ਇਸ ਕਦਮ ਦੀ ਲੋਕਾਂ ਅਤੇ ਸ਼ੋਸ਼ਲ ਮੀਡੀਆ 'ਚ ਹੋ ਰਹੀ ਸ਼ਲਾਘਾ
ਵਾਸ਼ਿੰਗਟਨ: ਅਫ਼ਰੀਕੀ-ਅਮਰੀਕੀ ਵਿਅਕਤੀ ਜਾਰਜ ਫਲਾਇਡ ਦੇ ਕਤਲ ਦੇ ਦੋਸ਼ ਵਿਚ ਚੱਲ ਰਹੇ ਹਿੰਸਕ ਪ੍ਰਦਰਸ਼ਨਾਂ ਦੌਰਾਨ ਇਕ ਭਾਰਤੀ-ਅਮਰੀਕੀ ਨੇ 70 ਤੋਂ ਜ਼ਿਆਦਾ ਪ੍ਰਦਰਸ਼ਨਕਾਰੀਆਂ ਨੂੰ ਪਨਾਹ ਦੇ ਕੇ ਲੋਕਾਂ ਦਾ ਦਿਲ ਜਿੱਤ ਲਿਆ ਹੈ। ਵਾਸ਼ਿੰਗਟਨ ਡੀ.ਸੀ. ਦੇ ਰਹਿਣ ਵਾਲੇ ਰਾਹੁਲ ਦੁਬੇ ਨੇ ਅਜਿਹੇ ਹੀ ਕਈ ਪ੍ਰਦਰਸ਼ਨਕਾਰੀਆਂ ਨੂੰ ਅਪਣੇ ਘਰ ਵਿਚ ਪਨਾਹ ਦਿਤੀ।
File
ਐਸਕਵਾਇਰ ਪਤ੍ਰਿਕਾ ਨੂੰ ਦਿਤੇ ਇਕ ਇੰਟਰਵਿਊ 'ਚ 44 ਸਾਲ ਦੇ ਰਾਹੁਲ ਨੇ ਕਿਹਾ ਕਰੀਬ 75 ਲੋਕ ਮੇਰੇ ਘਰ ਵਿਚ ਸਨ। ਉਨ੍ਹਾਂ ਨੂੰ ਇਕ ਸੋਫੇ ਜਿੰਨੀ ਹੀ ਜਗ੍ਹਾ ਮਿਲ ਰਹੀ ਸੀ। ਇਥੋ ਤਕ ਕਿ ਬਾਥਟਬ ਵਿਚ ਵੀ ਲੋਕ ਸਨ ਪਰ ਕੋਈ ਵੀ ਕਿਸੇ ਗੱਲ ਦੀ ਸ਼ਿਕਾਇਤ ਨਹੀਂ ਕਰ ਰਿਹਾ ਸੀ।
File
ਉਹ ਸੁਰੱਖਿਅਤ ਸਨ ਅਤੇ ਉਹ ਇਕ-ਦੂਜੇ ਨੂੰ ਸਹਾਰਾ ਦੇ ਰਹੇ ਸਨ। ਰਾਹੁਲ ਸੋਮਵਾਰ ਨੂੰ ਹੋਏ ਪ੍ਰਦਰਸ਼ਨ ਦੇ ਬਾਅਦ ਹੀ ਚਰਚਾ ਵਿਚ ਆ ਗਏ ਅਤੇ ਉਨ੍ਹਾਂ ਦੇ ਇਸ ਕਦਮ ਲਈ ਸੋਸ਼ਲ ਮੀਡੀਆ 'ਤੇ ਵੀ ਉਨ੍ਹਾਂ ਦੀ ਕਾਫ਼ੀ ਸ਼ਲਾਘਾ ਕੀਤੀ ਗਈ।
File
ਇਕ ਕਾਰਜਕਰਤਾ ਨੇ ਟਵੀਟ ਕੀਤਾ, ''ਰਾਹੁਲ ਨੇ ਕੱਲ ਰਾਤ ਸਾਡੀ ਜਾਨ ਬਚਾਈ। ਇਕ ਹੋਰ ਪ੍ਰਦਰਸ਼ਨਕਾਰੀ ਏਲੀਸਨ ਲੇਨ ਨੇ ਲਿਖਿਆ, 'ਪੇਪਰ ਸਪ੍ਰੇ ਨਾਲ ਪੁਲਿਸ ਨੇ ਮੈਨੂੰ ਜ਼ਖ਼ਮੀ ਕਰ ਦਿਤਾ ਸੀ,
File
ਉਸ ਦੇ ਬਾਅਦ ਮੈਂ ਹੁਣ ਡੀ.ਸੀ. ਵਿਚ ਇਕ ਘਰ ਵਿਚ ਹਾਂ। ਰਾਹੁਲ ਦੁਬੇ ਨੇ 'ਬਜਫੀਡ ਨਿਊਜ ਨੂੰ ਕਿਹਾ,' ਜੇਕਰ ਤੁਸੀਂ ਵੇਖਿਆ ਹੁੰਦਾ ਕਿ ਮੇਰੀਆਂ ਅੱਖਾਂ ਦੇ ਸਾਹਮਣੇ ਕੀ ਹੋ ਰਿਹਾ ਸੀ... ਕੋਈ ਵਿਕਲਪ ਹੀ ਨਹੀਂ ਬਚਿਆ ਸੀ।
File
ਲੋਕਾਂ 'ਤੇ ਪੇਪਰ ਸਪ੍ਰੇ ਕੀਤਾ ਜਾ ਰਿਹਾ ਸੀ ਅਤੇ ਉਨ੍ਹਾਂ ਨੂੰ ਕੁੱਟਿਆ ਜਾ ਰਿਹਾ ਸੀ।'' 'ਡਬਲਯੂ.ਜੇ.ਐਨ.ਏ.' ਨੇ ਦੁਬੇ ਦੇ ਹਵਾਲੇ ਤੋਂ ਕਿਹਾ , ''ਮੈਂ ਉਂਮੀਦ ਕਰਦਾ ਹਾਂ ਕਿ ਮੇਰਾ 13 ਸਾਲ ਦਾ ਪੁੱਤਰ ਇਨ੍ਹਾਂ ਦੀ ਤਰ੍ਹਾਂ ਇਕ ਕਮਾਲ ਦਾ ਇਨਸਾਨ ਬਣੇ।''
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
