ਘਰ ਬਣਾਉਣਾ ਅਤੇ ਉਸਨੂੰ ਸਜਾਉਣਾ ਦੋਵੇਂ ਹੀ ਬਹੁਤ ਮੁਸ਼ਕਿਲ ਕੰਮ ਹੈ। ਜ਼ਿੰਦਗੀ ਬੀਤ ਜਾਂਦੀ ਹੈ ਇੱਕ ਘਰ ਬਣਾਉਣ ਵਿੱਚ ਪਰ ਜਦੋਂ ਉਹ ਬਣਕੇ ਤਿਆਰ...
ਟੈਕਸਾਸ : ਘਰ ਬਣਾਉਣਾ ਅਤੇ ਉਸਨੂੰ ਸਜਾਉਣਾ ਦੋਵੇਂ ਹੀ ਬਹੁਤ ਮੁਸ਼ਕਿਲ ਕੰਮ ਹੈ। ਜ਼ਿੰਦਗੀ ਬੀਤ ਜਾਂਦੀ ਹੈ ਇੱਕ ਘਰ ਬਣਾਉਣ ਵਿੱਚ ਪਰ ਜਦੋਂ ਉਹ ਬਣਕੇ ਤਿਆਰ ਹੋ ਜਾਂਦਾ ਹੈ ਤਾਂ ਅਸੀ ਮਾਣ ਨਾਲ ਕਹਿੰਦੇ ਹਾਂ ਕਿ ਇਹ ਸਾਡੇ ਸੁਪਨਿਆਂ ਦਾ ਘਰ ਹੈ। ਟੈਕਸਾਸ ਦੇ ਹਿਊਸਟਨ ਸ਼ਹਿਰ 'ਚ ਰਹਿਣ ਵਾਲੇ ਇੱਕ ਵਿਅਕਤੀ ਨੇ ਸ਼ਿਪਿੰਗ ਕੰਟੇਨਰ ਨਾਲ ਆਪਣੇ ਸੁਪਨਿਆਂ ਦਾ ਘਰ ਬਣਾਇਆ ਹੈ।
ਇਹ ਘਰ ਬਾਹਰੋਂ ਤਾਂ ਲੋਹੇ ਦੇ ਵੱਡੇ-ਵੱਡੇ ਬਕਸਿਆਂ ਵਰਗਾ ਦਿਖਾਈ ਤਾਂ ਜ਼ਰੂਰ ਦਿੰਦਾ ਹੈ ਪਰ ਇਸ ਦੇ ਅੰਦਰ ਹਰ ਤਰ੍ਹਾਂ ਦੀਆਂ ਸੁਵਿਧਾਵਾਂ ਮੌਜੂਦ ਹਨ। ਵਿਲ ਬਰਿਔਕਸ (Will Breaux) ਨਾਮ ਦਾ ਵਿਅਕਤੀ ਇਸ ਘਰ ਦਾ ਮਾਲਕ ਹੈ। ਉਨ੍ਹਾਂ ਨੇ ਹਿਊਸਟਨ ਸ਼ਹਿਰ ਦੇ ਮੈਕਗੋਵਨ ਸਟਰੀਟ 'ਤੇ 11 ਸ਼ਿਪਿੰਗ ਕੰਟੇਨਰਾਂ ਨਾਲ ਤਿੰਨ ਮੰਜ਼ਿਲਾ ਘਰ ਬਣਾਇਆ ਹੈ। ਖਾਸ ਗੱਲ ਇਹ ਹੈ ਕਿ 2,500 ਸਕੁਏਅਰ ਫੁੱਟ ਵਿੱਚ ਬਣੇ ਇਸ ਘਰ ‘ਤੇ ਤਪਸ਼, ਤੂਫਾਨ ਤੇ ਪਾਣੀ ਦਾ ਵੀ ਕੁੱਝ ਅਸਰ ਨਹੀਂ ਹੁੰਦਾ।
ਮੀਡੀਆ ਰਿਪੋਰਟਾਂ ਮੁਤਾਬਕ ਵਿਲ ਨੇ ਸਾਲ 2000 ਵਿੱਚ ਇਹ ਅਨੋਖਾ ਘਰ ਬਣਾਉਣ ਬਾਰੇ ਵਿੱਚ ਸੋਚਿਆ ਸੀ ਪਰ ਇਸ ਵਿੱਚ ਉਨ੍ਹਾਂ ਨੂੰ ਕਾਫ਼ੀ ਸਮਾਂ ਲੱਗਿਆ। ਹਾਲਾਂਕਿ ਉਹ ਸਭ ਤੋਂ ਅਨੋਖਾ ਘਰ ਬਣਾਉਣਾ ਚਾਹੁੰਦੇ ਸਨ ਇਸ ਲਈ ਉਨ੍ਹਾਂ ਨੇ ਇਸ ਦੇ ਲਈ ਡਿਜ਼ਾਈਨਰ ਦੀ ਭਾਲ ਕੀਤੀ ਪਰ ਜਦੋਂ ਕੋਈ ਡਿਜ਼ਾਈਨਰ ਨਹੀਂ ਮਿਲਿਆ ਤਾਂ ਸਾਲ 2011 ਵਿੱਚ ਉਸ ਨੇ ਆਪਣੇ ਆਪ ਹੀ ਇਸ ਘਰ ਨੂੰ ਬਣਾਉਣ ਦਾ ਫੈਸਲਾ ਲੈ ਲਿਆ।
ਵਿਲ ਨੇ ਇਸ ਘਰ ਨੂੰ ਬਣਾਉਣ ਤੋਂ ਪਹਿਲਾਂ ਇੱਕ 3-ਡੀ ਸਕੈਚ ਤਿਆਰ ਕੀਤਾ ਉਸ ਤੋਂ ਬਾਅਦ ਇਸ ਨੂੰ ਬਣਾਉਣ ਵਿੱਚ ਲਗ ਗਿਆ। ਅਸਲ ‘ਚ ਸ਼ਿਪਿੰਗ ਕੰਟੇਨਰ ਨਾਲ ਘਰ ਬਣਾਉਣ ਦੇ ਪਿੱਛੇ ਵਿਲ ਦਾ ਮਕਸਦ ਇੱਕ ਮਜਬੂਤ ਘਰ ਬਣਾਉਣ ਦਾ ਸੀ ਜਿਹੜਾ ਕਿ ਕਈ ਸਾਲਾਂ ਤੱਕ ਬਿਨਾਂ ਕਿਸੇ ਨੁਕਸਾਨ ਦੇ ਟਿਕਿਆ ਰਹੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।