ਪਾਕਿਸਤਾਨ ਕ੍ਰਿਕੇਟ ਟੀਮ ਦੇ ਫੀਲਡਿੰਗ ਕੋਚ ਦਾ ਅਹੁਦਾ ਛੱਡਣ ਵਾਲੇ ਸਾਬਕਾ ਆਸਟ੍ਰੇਲੀਆਈ ਖਿਡਾਰੀ ਸਟੀਵ ਰਿਕਸਨ ਨੂੰ ਪਾਕਿਸਤਾਨ ਕ੍ਰਿਕੇਟ ਬੋਰਡ ਸਮੇਂ ਤੇ ਤਨਖ਼ਾਹ ਨਾ ਮਿਲੀ
ਸਿਡਨੀ : ਪਾਕਿਸਤਾਨ ਕ੍ਰਿਕੇਟ ਟੀਮ ਦੇ ਫੀਲਡਿੰਗ ਕੋਚ ਦਾ ਅਹੁਦਾ ਛੱਡਣ ਵਾਲੇ ਸਾਬਕਾ ਆਸਟ੍ਰੇਲੀਆਈ ਖਿਡਾਰੀ ਸਟੀਵ ਰਿਕਸਨ ਨੇ ਪਾਕਿਸਤਾਨ ਕ੍ਰਿਕੇਟ ਬੋਰਡ (ਪੀਸੀਬੀ) ਉਤੇ ਪੇਸ਼ੇਵਰ ਰਵੱਈਆ ਨਾ ਅਪਣਾਉਣ ਅਤੇ ਸਮੇਂ 'ਤੇ ਤਨਖ਼ਾਹ ਦੀ ਅਦਾਇਗੀ ਨਾ ਕਰਨ ਦਾ ਦੋਸ਼ ਲਗਾਇਆ ਹੈ। ਉਹਨਾਂ ਨੇ ਕਿਹਾ ਹੈ ਕਿ ਇਸ ਦੇ ਕਾਰਨ ਹੀ ਉਹ ਆਪਣਾ ਅਹੁਦਾ ਛੱਡਣ ਨੂੰ ਤਿਆਰ ਨੇ, ਵੈਬਸਾਈਟ ਈਐਸਪੀਐਨਕ੍ਰਿਕਇੰਨਫੋ ਨੇ ਰਿਕਸਨ ਦੇ ਹਵਾਲੇ ਵਿਚ ਲਿਖਿਆ ਹੈ, ਮੈਨੂੰ ਕਦੇ ਵੀ ਸਮੇਂ 'ਤੇ ਤਨਖ਼ਾਹ ਨਹੀਂ ਦਿਤੀ ਗਈ। ਇਹ ਅਪਮਾਨਜਨਕ ਗੱਲ ਹੈ। ਕੁਝ ਚੀਜ਼ਾਂ ਸਮੇਂ ਉਤੇ ਹੋਣੀਆਂ ਚਾਹੀਦੀਆ ਹਨ ਪਰ ਹੁੰਦੀਆਂ ਨਹੀਂ ਸੀ।
ਮੇਰਾ ਇਕਰਾਰਨਾਮਾ ਹੋਣ 'ਚ ਹੀ ਪੰਜ ਮਹੀਨੇ ਦਾ ਸਮਾਂ ਲਗ ਗਿਆ ਸੀ, ਅਤੇ ਆਖਰੀ ਸਮੇਂ ਉਤੇ ਅਹੁਦਾ ਦਿਤਾ ਗਿਆ ਸੀ। ਮੈਂ ਪਿਛਲੇ 30 ਸਾਲ ਤੋਂ ਕੋਚਿੰਗ ਦੇ ਖੇਤਰ ਨਾਲ ਜੁੜਿਆ ਹੋਇਆ ਹਾਂ। ਸਾਬਕਾ ਵਿਕੇਟਕੀਪਰ ਨੇ ਕਿਹਾ ਕਿ ਪੀਸੀਬੀ ਨੂੰ ਇਹ ਸਿਖਣ ਦੀ ਜ਼ਰੂਰਤ ਹੈ ਕਿ ਵਿਦੇਸ਼ੀ ਸਟਾਫ਼ ਨਾਲ ਕਿਸ ਤਰ੍ਹਾਂ ਦਾ ਵਿਵਹਾਰ ਕੀਤਾ ਜਾਣਾ ਚਾਹੀਦਾ ਹੈ। ਉਹਨਾਂ ਨੇ ਕਿਹਾ ਕਿ ਪੀਸੀਬੀ ਦੇ ਵਿਵਹਾਰ ਦੇ ਕਾਰਨ ਹੀ ਡੈਰੇਨ ਬੈਰੀ ਹੁਣ ਤਕ ਉਹਨਾਂ ਦਾ ਸਥਾਨ ਨਹੀਂ ਲੈ ਸਕੇ।ਉਹਨਾਂ ਨੇ ਕਿਹਾ ਡੈਰੇਨ ਬੈਰੀ ਨੇ ਆਖਰ ਵਿਚ ਇਸ ਕੰਮ ਦੇ ਲਈ ਮਨ੍ਹਾ ਕਰ ਦਿਤਾ ।
ਜਦੋਂ ਮੈਂ ਬੇਵਕੁਫ਼ ਸ਼ਬਦ ਦਾ ਇਸਤੇਮਾਲ ਕਰਦਾ ਹਾਂ, ਤਾਂ ਉਹ ਇਸ ਤਰ੍ਹਾਂ ਦੇ ਫ਼ੈਸਲਿਆਂ ਦੇ ਲਈ ਕਰਦਾ ਹਾਂ। ਤੁਸੀਂ ਚਾਹੁੰਦੇ ਹੋ ਕਿ ਵਿਦੇਸ਼ੀ ਸਟਾਫ਼ ਆ ਕੇ ਅਪਣਾ ਕੰਮ ਕਰੇ 'ਤੇ ਜਦੋਂ ਉਹ ਐਵੇਂ ਕਰਨ ਲਗ ਜਾਂਦੇ ਨੇ ਤਾਂ ਉਹਨਾਂ ਨੂੰ ਚੰਗਾ ਵਿਵਹਾਰ ਕਰਨਾ ਚਾਹੀਦਾ ਹੈ।