ਆਕਸਫੋਰਡ ਯੂਨੀਵਰਸਿਟੀ ਦੇ ਸੋਸ਼ਲ ਮੀਡੀਆ ਮਾਹਿਰਾਂ ਨੇ ਅਮਰੀਕੀ ਸੰਸਦਾਂ ਦੇ ਸਾਹਮਣੇ ਦਾਅਵਾ ਕੀਤਾ ਹੈ
ਵਾਸ਼ਿੰਗਟਨ, ਆਕਸਫੋਰਡ ਯੂਨੀਵਰਸਿਟੀ ਦੇ ਸੋਸ਼ਲ ਮੀਡੀਆ ਮਾਹਿਰਾਂ ਨੇ ਅਮਰੀਕੀ ਸੰਸਦਾਂ ਦੇ ਸਾਹਮਣੇ ਦਾਅਵਾ ਕੀਤਾ ਹੈ ਕਿ ਭਾਰਤ ਅਤੇ ਬ੍ਰਾਜ਼ੀਲ ਵਰਗੇ ਦੇਸ਼ਾਂ ਦੀਆਂ ਚੋਣਾਂ ਵਿਚ ਦਖ਼ਲਅੰਦਾਜ਼ੀ ਕਰਨ ਲਈ ਰੂਸ ਉੱਥੇ ਦੀ ਮੀਡੀਆ ਨੂੰ ਨਿਸ਼ਾਨਾ ਬਣਾ ਸਕਦਾ ਹੈ। ਆਕਸਫੋਰਡ ਯੂਨੀਵਰਸਿਟੀ ਦੇ ਆਕਸਫੋਰਡ ਇੰਟਰਨੇਟ ਇੰਸਟੀਚਿਊਟ ਐਂਡ ਬੇਲਯੋਲ ਕਾਲਜ ਵਿਚ ਪ੍ਰੋਫੈਸਰ ਫਿਲਿਪ ਐਨ. ਹੋਵਰਡ ਨੇ ਸੋਸ਼ਲ ਮੀਡੀਆ ਮੰਚ 'ਤੇ ਵਿਦੇਸ਼ੀ ਪ੍ਰਭਾਵ ਦੇ ਮਾਮਲਿਆਂ ਉੱਤੇ ਸੀਨੇਟ ਦੀ ਖ਼ੁਫ਼ੀਆ ਕਮੇਟੀ ਦੀ ਸੁਣਵਾਈ ਵਿਚ ਇਹ ਗੱਲ ਕਹੀ। ਹਾਲਾਂਕਿ, ਹੋਵਰਡ ਨੇ ਆਪਣੇ ਦੋਸ਼ਾਂ ਦੇ ਬਾਰੇ ਹੋਰ ਜ਼ਿਆਦਾ ਜਾਣਕਾਰੀ ਨਹੀਂ ਦਿੱਤੀ।
Vladimir Putinਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਦੇਸ਼ਾਂ ਵਿਚ ਹਾਲਾਤ ਹੋਰ ਜ਼ਿਆਦਾ ਖਤਰਨਾਕ ਹੋ ਸਕਦੇ ਹਨ ਜਿੱਥੇ ਮੀਡੀਆ ਅਮਰੀਕਾ ਜਿੰਨਾ ਪੇਸ਼ੇਵਰ ਨਹੀਂ ਹੈ। ਸੀਨੇਟਰ ਸੁਸਨ ਕੋਲਿੰਸ ਦੇ ਇੱਕ ਸਵਾਲ ਦੇ ਜਵਾਬ ਵਿਚ ਹੋਵਰਡ ਨੇ ਇਹ ਗੱਲ ਕਹੀ। ਉਨ੍ਹਾਂ ਨੇ ਭਾਰਤ ਅਤੇ ਬ੍ਰਾਜ਼ੀਲ ਦੀਆਂ ਚੋਣਾਂ ਵਿਚ ਮੀਡੀਆ ਦੇ ਜ਼ਰੀਏ ਦਖ਼ਲ ਅੰਦਾਜ਼ੀ ਦੀ ਸੰਭਾਵਨਾ ਦਾ ਜ਼ਿਕਰ ਕੀਤਾ। ਹਾਲਾਂਕਿ, ਇਸ ਬਾਰੇ ਅਜੇ ਹੋਰ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਇਸ ਤੋਂ ਪਹਿਲਾਂ ਹੰਗਰੀ ਦੀ ਮੀਡਿਆ ਵਿਚ ਇਸ ਤਰ੍ਹਾਂ ਦੀ ਦਖ਼ਲਅੰਦਾਜ਼ੀ ਦੇ ਕੁੱਝ ਉਦਾਹਰਣ ਵੀ ਦਿੱਤੇ ਗਏ।
Brazilਹੋਵਰਡ ਨੇ ਕਿਹਾ ਕਿ ਦੁਨੀਆ ਵਿਚ ਸਭ ਤੋਂ ਜ਼ਿਆਦਾ ਪੇਸ਼ੇਵਰ ਮੀਡੀਆ ਅਮਰੀਕਾ ਵਿਚ ਹੈ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਕਹਿ ਸਕਦਾ ਹਾਂ ਕਿ ਸਾਡੇ ਸਾਥੀ ਦੇਸ਼ਾਂ ਵਿਚ ਜ਼ਿਆਦਾ ਪਰੇਸ਼ਾਨੀਆਂ ਹੋ ਸਕਦੀਆਂ ਹਨ। ਉਨ੍ਹਾਂ ਕਿਹਾ ਕਿ ਮੇਰਾ ਮੰਨਣਾ ਹੈ ਕਿ ਰੂਸ ਸਾਨੂ ਨਿਸ਼ਾਨਾ ਬਣਾਉਣ ਨਾਲ ਅੱਗੇ ਵੱਧਦਾ ਹੋਇਆ ਬ੍ਰਾਜ਼ੀਲ, ਭਾਰਤ ਵਰਗੇ ਹੋਰ ਲੋਕਤੰਤਰਾਂ ਨੂੰ ਨਿਸ਼ਾਨਾ ਬਣਾ ਸਕਦਾ ਹੈ, ਜਿੱਥੇ ਅਗਲੇ ਕੁੱਝ ਵਰ੍ਹਿਆਂ ਵਿਚ ਚੋਣਾਂ ਹੋਣ ਵਾਲਿਆਂ ਹਨ। ਹੋਵਰਡ ਨੇ ਕਿਹਾ ਕਿ ਅਸੀ ਮਹੱਤਵਪੂਰਣ ਰੂਸੀ ਗਤੀਵਿਧੀਆਂ ਦੇਖ ਰਹੇ ਹਾਂ, ਇਸ ਲਈ ਉਨ੍ਹਾਂ ਦੇਸ਼ਾਂ ਦੀਆਂ ਮੀਡੀਆ ਸੰਸਥਾਵਾਂ ਨੂੰ ਸਿੱਖਣ ਅਤੇ ਵਿਕਸਿਤ ਹੋਣ ਦੀ ਜ਼ਰੂਰਤ ਹੈ।
P.M Narinder modiਸੀਨੇਟ ਕਮੇਟੀ ਨੇ 2016 ਦੀਆਂ ਰੂਸੀ ਚੋਣਾਂ ਵਿਚ ਕਥਿਤ ਰੂਸੀ ਦਖ਼ਲ ਅੰਦਾਜ਼ੀ ਉੱਤੇ ਧਿਆਨ ਕੇਂਦਰਿਤ ਕਰਦੇ ਹੋਏ ਸੋਸ਼ਲ ਮੀਡੀਆ 'ਤੇ ਵਿਦੇਸ਼ੀ ਪ੍ਰਭਾਵ ਉੱਤੇ ਸੁਣਵਾਈ ਕੀਤੀ। ਧਿਆਨਦੇਣ ਯੋਗ ਹੈ ਕਿ ਜਨਵਰੀ 2017 ਦੇ ਅੰਕੜਿਆਂ ਅਨੁਸਾਰ ਸਿਖਰ ਅਮਰੀਕੀ ਖ਼ੁਫ਼ੀਆ ਏਜੰਸੀਆਂ ਇਸ ਸਿੱਟੇ ਉੱਤੇ ਪਹੁੰਚੀਆਂ ਸਨ ਕਿ ਰੂਸ ਨੇ 2016 ਦੀ ਅਮਰੀਕੀ ਰਾਸ਼ਟਰਪਤੀ ਚੋਣ ਵਿਚ ਦਖ਼ਲਅੰਦਾਜ਼ੀ ਕੀਤੀ ਸੀ।
