ਟੀਮ ਇੰਡੀਆ ਨੇ ਬ੍ਰਿਸਬੇਨ ਵਿਚ ਆਸਟ੍ਰੇਲੀਆ ਨੂੰ 3 ਵਿਕਟਾਂ ਨਾਲ ਹਰਾ ਕੇ ਇਤਿਹਾਸ ਰਚ ਦਿੱਤਾ ਹੈ...

ਨਵੀਂ ਦਿੱਲੀ: ਟੀਮ ਇੰਡੀਆ ਨੇ ਬ੍ਰਿਸਬੇਨ ਵਿਚ ਆਸਟ੍ਰੇਲੀਆ ਨੂੰ 3 ਵਿਕਟਾਂ ਨਾਲ ਹਰਾ ਕੇ ਇਤਿਹਾਸ ਰਚ ਦਿੱਤਾ ਹੈ। ਭਾਰਤ ਨੇ ਆਸਟ੍ਰੇਲੀਆ ਵਿਚ ਅਪਣਾ ਸਭ ਤੋਂ ਵੱਡਾ 328 ਦੌੜਾਂ ਦਾ ਟਿੱਚਾ ਬਦਲਿਆ ਅਤੇ ਚੌਥਾ ਟੈਸਟ ਜਿੱਤ ਕੇ 2-1 ਤੋਂ ਸੀਰੀਜ਼ ਅਪਣੇ ਨਾਮ ਕੀਤੀ ਹੈ। ਇਸ ਤੋਂ ਪਹਿਲਾਂ ਭਾਰਤ ਨੇ 2003 ਦੇ ਐਲਿਲੇਡ ਟੈਸਟ ਵਿਚ 233 ਦੌੜਾਂ ਦਾ ਸਭ ਤੋਂ ਵੱਡਾ ਟਿੱਚਾ ਬਦਲਿਆ ਸੀ।

Team India and Team Australia

ਭਾਰਤ ਨੇ ਗਾਬਾ ‘ਚ ਪਹਿਲਾ ਟੈਸਟ ਜਿੱਤਿਆ

ਉਥੇ ਹੀ, ਭਾਰਤੀ ਟੀਮ ਨੇ ਬ੍ਰਿਸਬੇਨ ਦੇ ਗਾਬਾ ਮੈਦਾਨ ਉਤੇ ਪਹਿਲਾ ਟੈਸਟ ਜਿੱਤਿਆ ਹੈ। ਇਸ ਟੈਸਟ ਤੋਂ ਪਹਿਲਾਂ ਟੀਮ ਇੰਡੀਆ ਨੇ 6 ਟੈਸਟ ਖੇਡੇ ਸਨ, ਜਿਨ੍ਹਾਂ ਵਿਚੋਂ 5 ਹਾਰੇ ਅਤੇ ਇਕ ਡਰਾਅ ਕਰਵਾਇਆ ਸੀ। ਆਸਟ੍ਰੇਲੀਆ ਨੂੰ ਲਗਾਤਾਰ ਤੀਜੀ ਟੈਸਟ ਸੀਰੀਜ਼ ਵਿਚ ਮਾਤ ਦਿੱਤੀ। ਭਾਰਤੀ ਟੀਮ ਨੇ ਆਸਟ੍ਰੇਲੀਆ ਨੂੰ ਲਗਾਤਾਰ ਤੀਜੀ ਬਾਰਡਰ-ਗਾਵਸਕਰ ਸੀਰੀਜ਼ ਵਿਚ ਮਾਤ ਦਿੱਤੀ ਹੈ।

Team India and Team Australia

ਇਸ ਤੋਂ ਪਹਿਲਾਂ ਭਾਰਤ ਨੇ ਫ਼ਰਵਰੀ 2017 ਅਤੇ ਦਸੰਬਰ 2018 ਵਿਚ ਖੇਡੀ ਗਈ ਬਾਰਡਰ-ਗਾਵਸਕਰ ਟ੍ਰਾਫ਼ੀ ਵਿਚ ਮਾਤ ਦਿੱਤੀ ਸੀ। ਟੀਮ ਇੰਡੀਆ ਨੇ ਪਿਛਲੀ ਵਾਰ 2018 ਵਿਚ ਆਸਟ੍ਰੇਲੀਆ ਨੂੰ ਉਨ੍ਹਾਂ ਦੇ ਘਰ ਵਿਚ ਹੀ 3-1 ਨਾਲ ਮਾਤ ਦਿੱਤੀ ਸੀ। ਟੀਮ ਦੀ ਆਸਟ੍ਰੇਲੀਆ ਵਿਚ ਇਹ ਪਹਿਲੀ ਟੈਸਟ ਸੀਰੀਜ਼ ਜਿੱਤੀ ਸੀ। ਹੁਣ ਇਹ ਭਾਰਤ ਦੀ ਆਸਟ੍ਰੇਲੀਆ ਵਿਚ ਦੂਜੀ ਟੈਸਟ ਸੀਰੀਜ਼ ਵਿਚ ਜਿੱਤ ਹੈ। ਭਾਰਤ ਨੇ ਆਸਟ੍ਰੇਲੀਆ ਵਿਚ ਹੁਣ ਤੱਕ 13 ਵਿਚੋਂ 8 ਸੀਰੀਜ਼ ਹਾਰੀਆਂ, 2 ਜਿੱਤੀਆਂ ਅਤੇ 3 ਡਰਾਅ ਖੇਡੀਆਂ ਹਨ।

Team India and Team Australia

ਭਾਰਤ ਨੇ 16 ਵਿਚੋਂ 10 ਬਾਰਡਰ-ਗਾਵਸਕਰ ਟ੍ਰਾਫ਼ੀ ਜਿੱਤੀ

1996 ਵਿਚ ਭਾਰਤ ਅਤੇ ਆਸਟ੍ਰੇਲੀਆ ਦੇ ਵਿੱਚ ਬਾਰਡਰ-ਗਵਾਸਕਰ ਸੀਰੀਜ਼ ਖੇਡੀ ਜਾ ਰਹੀ ਹੈ। ਹੁਣ ਤੱਕ ਭਾਰਤ ਨੇ 16 ਵਿਚੋਂ 10 ਟ੍ਰਾਫ਼ੀ ਜਿੱਤੀਆਂ ਜਾਂ ਰਿਟੇਨ ਕੀਤੀ ਹੈ। ਆਸਟ੍ਰੇਲੀਆ ਨੇ 5 ਹੀ ਸੀਰੀਜ਼ ਉਤੇ ਕਬਜ਼ਾ ਕੀਤੀ ਹੈ।

Team India and Team Australia

ਗਾਬਾ ਵਿਚ ਪਹਿਲੀਂ ਵਾਰ 300+ ਦੌੜਾਂ ਦਾ ਟਿੱਚਾ ਬਦਲਿਆ

ਗਾਬਾ ਵਿਚ ਪਹਿਲੀਂ ਵਾਰ ਕਿਸੇ ਟੀਮ ਨੇ 300+ ਦੌੜਾਂ ਦਾ ਟਾਰਗੇਟ ਬਦਲਿਆ ਹੈ। ਇਸ ਤੋਂ ਪਹਿਲਾਂ ਇੱਥੇ ਸਭ ਤੋਂ ਵੱਡਾ 236 ਦੌੜਾਂ ਦਾ ਟਾਰਗੇਟ ਬਦਲਿਆ ਸੀ। ਇਹ ਉਪਲਬਧੀ ਆਸਟ੍ਰੇਲੀਆ ਨੇ ਹੀ ਨਬੰਵਰ 1951 ਵਿਚ ਹਾਸਲ ਕੀਤੀ। ਉਦੋਂ ਮੇਜਬਾਨ ਨੇ ਵੈਸਟਇੰਡੀਜ਼ ਨੂੰ 3 ਵਿਕਟਾਂ ਨਾਲ ਹਰਾਇਆ ਸੀ।  

ਆਸਟ੍ਰੇਲੀਆ ਨੇ ਦੂਜੀ ਪਾਰੀ ਵਿਚ 294 ਦੌੜਾਂ ਬਣਾਈਆਂ

ਮੈਚ ਵਿਚ ਆਸਟ੍ਰੇਲੀਆ ਨੇ ਟਾਸ ਜਿੱਤ ਕੇ ਪਹਿਲਾਂ ਬੈਟਿੰਗ ਕਰਦੇ ਹੋਏ 369 ਦੌੜਾਂ ਬਣਾਈਆਂ ਸਨ। ਬਦਲੇ ਵਿਚ ਟੀਮ ਇੰਡੀਆ ਸਿਰਫ਼ 336 ਦੌੜਾਂ ਹੀ ਬਣਾ ਸਕੀ। ਇਸ ਤੋਂ ਬਾਅਦ ਆਸਟ੍ਰੇਲੀਆ ਨੇ ਦੂਜੀ ਪਾਰੀ ਵਿਚ 294 ਦੌੜਾਂ ਬਣਾਈਆਂ। ਪਹਿਲੀ ਪਾਰੀ ਵਿਚ ਆਸਟ੍ਰੇਲੀਆ 33 ਦੌੜਾਂ ਨਾਲ ਅੱਗੇ ਸੀ। ਇਸ ਆਧਾਰ ‘ਤੇ 328 ਦੌੜਾਂ ਦਾ ਟਿੱਚਾ ਦਿੱਤਾ ਗਿਆ। ਇਸਦੇ ਬਦਲੇ ਵਿਚ ਟੀਮ ਇੰਡੀਆ ਨੇ 7 ਵਿਕਟਾਂ ਦੇ ਨੁਕਸਾਨ ‘ਤੇ 329 ਦੌੜਾਂ ਬਣਾ ਮੈਚ ਜਿੱਤਾ ਲਿਆ।

ਸ਼ੁਭਮਨ ਨੇ ਤੋੜਿਆ ਗਾਵਸਕਰ ਦਾ ਰਿਕਾਰਡ   

ਸ਼ੁਭਮਨ ਚੌਥੀ ਪਾਰੀ ਵਿਚ ਅਰਧ ਸੈਂਕੜਾ ਲਗਾਉਣ ਵਾਲੇ ਸਭ ਤੋਂ ਛੋਟੀ ਉਮਰ ਦੇ ਓਪਨਰ ਬਣ ਗਏ ਹਨ। ਉਨ੍ਹਾਂ ਨੇ ਭਾਰਤੀ ਓਪਨਰ ਸੁਨੀਲ ਗਾਵਸਕਰ ਦਾ 50 ਸਾਲਾ ਪੁਰਾਣਾ ਰਿਕਾਰਡ ਤੋੜ ਦਿੱਤਾ ਹੈ। ਫਿਲਹਾਲ, ਸ਼ੁਭਮਨ ਦੀ ਉਮਰ 21 ਸਾਲ, 133 ਦਿਨ ਹੈ। ਉਥੇ ਹੀ, ਗਾਵਸਕਰ ਨੇ 21 ਸਾਲ, 243 ਦਿਨ ਦੀ ਉਮਰ ਵਿਚ ਇਹ ਉਪਲਬਧੀ ਹਾਂਸਲ ਕੀਤੀ ਸੀ। ਸਾਬਕਾ ਲੇਜੇਂਡ ਨੇ 1970 ਵਿਚ ਵੈਸਟ ਇੰਡੀਜ਼ ਦੇ ਵਿਰੁੱਧ ਪੋਰਟ ਆਫ਼ ਸਪੇਨ ਵਿਚ ਖੇਡੇ ਗਏ ਟੈਸਟ ਵਿਚ ਅਰਧ ਸੈਂਕੜਾ ਲਗਾਇਆ ਸੀ।