਨਾਬਾਦ 87 ਅਤੇ ਕੇਦਾਰ ਜਾਧਵ ਨੇ ਨਾਬਾਦ 61 ਦੌੜਾਂ ਬਣਾਈਆਂ। ਉਨ੍ਹਾਂ ਤੋਂ ਇਲਾਵਾ ਵਿਰਾਟ ਕੋਹਲੀ ਨੇ 46 ਦੌੜਾਂ ਬਣਾਈਆਂ। ਇਸ ਤੋਂ ਪਹਿਲਾਂ ਆਸਟਰੇਲੀਆਈ ਬੱਲੇਬਾਜ਼ ਯੁਜਵਿੰਦਰ ਚਹਿਲ ਦੀ ਫਿਰਕੀ ਵਿਚ ਫਸ ਕੇ ਰਹਿ ਗਏ। ਲੇਗ ਸਪਿਨਰ ਚਹਿਲ ਨੇ ਛੇ ਵਿਕੇਟ ਅਪਣੇ ਨਾਮ ਕੀਤੇ।
Kohli
ਆਸਟਰੇਲੀਆ ਲਈ ਪੀਟਰ ਹੈਂਡਸਕਾਬ ਨੇ ਸਭ ਤੋਂ ਜ਼ਿਆਦਾ 58 ਦੌੜਾਂ ਬਣਾਈਆਂ ਜਿਸ ਦੇ ਲਈ ਉਨ੍ਹਾਂ ਨੇ 63 ਗੇਂਦਾਂ ਖੇਡੀਆਂ ਅਤੇ ਦੋ ਚੌਕੇ ਮਾਰੇ। ਹੈਂਡਸਕਾਬ ਤੋਂ ਇਲਾਵਾ ਸ਼ਾਨ ਮਾਰਸ਼ ਨੇ 39 ਅਤੇ ਉਸਮਾਨ ਖਵਾਜਾ ਨੇ 34 ਦੌੜਾਂ ਬਣਾਈਆਂ।
