Indian Premier League: ਭਲਕੇ ਸ਼ੁਰੂ ਹੋ ਰਿਹਾ IPL 2024; ਕ੍ਰਿਕਟ ਦੇ ਮਹਾਂ ਮੁਕਾਬਲੇ ਵਿਚ ਹਿੱਸਾ ਲੈਣਗੀਆਂ 10 ਟੀਮਾਂ
Published : Mar 21, 2024, 1:47 pm IST
Updated : Mar 21, 2024, 1:47 pm IST
SHARE ARTICLE
Indian Premier League 2024
Indian Premier League 2024

ਆਈਪੀਐਲ 2024 ਦਾ ਪਹਿਲਾ ਮੁਕਾਬਲਾ ਭਲਕੇ 22 ਮਾਰਚ ਨੂੰ ਰਾਤ 8 ਵਜੇ ਚੇਨਈ ਅਤੇ ਬੈਂਗਲੁਰੂ ਵਿਚਾਲੇ ਖੇਡਿਆ ਜਾਵੇਗਾ।

Indian Premier League: ਇੰਡੀਅਨ ਪ੍ਰੀਮੀਅਰ ਲੀਗ 2024 ਸ਼ੁਰੂ ਹੋਣ ਨੂੰ ਸਿਰਫ਼ ਇਕ ਦਿਨ ਬਾਕੀ ਰਹਿ ਗਿਆ ਹੈ ਅਤੇ 10 ਟੀਮਾਂ ਇਸ ਵਾਰੀ ਕ੍ਰਿਕੇਟ ਦੀ ਇਸ ਸੱਭ ਤੋਂ ਮਸ਼ਹੂਰ ਲੀਗ ’ਚ ਮੁਕਾਬਲੇ ਲਈ ਉਤਰਨਗੀਆਂ। ਆਈਪੀਐਲ ’ਚ ਜਿਥੇ ਨੌਜਵਾਨਾਂ ਨੂੰ ਅਪਣੀ ਪਛਾਣ ਬਣਾਉਣ ਦਾ ਮੌਕਾ ਮਿਲਦਾ ਹੈ ਉਥੇ ਬਹੁਤ ਸਾਰੇ ਤਜਰਬੇਕਾਰ ਖਿਡਾਰੀਆਂ ਨੇ ਵੀ ਅਪਣੀ ਥਾਂ ਬਣਾਈ ਹੈ।

ਆਈਪੀਐਲ 2024 ਦਾ ਪਹਿਲਾ ਮੁਕਾਬਲਾ ਭਲਕੇ 22 ਮਾਰਚ ਨੂੰ ਰਾਤ 8 ਵਜੇ ਚੇਨਈ ਅਤੇ ਬੈਂਗਲੁਰੂ ਵਿਚਾਲੇ ਖੇਡਿਆ ਜਾਵੇਗਾ। ਸੰਭਾਵਤ 66 ਦਿਨ ਤਕ ਚੱਲਣ ਵਾਲੀ ਇਸ ਲੀਗ ਵਿਚ 10 ਟੀਮਾਂ 74 ਮੈਚ ਖੇਡਣਗੀਆਂ। 26 ਮਈ ਨੂੰ ਇਸ ਦਾ ਫਾਈਨਲ ਹੋ ਸਕਦਾ ਹੈ। ਆਮ ਚੋਣਾਂ ਕਾਰਨ ਬੀਸੀਸੀਆਈ ਨੇ ਅਜੇ ਸਿਰਫ਼ ਸ਼ੁਰੂਆਤੀ 21 ਮੈਚਾਂ ਦਾ ਸ਼ਡਿਊਲ ਜਾਰੀ ਕੀਤਾ ਹੈ, ਜੋ ਕਿ 7 ਅਪ੍ਰੈਲ ਤਕ ਖੇਡੇ ਜਾਣਗੇ।

5 ਟੀਮਾਂ ਨੂੰ ਮਿਲੇ ਨਵੇਂ ਕਪਤਾਨ

ਆਈਪੀਐਲ 2024 ਦੌਰਾਨ 5 ਟੀਮਾਂ ਨੂੰ ਨਵੇਂ ਕਪਤਾਨ ਮਿਲੇ ਹਨ। ਹਾਰਦਿਕ ਪੰਡਯਾ ਮੁੰਬਈ ਇੰਡੀਅਨਜ਼, ਸ਼ੁਭਮਨ ਗਿੱਲ ਗੁਜਰਾਤ ਟਾਈਟਨਜ਼, ਰਿਸ਼ਭ ਪੰਤ ਦਿੱਲੀ ਕੈਪੀਟਨ, ਸ਼੍ਰੇਅਸ ਅਈਯਰ ਕੇਕੇਆਰ ਅਤੇ ਪੈਟ ਕਮਿੰਸ ਸਨਰਾਈਜ਼ਰਸ ਹੈਦਰਾਬਾਦ ਦੀ ਕਮਾਨ ਸੰਭਾਲਣ ਜਾ ਰਹੇ ਹਨ।

ਇਸ ਵਾਰ ਨਹੀਂ ਦਿਖਾਈ ਦੇਣਗੇ ਇਹ ਵੱਡੇ ਚਿਹਰੇ

ਮੌਜੂਦਾ ਸੀਜ਼ਨ ਵਿਚ ਇੰਗਲੈਂਡ ਦੇ ਬੇਟ ਸਟੋਕਸ, ਜੋ ਰੂਟ, ਜੋਫਾ ਆਰਚਰ, ਜੇਸਨ ਰਾਏ, ਮਾਰਕ ਵੁੱਡ ਅਤੇ ਹੈਰੀ ਬਰੂਕ ਚੋਟ, ਵਰਕ ਲੋਡ ਮੈਨੇਜਮੈਂਟ ਅਤੇ ਨਿੱਜੀ ਕਾਰਨਾਂ ਦੇ ਚਲਦਿਆਂ ਨਹੀਂ ਦਿਖਾਈ ਦੇਣਗੇ। ਭਾਰਤ ਦੇ ਮੁਹੰਮਦ ਸ਼ੰਮੀ ਸੱਟ ਕਾਰਨ ਲੀਗ ਤੋਂ ਬਾਹਰ ਹਨ। ਆਸਟ੍ਰੇਲੀਆ ਦੇ ਸਟੀਵ ਸਮਿਥ ਅਤੇ ਜੋਸ਼ ਹੇਜ਼ਲਵੁੱਡ ਨੂੰ ਇਸ ਵਾਰ ਕਿਸੇ ਟੀਮ ਨੇ ਨਹੀਂ ਖਰੀਦਿਆ।

ਇਨ੍ਹਾਂ ਤੇ ਟਿਕੀਆਂ ਹਨ ਨਜ਼ਰਾਂ

ਇੰਟਰਨੈਸ਼ਨਲ ਕ੍ਰਿਕਟ ਤੋਂ ਸੰਨਿਆਸ ਲੈਣ ਤੋਂ ਬਾਅਦ ਧੋਨੀ ਸਿਰਫ਼ ਆਈਪੀਐਲ ਖੇਡਦੇ ਦਿਖਾਈ ਦਿੰਦੇ ਹਨ। ਉਹ ਚੇਨਈ ਦੀ ਕਪਤਾਨੀ ਵੀ ਕਰਨਗੇ। ਉਥੇ ਹੀ ਵਿਰਾਟ ਕੋਹਲੀ ਇੰਗਲੈਂਡ ਵਿਰੁਧ 5 ਟੈਸਟ ਮੈਚਾਂ ਦੀ ਸੀਰੀਜ਼ ਛੱਡਣ ਤੋਂ ਬਾਅਦ ਹੁਣ ਆਰਸੀਬੀ ਨਾਲ ਜੁੜੇ ਹਨ। ਟੀ-20 ਵਿਸ਼ਵ ਕੱਪ ਵਿਚ ਦਾਅਵੇਦਾਰੀ ਆਈਪੀਐਲ ਦੇ ਪ੍ਰਦਰਸ਼ਨ ਉਤੇ ਨਿਰਭਰ ਹੈ।

ਨਵੇਂ ਨਿਯਮ

ਇਸ ਵਾਰ ਤੇਜ਼ ਗੇਂਦਬਾਜ਼ ਇਕ ਓਵਰ ਵਿਚ ਦੋ ਬਾਊਂਸਰ ਸੁੱਟ ਸਕਣਗੇ। ਸਮਾਰਟ ਰਿਪਲੇ ਸਿਸਟਮ ਵੀ ਲਾਗੂ ਹੋਵੇਗਾ। ਪਿਛਲੀ ਵਾਰ ਤੋਂ ਲਾਗੂ ਇੰਪੈਕਟ ਪਲੇਅਰ ਨਿਯਮ ਵੀ ਲਾਗੂ ਰਹੇਗਾ।

ਮੈਚਾਂ ਦਾ ਸਮਾਂ

ਓਪਨਿੰਗ ਮੈਚ ਰਾਤ 8 ਵਜੇ ਤੋਂ ਸ਼ੁਰੂ ਹੋਵੇਗਾ ਕਿਉਂਕਿ ਉਸ ਤੋਂ ਪਹਿਲਾਂ ਓਪਨਿੰਗ ਸੈਰਮਨੀ ਵੀ ਹੋਵੇਗੀ। ਜ਼ਿਆਦਾਤਰ ਮੁਕਾਬਲੇ ਸ਼ਾਮ 7.30 ਵਜੇ ਤੋਂ ਹੀ ਹੋਣਗੇ।

(For more Punjabi news apart from 'Bad parenting fee' at Georgia restaurant, stay tuned to Rozana Spokesman)

Location: India, Delhi, New Delhi

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

kartik baggan murder Case : ਦੇਖੋ ਕਿਵੇਂ ਕੀਤਾ ਗਿਆ Ludhiana Influencer Kartik Baggan ਦਾ murder

28 Aug 2025 2:56 PM

Punjab Flood Rescue Operation : ਲੋਕਾਂ ਦੀ ਜਾਨ ਬਚਾਉਣ ਲਈ ਪਾਣੀ 'ਚ ਉਤਰਿਆ ਫੌਜ ਦਾ 'HULK'

28 Aug 2025 2:55 PM

Gurdwara Sri Kartarpur Sahib completely submerged in water after heavy rain Pakistan|Punjab Floods

27 Aug 2025 3:16 PM

400 ਬੱਚਿਆਂ ਦੇ ਮਾਂ-ਪਿਓ ਆਏ ਕੈਮਰੇ ਸਾਹਮਣੇ |Gurdaspur 400 students trapped as floodwaters |Punjab Floods

27 Aug 2025 3:13 PM

'ਅਕਾਲੀਆਂ ਦੇ ਝੂਠ ਦਾ ਪਰਦਾਫ਼ਾਸ਼, Video Edit ਕਰਕੇ Giani harpreet singh ਨੂੰ ਕੀਤਾ ਗਿਆ ਬਦਨਾਮ'| Sukhbir Badal

24 Aug 2025 3:07 PM
Advertisement