ਦਰਅਸਲ ਵਿਰਾਟ ਕੋਹਲੀ ਪਰਿਵਾਰਕ ਐਮਰਜੈਂਸੀ ਕਾਰਨ ਅਚਾਨਕ ਭਾਰਤ ਪਰਤ ਆਏ ਹਨ

Virat Kohli news: ਇਕ ਪਾਸੇ ਜਿੱਥੇ ਵਿਰਾਟ ਕੋਹਲੀ ਅਤੇ ਅਨੁਸ਼ਕਾ ਸ਼ਰਮਾ ਦੇ ਪ੍ਰਸ਼ੰਸਕ ਅਨੁਸ਼ਕਾ ਸ਼ਰਮਾ ਦੀ ਡਿਲੀਵਰੀ ਦਾ ਉਤਸ਼ਾਹ ਨਾਲ ਇੰਤਜ਼ਾਰ ਕਰ ਰਹੇ ਹਨ ਤਾਂ ਦੂਜੇ ਪਾਸੇ ਵਿਰਾਟ ਕੋਹਲੀ ਨੇ ਅਪਣੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿਤਾ ਹੈ।

ਦਰਅਸਲ ਵਿਰਾਟ ਕੋਹਲੀ ਪਰਿਵਾਰਕ ਐਮਰਜੈਂਸੀ ਕਾਰਨ ਅਚਾਨਕ ਭਾਰਤ ਪਰਤ ਆਏ ਹਨ ਪਰ ਦੱਖਣੀ ਅਫਰੀਕਾ ਵਿਰੁਧ 26 ਦਸੰਬਰ ਤੋਂ ਸ਼ੁਰੂ ਹੋਣ ਵਾਲੇ ਪਹਿਲੇ ਟੈਸਟ ਤੋਂ ਪਹਿਲਾਂ ਉਨ੍ਹਾਂ ਦੀ ਵਾਪਸੀ ਦੀ ਉਮੀਦ ਹੈ। ਕੋਹਲੀ ਦੋ ਟੈਸਟ ਮੈਚਾਂ ਦੀ ਸੀਰੀਜ਼ ਲਈ ਦੱਖਣੀ ਅਫਰੀਕਾ ਗਏ ਸਨ।

ਹਾਲਾਂਕਿ, ਅਜੇ ਤਕ ਨਾ ਤਾਂ ਵਿਰਾਟ ਕੋਹਲੀ ਅਤੇ ਨਾ ਹੀ ਅਨੁਸ਼ਕਾ ਸ਼ਰਮਾ ਨੇ ਗਰਭਅਵਸਥਾ ਦੀ ਪੁਸ਼ਟੀ ਕੀਤੀ ਹੈ ਪਰ ਕੁੱਝ ਮੀਡੀਆ ਰੀਪੋਰਟਾਂ ਵਿਚ ਵਿਰਾਟ ਕੋਹਲੀ ਦੀ ਭਾਰਤ ਵਾਪਸੀ ਨੂੰ ਅਨੁਸ਼ਕਾ ਸ਼ਰਮਾ ਦੀ ਗਰਭਅਵਸਥਾ ਨਾਲ ਜੋੜਿਆ ਜਾ ਰਿਹਾ ਹੈ।

ਬੀਸੀਸੀਆਈ ਦੇ ਇਕ ਸੂਤਰ ਨੇ ਸਮਾਚਾਰ ਏਜੰਸੀ ਨੂੰ ਦਸਿਆ, “ਵਿਰਾਟ ਕੋਹਲੀ ਪਰਿਵਾਰਕ ਐਮਰਜੈਂਸੀ ਕਾਰਨ ਭਾਰਤ ਪਰਤ ਆਏ ਹਨ ਪਰ ਪਹਿਲੇ ਟੈਸਟ ਤੋਂ ਪਹਿਲਾਂ ਵਾਪਸੀ ਕਰ ਸਕਦੇ ਹਨ”। ਸੂਤਰ ਨੇ ਕਿਹਾ, ''ਰੁਤੁਰਾਜ ਗਾਇਕਵਾੜ ਉਂਗਲ 'ਚ ਫਰੈਕਚਰ ਹੋਣ ਕਾਰਨ ਦੋ ਟੈਸਟ ਮੈਚਾਂ ਦੀ ਸੀਰੀਜ਼ ਤੋਂ ਬਾਹਰ ਹਨ।'' ਗਾਇਕਵਾੜ ਨੂੰ ਦੂਜੇ ਵਨਡੇ 'ਚ ਕੈਚ ਲੈਂਦੇ ਸਮੇਂ ਉਂਗਲੀ 'ਤੇ ਸੱਟ ਲੱਗ ਗਈ ਸੀ।

(For more news apart from Virat Kohli news Anushka Sharma pregnancy rumours in Punjabi, stay tuned to Rozana Spokesman)