17 ਸਾਲ ਬਾਅਦ ਜਿੱਤਿਆ ਹਾਕੀ ਵਿਸ਼ਵ ਚੈਂਪੀਅਨ ਦਾ ਖ਼ਿਤਾਬ
ਭੁਵਨੇਸ਼ਵਰ: ਜਰਮਨੀ ਨੇ ਹਾਕੀ ਵਿਸ਼ਵ ਕੱਪ 2023 ਦਾ ਖਿਤਾਬ ਜਿੱਤ ਲਿਆ ਹੈ। ਟੀਮ ਨੇ ਭੁਵਨੇਸ਼ਵਰ ਦੇ ਕਲਿੰਗਾ ਸਟੇਡੀਅਮ 'ਚ ਖੇਡੇ ਗਏ ਫਾਈਨਲ 'ਚ ਬੈਲਜੀਅਮ ਨੂੰ ਪੈਨਲਟੀ ਸ਼ੂਟਆਊਟ 'ਚ 5-4 ਨਾਲ ਹਰਾਇਆ। ਦੋਵੇਂ ਟੀਮਾਂ 60 ਮਿੰਟ ਬਾਅਦ 3-3 ਨਾਲ ਬਰਾਬਰੀ 'ਤੇ ਸਨ, ਪਰ ਜਰਮਨੀ ਨੇ ਸ਼ੂਟਆਊਟ 5-4 ਨਾਲ ਜਿੱਤ ਲਿਆ। ਫਾਈਨਲ ਤੋਂ ਪਹਿਲਾਂ ਤੀਜੇ ਸਥਾਨ ਦਾ ਮੈਚ ਨੀਦਰਲੈਂਡ ਅਤੇ ਆਸਟਰੇਲੀਆ ਵਿਚਾਲੇ ਖੇਡਿਆ ਗਿਆ। ਨੀਦਰਲੈਂਡ ਨੇ ਇਹ ਮੈਚ 3-1 ਨਾਲ ਜਿੱਤ ਕੇ ਕਾਂਸੀ ਦਾ ਤਗਮਾ ਜਿੱਤਿਆ ਹੈ।
ਇਹ ਵੀ ਪੜ੍ਹੋ: ਬ੍ਰਿਟੇਨ ਵਿਚ ਕਰੀਬ ਚਾਰ ਮਹੀਨਿਆਂ ਤੋਂ ਲਾਪਤਾ ਪੰਜਾਬੀ ਦੀ ਲਾਸ਼ ਜੰਗਲਾਂ ’ਚੋਂ ਮਿਲੀ
ਬੈਲਜੀਅਮ ਦੇ ਵੈਨ ਔਬੇਲ ਫਲੋਰੇਂਟ ਨੇ ਮੈਚ ਦੀ ਸ਼ੁਰੂਆਤ ਦੇ 9ਵੇਂ ਮਿੰਟ 'ਚ ਗੋਲ ਕਰਕੇ ਟੀਮ ਨੂੰ ਬੜ੍ਹਤ ਦਿਵਾਈ। 10ਵੇਂ ਮਿੰਟ ਵਿਚ ਕੋਸੀਨਸ ਟਾਂਗੇ ਨੇ ਗੋਲ ਕਰਕੇ ਬੈਲਜੀਅਮ ਨੂੰ 2-0 ਦੀ ਬੜ੍ਹਤ ਦਿਵਾਈ। ਦੂਜੇ ਕੁਆਰਟਰ ਦੇ 28ਵੇਂ ਮਿੰਟ ਵਿਚ ਜਰਮਨੀ ਦੇ ਵੇਲੇਨ ਨਿਕਲਸ ਨੇ ਗੋਲ ਕਰਕੇ ਸਕੋਰ ਲਾਈਨ 2-1 ਕਰ ਦਿੱਤੀ।
ਇਹ ਵੀ ਪੜ੍ਹੋ: ਦਫ਼ਤਰ ’ਚ ਅਪਣਾਉ ਜ਼ਰੂਰੀ ਆਦਤਾਂ, ਦੂਰ ਰਹਿਣਗੀਆਂ ਦਿਲ ਦੀਆਂ ਬੀਮਾਰੀਆਂ
ਜਰਮਨੀ ਨੇ ਤੀਜੇ ਕੁਆਰਟਰ ਵਿਚ ਵਾਪਸੀ ਕਰਦੇ ਹੋਏ 40ਵੇਂ ਅਤੇ 47ਵੇਂ ਮਿੰਟ ਵਿਚ ਦੋ ਗੋਲ ਕੀਤੇ। ਜਰਮਨੀ ਲਈ ਪਾਇਲਟ ਗੋਂਜਾਲੋ ਅਤੇ ਗ੍ਰਾਂਬਸ ਮੈਟਸ ਨੇ ਗੋਲ ਕੀਤੇ। ਸਕੋਰ ਲਾਈਨ 3-2 ਹੋਣ ਤੋਂ ਬਾਅਦ ਬੈਲਜੀਅਮ ਦੇ ਬੂਨ ਟਾਮ ਨੇ ਆਖਰੀ ਕੁਆਰਟਰ ਦੇ 58ਵੇਂ ਮਿੰਟ ਵਿਚ ਗੋਲ ਕੀਤਾ। ਇਸ ਗੋਲ ਤੋਂ ਬਾਅਦ ਮੈਚ ਵਿਚ ਕੋਈ ਹੋਰ ਗੋਲ ਨਹੀਂ ਹੋ ਸਕਿਆ ਅਤੇ ਮੈਚ 3-3 ਦੀ ਸਕੋਰ ਲਾਈਨ ਨਾਲ ਡਰਾਅ ਵਿਚ ਸਮਾਪਤ ਹੋਇਆ। ਮੈਚ ਡਰਾਅ ਹੋਣ ਤੋਂ ਬਾਅਦ ਮੈਚ ਦਾ ਫੈਸਲਾ ਪੈਨਲਟੀ ਸ਼ੂਟਆਊਟ ਰਾਹੀਂ ਹੋਇਆ।
ਇਹ ਵੀ ਪੜ੍ਹੋ: ਰੋਜ਼ਾਨਾ ਵਰਤੋਂ ਲਈ ਘਰ ਵਿਚ ਹੀ ਉਗਾਉ ਹਰੀਆਂ ਸਬਜ਼ੀਆਂ
ਦੱਸ ਦੇਈਏ ਕਿ ਜਰਮਨੀ ਟੀਮ ਤੀਜੀ ਵਾਰ ਵਿਸ਼ਵ ਚੈਂਪੀਅਨ ਬਣੀ ਹੈ। ਇਸ ਦੇ ਨਾਲ ਹੀ ਬੈਲਜੀਅਮ ਆਪਣੇ ਖਿਤਾਬ ਦਾ ਬਚਾਅ ਨਹੀਂ ਕਰ ਸਕਿਆ। ਜਰਮਨੀ ਨੇ 2002 ਵਿਚ ਪਹਿਲੀ ਵਾਰ ਟਰਾਫੀ ਜਿੱਤੀ ਸੀ। ਟੀਮ ਨੇ 2006 ਵਿਚ ਆਪਣੇ ਖਿਤਾਬ ਦਾ ਸਫਲਤਾਪੂਰਵਕ ਬਚਾਅ ਕਰਨ ਤੋਂ ਬਾਅਦ ਹੁਣ 2023 ਵਿਚ ਤੀਜੀ ਵਾਰ ਖਿਤਾਬ ਜਿੱਤਿਆ ਹੈ। ਜਰਮਨੀ 2010 ਵਿਚ ਉਪ ਜੇਤੂ ਰਿਹਾ ਸੀ।
