RCB ਨੇ ਬਿਹਤਰ ਰਨਰੇਟ ਦੇ ਆਧਾਰ 'ਤੇ 14 ਅੰਕਾਂ ਨਾਲ ਪਲੇਆਫ਼ 'ਚ ਜਗ੍ਹਾ ਬਣਾਈ।
IPL 2024: ਮੁੰਬਈ - ਇੰਡੀਅਨ ਪ੍ਰੀਮੀਅਰ ਲੀਗ (IPL 2024) ਦੇ ਗਰੁੱਪ ਪੜਾਅ ਦੇ 68 ਮੈਚ ਖ਼ਤਮ ਹੋ ਗਏ ਹਨ। ਸ਼ਨੀਵਾਰ ਨੂੰ ਰਾਇਲ ਚੈਲੰਜਰਜ਼ ਬੇਂਗਲੁਰੂ ਨੇ ਚੇਨਈ ਸੁਪਰ ਕਿੰਗਜ਼ ਨੂੰ 27 ਦੌੜਾਂ ਨਾਲ ਹਰਾਇਆ। ਇਸ ਨਤੀਜੇ ਨਾਲ ਬੈਂਗਲੁਰੂ ਨੇ 14 ਅੰਕਾਂ ਨਾਲ ਬਿਹਤਰ ਰਨ ਰੇਟ ਦੇ ਆਧਾਰ 'ਤੇ ਪਲੇਆਫ ਲਈ ਕੁਆਲੀਫਾਈ ਕਰ ਲਿਆ ਹੈ। ਜਦਕਿ ਚੇਨਈ ਪਲੇਆਫ਼ ਦੀ ਦੌੜ ਤੋਂ ਬਾਹਰ ਹੋ ਗਈ ਹੈ।
ਸਾਰੀਆਂ ਚਾਰ ਪਲੇਆਫ ਟੀਮਾਂ ਦੀ ਪੁਸ਼ਟੀ ਹੋਣ ਦੇ ਬਾਵਜੂਦ, ਲੀਗ ਪੜਾਅ ਦੇ ਮੈਚਾਂ ਦਾ ਆਖਰੀ ਦਿਨ ਮਹੱਤਵਪੂਰਨ ਹੈ ਕਿਉਂਕਿ ਦੂਜੇ ਸਥਾਨ 'ਤੇ ਰਹਿਣ ਵਾਲੀ ਟੀਮ ਦੀ ਅਜੇ ਵੀ ਪੁਸ਼ਟੀ ਨਹੀਂ ਹੋਈ ਹੈ। ਅੱਜ ਰਾਜਸਥਾਨ ਰਾਇਲਜ਼ ਅਤੇ ਸਨਰਾਈਜ਼ਰਸ ਹੈਦਰਾਬਾਦ ਨੂੰ ਨੰਬਰ-2 ਲਈ ਲੜਨਾ ਪਵੇਗਾ। ਪਹਿਲਾ ਮੈਚ SRH ਅਤੇ PBKS ਵਿਚਕਾਰ ਹੋਵੇਗਾ। ਉਥੇ ਹੀ ਦਿਨ ਦੇ ਦੂਜੇ ਮੈਚ ਵਿਚ ਆਰਆਰ ਦਾ ਸਾਹਮਣਾ ਕੇਕੇਆਰ ਨਾਲ ਹੋਵੇਗਾ।
ਇਨ੍ਹਾਂ ਦੋਵਾਂ ਮੈਚਾਂ ਦਾ ਨਤੀਜਾ ਜੋ ਵੀ ਹੋਵੇ, ਕੇਕੇਆਰ ਨੰਬਰ-1 'ਤੇ ਰਹੇਗਾ ਅਤੇ ਆਰਸੀਬੀ ਨੰਬਰ-4 'ਤੇ ਰਹੇਗਾ, ਯਾਨੀ ਕੋਲਕਾਤਾ ਦਾ ਕੁਆਲੀਫਾਇਰ-1 ਅਤੇ ਬੈਂਗਲੁਰੂ ਦਾ ਐਲੀਮੀਨੇਟਰ ਖੇਡਣਾ ਤੈਅ ਹੈ। ਰਾਇਲ ਚੈਲੰਜਰਜ਼ ਬੈਂਗਲੁਰੂ (RCB) ਨੇ ਸ਼ਨੀਵਾਰ ਨੂੰ ਚੇਨਈ ਸੁਪਰ ਕਿੰਗਜ਼ (CSK) ਨੂੰ 27 ਦੌੜਾਂ ਨਾਲ ਹਰਾਇਆ। ਇਸ ਜਿੱਤ ਨਾਲ ਆਰਸੀਬੀ ਨੇ ਪਲੇਆਫ ਵਿਚ ਥਾਂ ਬਣਾ ਲਈ ਹੈ।
RCB ਨੇ ਬਿਹਤਰ ਰਨਰੇਟ ਦੇ ਆਧਾਰ 'ਤੇ 14 ਅੰਕਾਂ ਨਾਲ ਪਲੇਆਫ਼ 'ਚ ਜਗ੍ਹਾ ਬਣਾਈ। ਟੀਮ ਨੂੰ ਆਖ਼ਰੀ ਲੀਗ ਮੈਚ ਵਿਚ ਸੀਐਸਕੇ ਦੇ ਖਿਲਾਫ਼ ਘੱਟੋ-ਘੱਟ 18 ਦੌੜਾਂ ਨਾਲ ਜਿੱਤਣ ਦੀ ਲੋੜ ਸੀ। ਟੀਮ 27 ਨਾਲ ਜੇਤੂ ਰਹੀ। CSK ਲਈ ਇਸ ਸੀਜ਼ਨ ਦਾ ਸਫ਼ਰ ਖ਼ਤਮ ਹੋ ਗਿਆ ਹੈ। ਭਾਵੇਂ ਟੀਮ ਦੇ ਆਰਸੀਬੀ ਦੇ ਬਰਾਬਰ 14 ਅੰਕ ਹਨ ਪਰ ਖਰਾਬ ਰਨ ਰੇਟ ਕਾਰਨ ਟੀਮ ਪੰਜਵੇਂ ਸਥਾਨ 'ਤੇ ਆ ਗਈ।
(For more news apart from IPL 2024 : RCB beat Chennaiyin to clinch playoff ticket, CSK out of the race News in Punjabi, stay tuned to Rozana Spokesman)
