ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਨੇ ਅਪਣੇ ਮੂਨ ਮਿਸ਼ਨ ਲਈ ਤਿੰਨ ਕੰਪਨੀਆਂ ਦੀ ਚੋਣ ਕੀਤੀ ਹੈ।
ਵਾਸ਼ਿੰਗਟਨ: ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਨੇ ਅਪਣੇ ਮੂਨ ਮਿਸ਼ਨ ਲਈ ਤਿੰਨ ਕੰਪਨੀਆਂ ਦੀ ਚੋਣ ਕੀਤੀ ਹੈ। ਇਹ ਕੰਪਨੀਆਂ ਚੰਦਰਮਾ ਤੱਕ ਐਸਟ੍ਰੋਨਾਟਸ ਪਹੁੰਚਣ ਅਤੇ ਵਾਪਸ ਲਿਆਉਣ ਵਾਲੇ ਸਪੇਸ ਕ੍ਰਾਫਟ ਬਣਾਉਣਗੀਆਂ। ਨਾਸਾ 2024 ਵਿਚ ਚੰਦ ਦੀ ਸਹਤ 'ਤੇ ਇਕ ਮਹਿਲਾ ਅਤੇ ਇਕ ਪੁਰਸ਼ ਨੂੰ ਉਤਾਰੇਗਾ।
Photo
ਚੰਦ 'ਤੇ ਉਤਰਣ ਲਈ ਨਾਸਾ ਨੇ ਲੈਂਡਿੰਗ ਸਿਸਟਮ ਬਣਾਉਣ ਲਈ ਤਿੰਨ ਅਮਰੀਕੀ ਪੁਲਾੜ ਕੰਪਨੀਆਂ ਨੂੰ ਚੁਣਿਆ ਹੈ। ਇਹਨਾਂ ਕੰਪਨੀਆਂ ਦੇ ਨਾਂਅ ਹਨ ਸਪੇਸ ਐਕਸ, ਬਲੂ ਓਰਿਜਿਨ ਅਤੇ ਡਾਇਨੇਟਿਕਸ। ਇਹਨਾਂ ਵਿਚ ਸਪੇਸ ਐਕਸ ਦੇ ਮਾਲਕ ਅਰਬਪਤੀ ਐਲਨ ਮਸਕ ਅਤੇ ਬਲੁ ਓਰਿਜਿਨ ਦੇ ਮਾਲਕ ਜੇਫ ਬੇਜੋਸ ਹਨ।
Photo
ਤਿੰਨੇ ਕੰਪਨੀਆਂ ਨਾਸਾ ਦੇ ਨਾਲ ਮਿਲ ਕੇ ਅਪਣੇ-ਅਪਣੇ ਲੈਂਡਿੰਗ ਸਿਸਟਮ ਨੂੰ ਡਿਜ਼ਾਇਨ ਅਤੇ ਵਿਕਸਿਤ ਕਰਨਗੀਆਂ। ਇਹਨਾਂ ਲੈਂਡਿੰਸ ਸਿਸਟਮ ਦੇ ਜ਼ਰੀਏ ਨਾਸਾ ਅਪਣੇ ਐਸਟ੍ਰੋਨਾਟਸ ਨੂੰ ਚੰਦ ਦੀ ਸਤਹ 'ਤੇ ਉਤਾਰੇਗਾ। ਸ਼ੁਰੂਆਤੀ ਡਿਜ਼ਾਇਨ ਵਿਕਾਸ ਕਾਰਜ ਲਈ ਨਾਸਾ ਤਿੰਨ ਕੰਪਨੀਆਂ ਨੂੰ ਇਕ ਅਰਬ ਡਾਲਰ ਯਾਨੀ 7577 ਕਰੋੜ ਰੁਪਏ ਦੇਵੇਗੀ।
Photo
ਤਿੰਨੇ ਕੰਪਨੀਆਂ ਨੂੰ ਦਸ ਮਹੀਨੇ ਵਿਚ ਅਪਣੇ ਸ਼ੁਰੂਆਤੀ ਡਿਜ਼ਾਇਨ ਬਣਾ ਕੇ ਪੂਰੇ ਕਰਨੇ ਹੋਣਗੇ। ਨਾਸਾ ਦੇ ਪ੍ਰਬੰਧਕ ਜਿਮ ਬ੍ਰਿਡੇਨਸਟਾਈਨ ਨੇ ਕਿਹਾ ਕਿ ਤਿੰਨ ਕੰਪਨੀਆਂ ਨਾਲ ਹੋਏ ਸਮਝੌਤੇ ਅਨੁਸਾਰ ਅਸੀਂ ਪਹਿਲੀ ਵਾਰ ਇਕ ਔਰਤ ਅਤੇ ਇਕ ਆਦਮੀ ਨੂੰ ਚੰਦਰਮਾ 'ਤੇ ਭੇਜ ਰਹੇ ਹਾਂ। ਕੰਪਨੀਆਂ ਨੂੰ ਉਹਨਾਂ ਦੇ ਆਉਣ-ਜਾਣ ਦਾ ਪੂਰਾ ਧਿਆਨ ਰੱਖਣਾ ਹੋਵੇਗਾ। ਅਜਿਹਾ ਵਾਹਨ ਬਣਾਉਣਾ ਹੋਵੇਗਾ ਜੋ ਅਸਾਨੀ ਨਾਲ ਚੱਲੇ ਅਤੇ ਸੁਰੱਖਿਅਤ ਹੋਵੇ।
NASA
ਜਿਮ ਨੇ ਦੱਸਿਆ ਕਿ ਅਪੋਲੋ ਯੁੱਗ ਤੋਂ ਬਾਅਦ ਇਹ ਪਹਿਲਾ ਮੌਕਾ ਹੈ ਜਦੋਂ ਨਾਸਾ ਕੋਲ ਮਨੁੱਖੀ ਲੈਂਡਿੰਗ ਸਿਸਟਮ ਲਈ ਕਾਫ਼ੀ ਫੰਡ ਹੈ। ਹੁਣ ਸਾਡੇ ਕੋਲ ਕਈ ਨਿੱਜੀ ਅਤੇ ਸਰਕਾਰੀ ਕੰਪਨੀਆਂ ਨਾਲ ਆਰਟਮਿਸ ਮਿਸ਼ਨ ਵਿਚ ਕੰਮ ਕਰਨ ਲਈ ਸਮਝੌਤੇ ਹਨ।
Photo
ਨਾਸਾ ਦੇ ਮਨੁੱਖੀ ਖੋਜ ਅਤੇ ਸੰਚਾਲਨ ਮਿਸ਼ਨ ਦੇ ਡਾਇਰੈਕਟੋਰੇਟ ਡਾਸਲਸ ਲੋਵਾਰੋ ਨੇ ਕਿਹਾ ਕਿ ਅਸੀਂ ਸਹੀ ਰਸਤੇ ਤੇ ਹਾਂ। ਅਸੀਂ ਦੇਸ਼ ਦੇ ਟੀਚਿਆਂ ਨੂੰ ਪੂਰਾ ਕਰਨ ਲਈ ਸਰਬੋਤਮ ਕੰਪਨੀਆਂ ਨਾਲ ਸਾਂਝੇਦਾਰੀ ਕਰ ਰਹੇ ਹਾਂ। ਸਾਡੇ ਕੋਲ ਆਉਣ ਵਾਲੇ 10 ਮਹੀਨਿਆਂ ਵਿਚ ਬਹੁਤ ਸਾਰਾ ਕੰਮ ਹੈ।
