ਪੜ੍ਹੇ ਲਿਖੇ ਕੋਂਤੇ ਨੂੰ ਰਾਜਨੀਤੀ ਦਾ ਕੋਈ ਖ਼ਾਸ ਤਜ਼ਰਬਾ ਨਹੀਂ ਹੈ
ਰੋਮ: ਜਿਊਸੇਪੀ ਕੋਂਤੇ ਨੇ ਅੱਜ ਇਟਲੀ ਦੇ ਪ੍ਰਧਾਨ ਮੰਤਰੀ ਦੇ ਰੂਪ ਵਿਚ ਸਹੁੰ ਚੁੱਕੀ। ਆਖਰੀ ਸਮੇਂ 'ਚ ਗਠਜੋੜ ਸਰਕਾਰ ਦੀ ਜ਼ਮੀਨ ਤਿਆਰ ਹੋਣ ਤੋਂ ਬਾਅਦ ਕੋਂਤੇ ਨੇ ਦੇਸ਼ ਦੀ ਕਮਾਨ ਸੰਭਾਲੀ, ਜਿਸ ਦੇ ਨਾਲ ਮਹੀਨਿਆਂ ਤੋਂ ਜਾਰੀ ਰਾਜਨੀਤਕ ਵਿਰੋਧ ਦਾ ਖਾਤਮਾ ਹੋ ਗਿਆ। ਨਵੀਂ ਸਰਕਾਰ ਦੇ ਬਣਨ ਨਾਲ ਦੁਬਾਰਾ ਚੋਣ ਕਰਾਉਣ ਤੋਂ ਬਚਿਆ ਗਿਆ। ਪੜ੍ਹੇ ਲਿਖੇ ਕੋਂਤੇ ਨੂੰ ਰਾਜਨੀਤੀ ਦਾ ਕੋਈ ਖ਼ਾਸ ਤਜ਼ਰਬਾ ਨਹੀਂ ਹੈ ਅਤੇ ਉਹ ਉਸ ਸਰਕਾਰ ਦੀ ਅਗਵਾਈ ਕਰਣਗੇ ਜਿਸ ਵਿਚ ਸੱਤਾ ਵਿਰੋਧੀ ਰਾਜਨੀਤਕ ਦਲ ‘ ਫਾਇਵ ਸਟਾਰ ਮੂਵਮੇਂਟ ’ (ਐਮ 5 ਐਸ) ਅਤੇ ਘੋਰ ਖੱਬੇ ਪੱਖੀ ਦਲ ‘ ਲੀਗ ਪਾਰਟੀ ’ ਦੇ ਨੇਤਾ ਮੰਤਰੀ ਹੋਣਗੇ। ਯੂਰੋਪੀਅਨ ਯੂਨੀਅਨ ਦੇ ਕਿਸੇ ਸੰਸਥਾਪਕ ਮੈਂਬਰ ਦੇਸ਼ ਵਿਚ ਪਹਿਲੀ ਲੋਕ ਲੁਭਾਊ ਸਰਕਾਰ ਦੇ ਗਠਨ ਨਾਲ ਯੂਰੋਪ ਦੇ ਕੁੱਝ ਹਲਕਿਆਂ ਵਿਚ ਚਿੰਤਾਵਾਂ ਹਾਂ। ਹਫਤਿਆਂ ਤੋਂ ਜਾਰੀ ਰਾਜਨੀਤਕ ਉਥਲ-ਪੁਥਲ ਤੋਂ ਬਾਅਦ ਰਾਸ਼ਟਰਪਤੀ ਸਿਰਗਿਓ ਮਤਾਰੇਲਾ ਨੇ ਦੂਜੀ ਵਾਰ ਪ੍ਰਧਾਨ ਮੰਤਰੀ ਅਹੁਦੇ ਲਈ ਕੋਂਟੇ ਦਾ ਨਾਂ ਲਿਆ ਅਤੇ ਉਨ੍ਹਾਂ ਦੇ ਮੰਤਰੀ ਮੰਡਲ ਨੂੰ ਮਨਜ਼ੂਰੀ ਦਿਤੀ। (ਏਜੰਸੀ)
