ਨਵੇਂ ਸਾਲ ਮੌਕੇ ਭਾਰਤ 'ਚ ਪੈਦਾ ਹੋਏ 60000 ਬੱਚੇ...
ਸੰਯੁਕਤ ਰਾਸ਼ਟਰ: ਸੰਯੁਕਤ ਰਾਸ਼ਟਰ ਦੀ ਬਾਲ ਸੰਸਥਾ ਯੂਨੀਸੇਫ਼ (UNICEF) ਦੇ ਅਨੁਸਾਰ, ਨਵੇਂ ਸਾਲ ‘ਤੇ ਦੁਨੀਆ ਭਰ ‘ਚ 3,71,500 ਤੋਂ ਵੱਧ ਬੱਚਿਆ ਦਾ ਜਨਮ ਹੋਇਆ ਅਤੇ ਇਨ੍ਹਾਂ ਵਿਚ ਸਭ ਤੋਂ ਵੱਧ ਲਗਪਗ 60,000 ਬੱਚਿਆਂ ਦਾ ਜਨਮ ਭਾਰਤ ਵਿਚ ਹੋਇਆ ਹੈ। ਯੂਨੀਸੇਫ਼ ਨੇ ਕਿਹਾ ਕਿ ਦੁਨੀਆ ਭਰ ਵਿਚ ਨਵੇਂ ਸਾਲ ਦੇ ਪਹਿਲੇ ਦਿਨ 3,71,504 ਬੱਚਿਆਂ ਦਾ ਜਨਮ ਹੋਇਆ ਹੈ।
BABY
2021 ਦੇ ਪਹਿਲੇ ਬੱਚੇ ਦਾ ਜਨਮ ਫਿਜੀ ਵਿਚ ਅਤੇ ਆਖਰੀ ਬੱਚੇ ਦਾ ਜਨਮ ਅਮਰੀਕਾ ਵਿਚ ਹੋਇਆ। ਯੂਨੀਸੇਫ਼ ਨੇ ਕਿਹਾ ਕਿ ਪੂਰੀ ਦੁਨੀਆ ਵਿਚ ਜਨਮੇ ਬੱਚਿਆਂ ਦੀ ਲਗਪਗ ਅੱਧੀ ਸੰਖਿਆ 10 ਦੇਸ਼ਾਂ – ਭਾਰਤ (59,995), ਚੀਨ (35,615), ਨਾਈਜੀਰੀਆ (21,439), ਪਾਕਿਸਤਾਨ (14,161), ਇੰਡੋਨੇਸ਼ੀਆ (12,336), ਇਥੋਪੀਆ (12,006), ਅਮਰੀਕਾ (10312), ਮਿਸਰ (9,455), ਬੰਗਲਾਦੇਸ਼ (9,236), ਕਾਂਗੋ ਗਣਰਾਜ (8,640) ਵਿਚ ਹੈ।
Unicef
ਸੰਯੁਕਤ ਰਾਸ਼ਟਰ ਏਜੰਸੀ ਨੇ ਕਿਹਾ ਕਿ 2021 ਵਿਚ 1.40 ਕਰੋੜ ਬੱਚਿਆਂ ਦੇ ਪੈਦਾ ਹੋਣ ਦਾ ਅੰਦਾਜ਼ਾ ਹੈ ਅਤੇ ਉਨ੍ਹਾਂ ਦੀ ਔਸਤ ਉਮਰ 84 ਸਾਲ ਹੋਣ ਦੀ ਸੰਭਾਵਨਾ ਹੈ। ਯੂਨੀਸੇਫ਼ ਦੀ ਡਾਇਰੈਕਟਰ ਹੇਨਰੀਟਾ ਫੌਰ ਨੇ ਸਾਰੇ ਦੇਸ਼ਾਂ ਤੋਂ 2021 ਨੂੰ ਬੱਚਿਆਂ ਦੇ ਲਿਹਾਜ ਦੇ ਭੇਦਭਾਵ ਰਹਿਤ, ਸੁਰੱਖਿਅਤ ਅਤੇ ਸਿਹਤਮੰਦ ਸਾਲ ਬਣਾਉਣ ਦੀ ਅਰਦਾਸ ਕੀਤੀ।
Baby
ਉਨ੍ਹਾਂ ਨੇ ਕਿਹਾ ਕਿ ਅੱਜ ਦੇ ਦਿਨ ਜਨਮੇ ਇੱਥੇ ਤੱਕ ਕਿ ਇਕ ਸਾਲ ਪਹਿਲਾਂ ਜਨਮੇ ਬੱਚਿਆਂ ਤੋਂ ਵੀ ਵੱਖ ਦੁਨੀਆ ਵਿਚ ਆਏ ਹਨ। ਨਵਾਂ ਸਾਲ ਉਨ੍ਹਾਂ ਦੇ ਲਈ ਨਵੇਂ ਉਪਹਾਰ ਲੈ ਕੇ ਆਵੇ। ਸਾਲ 2021 ‘ਚ ਯੂਨੀਸੇਫ਼ ਦੀ ਸਥਾਪਨਾ ਦੇ 75 ਸਾਲ ਪੂਰੇ ਹੋ ਰਹੇ ਹਨ।
Chinese Baby
ਇਸ ਅਵਸਰ ‘ਤੇ ਯੂਨੀਸੇਫ਼ ਅਤੇ ਇਸਦੀ ਸਹਿਯੋਗੀ ਸੰਸਥਾਵਾਂ ਸੰਘਰਸ਼, ਬਿਮਾਰੀ ਤੇ ਜੀਵਨ ਜਿਉਣ ਦੇ ਅਧਿਕਾਰ ਦੀ ਰੱਖਿਆ ਦੇ ਨਾਲ ਸਿਹਤਮੰਦ ਅਤੇ ਸਿੱਖਿਆ ਦੇ ਖੇਤਰ ਵਿਚ ਬੱਚਿਆਂ ਦੇ ਲਈ ਕੀਤੇ ਗਏ ਕੰਮਾਂ ਦਾ ਜਸ਼ਨ ਮਨਾਏਗੀ।
