Advertisement
  ਖ਼ਬਰਾਂ   ਖੇਡਾਂ  29 Aug 2020  UAE ਤੋਂ ਅਚਾਨਕ ਭਾਰਤ ਪਰਤੇ Suresh Raina, ਆਈਪੀਐਲ ਦੇ ਸੀਜ਼ਨ ਤੋਂ ਹੋਏ ਬਾਹਰ, ਜਾਣੋ ਕੀ ਹੈ ਕਾਰਨ

UAE ਤੋਂ ਅਚਾਨਕ ਭਾਰਤ ਪਰਤੇ Suresh Raina, ਆਈਪੀਐਲ ਦੇ ਸੀਜ਼ਨ ਤੋਂ ਹੋਏ ਬਾਹਰ, ਜਾਣੋ ਕੀ ਹੈ ਕਾਰਨ

ਏਜੰਸੀ
Published Aug 29, 2020, 12:24 pm IST
Updated Aug 29, 2020, 12:24 pm IST
ਆਈਪੀਐਲ ਖੇਡਣ ਲਈ ਭਾਰਤ ਤੋਂ ਯੂਏਈ ਪਹੁੰਚੇ ਚੇਨਈ ਸੁਪਰ ਕਿੰਗਸ ਦੇ ਬੱਲੇਬਾਜ਼ ਸੁਰੇਸ਼ ਰੈਨਾ ਪਰਿਵਾਰਕ ਕਾਰਨਾਂ ਕਰਕੇ ਦੇਸ਼ ਵਾਪਸ ਪਰਤ ਆਏ ਹਨ।
Suresh Raina
 Suresh Raina

ਨਵੀਂ ਦਿੱਲੀ: ਆਈਪੀਐਲ ਖੇਡਣ ਲਈ ਭਾਰਤ ਤੋਂ ਯੂਏਈ ਪਹੁੰਚੇ ਚੇਨਈ ਸੁਪਰ ਕਿੰਗਸ ਦੇ ਬੱਲੇਬਾਜ਼ ਸੁਰੇਸ਼ ਰੈਨਾ ਪਰਿਵਾਰਕ ਕਾਰਨਾਂ ਕਰਕੇ ਦੇਸ਼ ਵਾਪਸ ਪਰਤ ਆਏ ਹਨ। ਉਹ ਪੂਰੇ ਸੀਜ਼ਨ ਲਈ ਟੀਮ ਤੋਂ ਬਾਹਰ ਹੋ ਗਏ ਹਨ। ਚੇਨਈ ਸੁਪਰ ਕਿੰਗਜ਼ ਦੇ ਸੀਈਓ ਕੇਐਸ ਵਿਸ਼ਵਨਾਥਨ ਨੇ ਸੋਸ਼ਲ ਮੀਡੀਆ ‘ਤੇ ਇਸ ਦੀ ਜਾਣਕਾਰੀ ਦਿੱਤੀ ਹੈ। ਉਹਨਾਂ ਕਿਹਾ ਕਿ ਇਸ ਸਮੇਂ ਵਿਚ ਟੀਮ ਉਹਨਾਂ ਦੇ ਪਰਿਵਾਰ ਨੂੰ ਪੂਰਾ ਸਮਰਥਨ ਦੇ ਰਹੀ ਹੈ।

Suresh Raina Suresh Raina

ਸੀਐਸਕੇ ਦੇ ਸੀਈਓ ਨੇ ਟਵਿਟਰ ‘ਤੇ ਲਿਖਿਆ, ‘ਸੁਰੇਸ਼ ਰੈਨਾ ਨਿੱਜੀ ਕਾਰਨਾਂ ਕਰਕੇ ਭਾਰਤ ਵਾਪਸ ਪਰਤ ਚੁੱਕੇ ਹਨ। ਉਹ ਪੂਰੇ ਸੀਜ਼ਨ ਲਈ ਟੀਮ ਤੋਂ ਬਾਹਰ ਹੋ ਗਏ ਹਨ। ਚੇਨਈ ਸੁਪਰ ਕਿੰਗਸ ਇਸ ਸਮੇਂ ਵਿਚ ਸੁਰੇਸ਼ ਅਤੇ ਉਹਨਾਂ ਦੇ ਪਰਿਵਾਰ ਨੂੰ ਪੂਰਾ ਸਮਰਥਨ ਦੇ ਰਹੀ ਹੈ’।

ਚੇਨਈ ਸੁਪਰ ਕਿੰਗਜ਼ ਦੇ ਇਕ ਮੈਂਬਰ ਨੂੰ ਦੁਬਈ ਪਹੁੰਚਣ ਤੋਂ ਬਾਅਦ ਹੀ ਕੋਰੋਨਾ ਪਾਜ਼ੇਟਿਵ ਪਾਇਆ ਗਿਆ ਸੀ, ਜਿਸ ਤੋਂ ਬਾਅਦ ਸ਼ੁੱਕਰਵਾਰ ਨੂੰ ਪੂਰੀ ਟੀਮ ਨੂੰ ਇਕਾਂਤਵਾਸ ਕਰ ਦਿੱਤਾ ਗਿਆ ਸੀ। ਟੀਮ ਦਾ ਇਕਾਂਤਵਾਸ ਸਮਾਂ ਇਕ ਹੋਰ ਹਫ਼ਤੇ ਲਈ ਵਧਾ ਦਿੱਤਾ ਗਿਆ ਹੈ। ਅਜਿਹੀਆਂ ਖ਼ਬਰਾਂ ਵੀ ਆ ਰਹੀਆਂ ਹਨ ਕਿ ਚੇਨਈ ਸੁਪਰ ਕਿੰਗਸ ਦੇ ਕੁੱਲ 11 ਮੈਂਬਰਾਂ ਨੂੰ ਕੋਰੋਨਾ ਵਾਇਰਸ ਹੋਇਆ ਹੈ, ਜਿਸ ਵਿਚ ਇਕ ਭਾਰਤੀ ਖਿਡਾਵੀ ਵੀ ਹੈ।

IPLIPL

ਦੱਸ ਦਈਏ ਕਿ ਚੇਨਈ ਸੁਪਰ ਕਿੰਗਸ ਦੀ ਟੀਮ 21 ਅਗਸਤ ਨੂੰ ਦੁਬਈ ਪਹੁੰਚੀ ਸੀ ਅਤੇ 6 ਦਿਨ ਦੇ ਇਕਾਂਤਵਾਸ ਵਿਚ ਸੁਰੇਸ਼ ਰੈਨਾ ਵੀ ਟੀਮ ਦੇ ਨਾਲ ਯੂਏਈ ਪਹੁੰਚੇ ਸਨ, ਜਿੱਥੇ ਬਾਕੀ ਟੀਮ ਇਕਾਂਤਵਾਸ ਵਿਚ ਹੈ ਤਾਂ ਉੱਥੇ ਹੀ ਸੁਰੇਸ਼ ਰੈਨਾ ਦੇਸ਼ ਵਾਪਸ ਪਰਤ ਆਏ ਹਨ।

Suresh RainaSuresh Raina

ਜ਼ਿਕਰਯੋਗ ਹੈ ਕਿ ਸੁਰੇਸ਼ ਰੈਨਾ ਨੇ ਇੰਸਟਾਗ੍ਰਾਮ ‘ਤੇ 15 ਅਗਸਤ ਨੂੰ ਇਕ ਪੋਸਟ ਸਾਂਝੀ ਕੀਤੀ ਸੀ, ਜਿਸ ਵਿਚ ਉਹਨਾਂ ਨੇ ਕਿਹਾ ਸੀ ਕਿ ਉਹ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਰਹੇ ਹਨ। ਸੁਰੇਸ਼ ਰੈਨਾ ਨੇ ਭਾਰਤ ਲਈ 18 ਟੈਸਟ ਮੈਚ ਅਤੇ 226 ਵਨਡੇ ਤੋਂ ਇਲਾਵਾ 78 ਟੀ-20 ਮੈਚ ਖੇਡੇ ਹਨ।

Location: India, Delhi, New Delhi
Advertisement
Advertisement

 

Advertisement
Advertisement