ਕਰੋਏਸ਼ਿਆ ਨੇ ਆਪਣੇ ਖੂਬਸੂਰਤ ਪ੍ਰਦਰਸ਼ਨ ਦੇ ਦਮ ਉੱਤੇ ਫੀਫਾ ਵਿਸ਼ਵ ਦੇ ਖਿਤਾਬ ਦੀ ਵੱਡੀ ਦਾਅਵੇਦਾਰ ਮੰਨੀ ਜਾਂਦੀ ਅਰਜੇਂਟੀਨਾ ਨੂੰ ਵੀਰਵਾਰ ਦੇਰ ਰਾਤ ਗਰੁਪ ਡੀ
ਕਰੋਏਸ਼ਿਆ ਨੇ ਆਪਣੇ ਖੂਬਸੂਰਤ ਪ੍ਰਦਰਸ਼ਨ ਦੇ ਦਮ ਉੱਤੇ ਫੀਫਾ ਵਿਸ਼ਵ ਦੇ ਖਿਤਾਬ ਦੀ ਵੱਡੀ ਦਾਅਵੇਦਾਰ ਮੰਨੀ ਜਾਂਦੀ ਅਰਜੇਂਟੀਨਾ ਨੂੰ ਵੀਰਵਾਰ ਦੇਰ ਰਾਤ ਗਰੁਪ ਡੀ ਦੇ ਮੁਕਾਬਲੇ ਵਿਚ 3-0 ਤੋਂ ਕਰਾਰੀ ਹਾਰ ਦਿੱਤੀ। ਇਸ ਦਮਦਾਰ ਜਿੱਤ ਦੇ ਨਾਲ ਕਰੋਏਸ਼ਿਆ ਦੀ ਟੀਮ 1998 ਫੀਫਾ ਵਿਸ਼ਵ ਕੱਪ ਤੋਂ ਬਾਅਦ ਪਹਿਲੀ ਵਾਰ ਪ੍ਰੀ-ਕੁਆਟਰ ਫ਼ਾਈਨਲ ਵਿਚ ਜਗ੍ਹਾ ਬਣਾਉਣ 'ਚ ਕਾਮਯਾਬ ਹੋਈ ਹੈ ਜਦੋਂ ਕਿ ਅਰਜੇਂਟੀਨਾ ਲਈ ਅਗਲੇ ਪੜਾਅ ਵਿਚ ਪੁੱਜਣ ਦਾ ਰਸਤਾ ਹੋਰ ਵੀ ਔਖਾ ਹੋ ਗਿਆ ਹੈ। ਗਰੁਪ ਡੀ ਵਿਚ ਦੋ ਮੈਚਾਂ ਤੋਂ ਬਾਅਦ ਇੱਕ ਅੰਕ ਦੇ ਨਾਲ ਤੀਜੀ ਪੁਜ਼ੀਸ਼ਨ ਉੱਤੇ ਮੌਜੂਦ ਹੈ।
ਸਾਰਣੀ ਵਿਚ ਦੂਜੇ ਪੜਾਅ 'ਤੇ ਮੌਜੂਦ ਆਇਸਲੈਂਡ ਦੇ ਕੋਲ ਵੀ ਸਿਰਫ਼ ਇੱਕ ਅੰਕ ਹੈ ਪਰ ਉਸ ਨੇ ਟੂਰਨਾਮੇਂਟ ਵਿਚ ਹਾਲੇ ਦੋ ਮੈਚ ਹੋਰ ਖੇਡਣੇ ਹਨ। ਨਿਝਨੀ ਨੋਵਗੋਰੋਡ ਸਟੇਡੀਅਮ ਵਿਚ ਖੇਡੇ ਗਏ ਇਸ ਮੁਕਾਬਲੇ ਵਿਚ ਅਰਜੇਂਟੀਨਾ ਨੇ ਬਹੁਤ ਤੇਜ਼ੀ ਨਾਲ ਸ਼ੁਰੂਆਤ ਕਰਨ ਦੀ ਕੋਸ਼ਿਸ਼ ਕੀਤੀ। ਹਾਲਾਂਕਿ, ਕਰੋਏਸ਼ਿਆ ਦੇ ਡਿਫੇਂਸ ਨੇ ਅਪਣਾ ਪਾਸਾ ਮਜ਼ਬੂਤ ਰੱਖਿਆ ਅਤੇ ਅਟੈਕਿੰਗ ਲਈ ਅਪਣਾ ਸਬਰ ਨਹੀਂ ਖੋਇਆ ਅਤੇ ਕਾਊਂਟਰ ਅਟੈਕ ਕਰਕੇ ਗੋਲ ਦਾਗਣ ਦੀ ਹੀ ਕੋਸ਼ਿਸ਼ ਕੀਤੀ।
ਮਿਡ ਫੀਲਡਰ ਇਵਾਨ ਪੇਰੀਸਿਕ ਨੇ ਚੌਥੇ ਮਿੰਟ ਵਿਚ ਅਰਜੇਂਟੀਨਾ ਦੇ ਡਿਫੈਂਸ ਨੂੰ ਤੋੜਦੇ ਹੋਏ ਗੋਲ ਉੱਤੇ ਨਿਸ਼ਾਨਾ ਦਾਗਿਆ ਜਿਸ ਨੂੰ ਗੋਲਕੀਪਰ ਵਿਲਫਰੇਡੋ ਕਾਬਾਲੇਰੋ ਨੇ ਰੋਕ ਕੇ ਅਪਣੀ ਟੀਮ ਨੂੰ ਸ਼ੁਰੂਆਤੀ ਝਟਕੇ ਤੋਂ ਬਚਾਅ ਲਿਆ। ਅਰਜੇਂਟੀਨਾ ਦੇ ਸਟ੍ਰਾਈਕਰ ਲਿਓਨਲ ਮੇਸੀ ਨੂੰ 12ਵੇਂ ਮਿੰਟ ਵਿਚ ਬਾਕਸ ਦੇ ਅੰਦਰ ਪਾਸ ਮਿਲਿਆ। ਮੇਸੀ ਗੇਂਦ ਨੂੰ ਅਪਣੇ ਕਬਜ਼ੇ ਵਿਚ ਨਹੀਂ ਰੱਖ ਸਕੇ ਅਤੇ ਗੇਂਦ ਸਿੱਧਾ ਗੋਲਕੀਪਰ ਡੇਨਿਜੇਲ ਸੁਬਾਸਿਕ ਦੇ ਹੱਥਾਂ ਵਿਚ ਚੱਲੀ ਗਈ। ਇਸ ਤੋਂ ਬਾਅਦ, ਦੋਵਾਂ ਟੀਮਾਂ ਦੇ ਵਿਚ ਚੋਟੀ ਦੀ ਟੱਕਰ ਦੇਖਣ ਨੂੰ ਮਿਲੀ।
30ਵੇਂ ਮਿੰਟ ਵਿਚ ਅਰਜੇਂਟੀਨਾ ਦੇ ਮਿਡ ਫੀਲਡਰ ਏੰਜੋ ਪੇਰੇਜ਼ ਨੂੰ ਬਾਕਸ ਦੇ ਅੰਦਰ ਤੋਂ ਗੋਲ ਕਰਨ ਦਾ ਸ਼ਾਨਦਾਰ ਮੌਕਾ ਮਿਲਿਆ। ਪੇਰੇਜ਼ ਨੂੰ ਖਾਲੀ ਪਏ ਗੋਲ ਦੇ ਸਾਹਮਣੇ ਗੇਂਦ ਮਿਲੀ, ਹਾਲਾਂਕਿ ਇਸ ਸੌਖੇ ਮੌਕੇ ਨੂੰ ਵੀ ਉਹ ਸੰਭਾਲ ਨਹੀਂ ਸਕੇ ਅਤੇ ਗੋਲ ਕਰਨ ਵਿਚ ਨਾਕਾਮ ਰਹੇ। ਕਰੋਏਸ਼ਿਆ ਨੇ ਵੀ ਗੋਲ ਕਰਨ ਦੀ ਕੋਸ਼ਿਸ਼ ਜਾਰੀ ਰੱਖੀ ਅਤੇ 33ਵੇਂ ਮਿੰਟ ਵਿਚ ਸਿਮੇ ਵਸਾਲਜਕੋ ਨੇ ਰਾਈਟ ਵਿੰਗ ਤੋਂ ਬਾਕਸ ਦੇ ਅੰਦਰ ਬਹੁਤ ਵਧੀਆ ਕਰਾਸ ਦਿੱਤਾ ਜਿਸ ਉੱਤੇ ਮਾਰਯੋ ਮਾਂਜੁਕਿਕ ਛੇ ਗਜ ਦੀ ਦੂਰੀ ਤੋਂ ਹੈਦਰ ਨਹੀਂ ਲਗਾ ਸਕਿਆ।
ਅਰਜੇਂਟੀਨਾ ਲਈ ਦੂਜੇ ਹਾਫ ਦੀ ਸ਼ੁਰੂਆਤ ਕਾਫੀ ਖ਼ਤਰਨਾਕ ਸਾਬਤ ਹੋਈ। 53ਵੇਂ ਮਿੰਟ ਵਿਚ ਗੋਲਕੀਪਰ ਕਾਬਾਲੇਰੋ ਨੇ ਬਾਕਸ ਵਿਚ ਆਪਣੇ ਖਿਡਾਰੀ ਨੂੰ ਪਾਸ ਦੇਣ ਦੀ ਕੋਸ਼ਿਸ਼ ਕੀਤੀ ਅਤੇ ਗਲਤੀ ਨਾਲ ਗੇਂਦ ਨੂੰ ਹਵਾ ਵਿਚ ਉਛਾਲ ਬੈਠਿਆ ਜਿਸ ਉੱਤੇ ਰੇਬਿਕ ਨੇ ਸ਼ਾਨਦਾਰ ਗੋਲ ਦਾਗਦੇ ਹੋਏ ਆਪਣੀ ਟੀਮ ਨੂੰ 1-0 ਨਾਲ ਅੱਗੇ ਕਰ ਦਿੱਤਾ। ਇੱਕ ਗੋਲ ਤੋਂ ਪਿਛੜਨ ਤੋਂ ਬਾਅਦ ਅਰਜੇਂਟੀਨਾ ਨੇ ਗੋਲ ਕਰਨ ਦੀ ਕੋਸ਼ਿਸ਼ ਤੇਜ਼ ਕਰ ਦਿਤੀ। 64ਵੇਂ ਮਿੰਟ ਵਿਚ ਮਿਡ ਫੀਲਡਰ ਮੈਕਸੀਮਿਲਿਆਨੋ ਮੇਜਾ ਅਤੇ ਮੇਸੀ ਨੂੰ ਗੋਲ ਲਕੀਰ ਦੇ ਕੋਲ ਗੇਂਦ ਮਿਲੀ ਪਰ ਕਰੋਏਸ਼ਿਆ ਦੇ ਗੋਲਕੀਪਰ ਨੇ ਦੁਬਾਰਾ ਇਕ ਚੰਗਾ ਬਚਾਅ ਕੀਤਾ।
ਗੋਲ ਕਰਨ ਦੇ ਅਸਾਨ ਮੌਕਿਆਂ ਨੂੰ ਵਿਅਰਥ ਜਾਂਦਾ ਦੇਖ ਕੋਚ ਜਾਰਜ ਸਾਂਪਾਓਲੀ ਪਾਉਲੋ ਡੇਬਾਲਾ ਨੂੰ ਮੈਦਾਨ ਵਿਚ ਲੈ ਕੇ ਆਏ। ਪਰ ਡੇਬਾਲਾ ਦੇ ਮੈਦਾਨ ਵਿਚ ਆਉਣ ਦਾ ਵੀ ਕੋਈ ਲਾਭ ਅਰਜੇਟੀਨਾ ਨੂੰ ਨਾ ਹੋਇਆ। ਸਪੇਨਿਸ਼ ਕਲੱਬ ਰੀਅਲ ਮੇਡਰਿਡ ਵਲੋਂ ਖੇਡਣ ਵਾਲੇ ਮਿਡ ਫੀਲਡਰ ਲੁਕਾ ਮੋਡਰਿਚ ਨੇ 80ਵੇਂ ਮਿੰਟ ਵਿਚ ਅਰਜੇਟੀਨਾ ਦੇ ਬਾਕਸ ਤੋਂ ਬਾਹਰ ਮਿਲੀ ਜਗ੍ਹਾ ਦਾ ਫ਼ਾਇਦਾ ਚੁੱਕਦੇ ਹੋਏ 25 ਗਜ ਦੀ ਦੂਰੀ ਤੋਂ ਜ਼ੋਰਦਾਰ ਗੋਲ ਮਾਰ ਕੇ ਕਰੋਏਸ਼ਿਆ ਨੂੰ 1 ਹੋਰ ਗੋਲ਼ ਨਾਲ ਅੱਗੇ ਕਰ ਦਿੱਤਾ।
ਇਸ ਤੋਂ ਬਾਅਦ, ਮਿਡ ਫੀਲਡਰ ਇਵਾਨ ਰੈੱਕਿਟਿਚ ਨੇ ਸੱਟ ਦੇ ਸਮੇਂ ਗੋਲ ਕਰਨ ਦੇ ਨਾਲ ਕ੍ਰੋਏਸ਼ੀਆ ਦੀ ਜਿੱਤ ਯਕੀਨੀ ਬਣਾਈ। ਅਰਜੇਂਟੀਨਾ ਮੰਗਲਵਾਰ ਨੂੰ ਅਪਣੇ ਫ਼ਾਈਨਲ ਗਰੁੱਪ ਮੈਚ ਵਿਚ ਨਾਈਜੀਰੀਆ ਦੇ ਖ਼ਿਲਾਫ਼ ਖੇਡੇਗਾ ਜਦਕਿ ਕਰੋਏਸ਼ੀਆ ਦਾ ਸਾਹਮਣਾ ਆਈਲੈਂਡ ਵਿਚ ਹੋਵੇਗਾ।