ਸੈਂਚੁਰੀਅਨ : ਸਾਊਥ ਅਫਰੀਕਾ ਖਿਲਾਫ ਪਹਿਲੇ ਵਨਡੇ ਵਿਚ ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜੀ਼ ਦਾ ਫੈਸਲਾ ਲਿਆ। ਜੇਕਰ ਟੀਮ ਇੰਡੀਆ ਅੱਜ ਜਿੱਤਦੀ ਹੈ ਤਾਂ ਉਹ ਸਾਊਥ ਅਫਰੀਕਾ ਦੌਰੇ ਉੱਤੇ ਇੰਟਰਨੈਸ਼ਨਲ ਕ੍ਰਿਕਟ ਵਿਚ ਪਹਿਲੀ ਵਾਰ ਜਿੱਤ ਦੀ ਹੈਟਰਿਕ ਬਣਾ ਲਵੇਗੀ। ਭਾਰਤ ਨੇ ਪਹਿਲਾਂ ਜੋਹਾਨਸਬਰਗ ਟੈਸਟ ਵਿਚ ਅਤੇ ਫਿਰ ਡਰਬਨ ਵਿਚ ਹੋਏ ਵਨਡੇ ਵਿਚ ਅਫਰੀਕਾ ਨੂੰ ਹਰਾਇਆ ਹੈ।
ਦੱਸ ਦਈਏ ਕਿ ਸੈਂਚੁਰੀਅਨ ਗਰਾਊਂਡ ਉੱਤੇ ਪਿਛਲੇ 5 ਵਨਡੇ ਮੁਕਾਬਲਿਆਂ ਵਿਚ ਪਹਿਲੀ ਪਾਰੀ ਦਾ ਐਵਰੇਜ ਸਕੋਰ 332 ਦੌੜਾਂ ਰਿਹਾ ਹੈ। ਇੱਥੇ ਭਾਰਤ ਦਾ ਰਿਕਾਰਡ ਵੀ ਵਧੀਆ ਰਿਹਾ ਹੈ। ਏ.ਬੀ. ਡਿਵੀਲੀਅਰਸ ਪਹਿਲਾਂ ਤੋਂ ਜ਼ਖਮੀ ਹੋਣ ਦੀ ਵਜ੍ਹਾ ਨਾਲ ਬਾਹਰ ਸਨ। ਹੁਣ ਕਪਤਾਨ ਫਾਫ ਡੁ ਪਲੇਸਿਸ ਵੀ ਉਂਗਲੀ ਵਿਚ ਸੱਟ ਦੇ ਕਾਰਨ ਵਨਡੇ ਅਤੇ ਟੀ20 ਸੀਰੀਜ਼ ਤੋਂ ਬਾਹਰ ਹੋ ਗਏ ਹਨ।
ਅਜਿਹੇ 'ਚ ਏਡੇਨ ਮਾਰਕਰਮ ਨੂੰ ਸਾਊਥ ਅਫਰੀਕਾ ਦਾ ਕਪਤਾਨ ਬਣਾਇਆ ਗਿਆ ਹੈ। ਮਾਰਕਰਮ ਦੀ ਕਪਤਾਨੀ ਵਿਚ ਹੀ 4 ਸਾਲ ਪਹਿਲਾਂ ਸਾਊਥ ਅਫਰੀਕਾ ਅੰਡਰ-19 ਵਿਚ ਚੈਂਪੀਅਨ ਬਣਿਆ ਸੀ।
