ਨਿਊਜ਼ੀਲੈਂਡ ਦੀ ਟੀਮ ਜਦੋਂ ਭਾਰਤੀ ਟੀਮ ਦੇ ਖਿਲਾਫ਼ ਆਕਲੈਂਡ ਦੇ ਮੈਦਾਨ...
ਨਵੀਂ ਦਿੱਲੀ: ਨਿਊਜ਼ੀਲੈਂਡ ਦੀ ਟੀਮ ਜਦੋਂ ਭਾਰਤੀ ਟੀਮ ਦੇ ਖਿਲਾਫ਼ ਆਕਲੈਂਡ ਦੇ ਮੈਦਾਨ 'ਤੇ ਪਹਿਲਾ ਟੀ-20 ਖੇਡਣ ਉਤਰੀ ਤਾਂ ਇਕ ਨਜ਼ਰ ਕੀਵੀ ਤੇਜ਼ ਗੇਂਦਬਾਜ਼ ਹਮੀਸ਼ ਬੈਨੇਟ ਵੱਲ ਗਈ। ਨਿਊਜ਼ੀਲੈਂਡ ਵੱਲੋਂ ਇਕ ਦਹਾਕੇ ਪਹਿਲਾਂ ਟੈਸਟ ਕ੍ਰਿਕਟ ਖੇਡੇ 32 ਸਾਲਾਂ ਦੇ ਹਮੀਸ਼ ਨੂੰ ਕੀਵੀ ਟੀਮ ਨੇ ਪਲੇਇੰਗ ਇਲੈਵਨ 'ਚ ਜਗ੍ਹਾ ਦਿੱਤੀ।
New Zealand
ਟੀਮ ਇੰਡੀਆ ਖਿਲਾਫ ਹੀ ਟੀ-20 'ਚ ਕੀਤਾ ਡੈਬਿਊ
New Zealand
ਹਮੀਸ਼ ਨੇ ਨਵੰਬਰ 2010 'ਚ ਭਾਰਤ ਖਿਲਾਫ ਟੈਸਟ ਡੈਬਿਊ ਕੀਤਾ ਸੀ। ਅਹਿਮਦਾਬਾਦ 'ਚ ਖੇਡੇ ਗਏ ਇਸ ਮੈਚ 'ਚ ਹਮੀਸ਼ ਇਕ ਹੀ ਪਾਰੀ 'ਚ ਗੇਂਦਬਾਜ਼ੀ ਕਰ ਸਕੇ ਸਨ। ਉਨ੍ਹਾਂ ਨੇ 15 ਓਵਰਾਂ 'ਚ 2 ਮੇਡਨ ਸੁੱਟਦੇ ਹੋਏ 47 ਦੌੜਾਂ ਦਿੱਤੀਆਂ ਸਨ। ਇਸ ਮੈਚ 'ਚ ਉਹ ਸੱਟ ਦਾ ਸ਼ਿਕਾਰ ਹੋ ਗਏ ਸਨ। ਤਿੰਨ ਸਾਲ ਬਾਅਦ ਉਨ੍ਹਾਂ ਨੇ ਵਨ-ਡੇ 'ਚ ਵਾਪਸੀ ਕੀਤੀ।
New Zealand Team
ਉਦੋਂ ਉਨ੍ਹਾਂ ਨੇ ਆਕਲੈਂਡ ਦੇ ਮੈਦਾਨ 'ਤੇ ਹੀ ਟੀਮ ਇੰਡੀਆ ਖਿਲਾਫ ਤੀਜਾ ਵਨ-ਡੇ ਖੇਡਿਆ ਸੀ। ਹੁਣ ਉਹ ਟੀ-20 ਡੈਬਿਊ ਭਾਰਤ ਖਿਲਾਫ ਹੀ ਕਰ ਰਹੇ ਹਨ। ਹਮੀਸ਼ ਵੈਸੇ ਨਿਊਜ਼ੀਲੈਂਡ ਦੀ ਟੀਮ ਵੱਲੋਂ 16 ਵਨ-ਡੇ ਖੇਡ ਚੁੱਕੇ ਹਨ।
Hamish Bennett
ਇਸ 'ਚ ਉਨ੍ਹਾਂ ਦੇ ਨਾਂ 27 ਵਿਕਟਾਂ ਦਰਜ ਹਨ। ਹਮੀਸ਼ 2005 'ਚ ਹੋਏ ਅੰਡਰ-19 ਵਰਲਡ ਕੱਪ 'ਚ ਵੀ ਨਿਊਜ਼ੀਲੈਂਡ ਵੱਲੋਂ ਹਿੱਸਾ ਲੈ ਚੁੱਕੇ ਹਨ। ਉਨ੍ਹਾਂ ਨੂੰ ਕੀਵੀ ਟੀਮ ਨੇ ਭਾਰਤ ਖਿਲਾਫ ਹਥਿਆਰ ਦੀ ਤਰ੍ਹਾਂ ਉਤਾਰਿਆ ਹੈ। ਇਹ ਕਿਹੋ ਜਿਹਾ ਪ੍ਰਦਰਸ਼ਨ ਕਰਦੇ ਹਨ, ਉਹ ਦੇਖਣਯੋਗ ਹੋਵੇਗਾ।
