ਬੰਗਲਾਦੇਸ਼ ਦੇ ਇਕ ਵਿਸ਼ੇਸ਼ ਟ੍ਰਿਬਿਊਨਲ ਨੇ 1971 ਦੇ ਅਜ਼ਾਦੀ ਲੜਾਈ ਦੇ ਦੌਰਾਨ ਮਨੁੱਖਤਾ ਦੇ ਖਿਲਾਫ ਅਪਰਾਧ, ਯੁੱਧ ਅਪਰਾਧ ਅਤੇ ਪਾਕਿਸਤਾਨੀ...
ਬੰਗਲਾਦੇਸ਼ : ਬੰਗਲਾਦੇਸ਼ ਦੇ ਇਕ ਵਿਸ਼ੇਸ਼ ਟ੍ਰਿਬਿਊਨਲ ਨੇ 1971 ਦੇ ਅਜ਼ਾਦੀ ਲੜਾਈ ਦੇ ਦੌਰਾਨ ਮਨੁੱਖਤਾ ਦੇ ਖਿਲਾਫ ਅਪਰਾਧ, ਯੁੱਧ ਅਪਰਾਧ ਅਤੇ ਪਾਕਿਸਤਾਨੀ ਸੈਨਿਕਾਂ ਦੀ ਮਦਦ ਕਰਨ ਨੂੰ ਲੈ ਕੇ ਹਾਜ਼ਮੀ ਅਵਾਮੀ ਲੀਗ ਦੇ ਇਕ ਸਾਬਕਾ ਨੇਤਾ ਸਮੇਤ 2 ਲੋਕਾਂ ਨੂੰ ਸੋਮਵਾਰ ਨੂੰ ਫ਼ਾਂਸੀ ਦੀ ਸਜ਼ਾ ਸੁਣਾਈ। ਬੰਗਲਾਦੇਸ਼ ਦੇ ਅੰਤਰਰਾਸ਼ਟਰੀ ਅਪਰਾਧ ਵਿਧਾਨ ਦੇ 3 ਜੱਜਾਂ ਦੀ ਬੈਂਚ ਦੇ ਮੁਖੀ ਮੋਹੰਮਦ ਸ਼ਾਹੀਨੁਰ ਇਸਲਾਮ ਨੇ ਦੋਨਾਂ ਲੋਕਾਂ ਨੂੰ ਦੋਸ਼ੀ ਠਹਿਰਾਉਣ ਤੋਂ ਬਾਅਦ ਉਨ੍ਹਾਂ ਨੂੰ ਫ਼ਾਂਸੀ ਦੀ ਸਜ਼ਾ ਸੁਣਾਈ। ਦੋਨਾਂ ਦੋਸ਼ੀਆਂ ਦੀ ਉਮਰ 60 ਸਾਲ ਦੇ ਨੇੜੇ ਹੈ ਅਤੇ ਉਹ ਫਰਾਰ ਹਨ।
ਪ੍ਰੌਕਸੀਸ਼ਨ ਦੇ ਵਕੀਲਾਂ ਨੇ ਇਨ੍ਹਾਂ ਦੋਨਾਂ ਉਤੇ ਇਲਜ਼ਾਮ ਲਗਾਇਆ ਸੀ ਕਿ ਉਨ੍ਹਾਂ ਨੇ ਪਾਕਿਸਤਾਨੀ ਫੌਜ ਦਾ ਸਮਰਥਨ ਕਰਦੇ ਹੋਏ ਅਪਣੇ ਇਲਾਕਿਆਂ ਦੇ ਨੇੜੇ ਲੱਗਭੱਗ 100 ਲੋਕਾਂ ਦੀ ਹੱਤਿਆ ਕਰ ਦਿਤੀ, ਜਿਨ੍ਹਾਂ ਵਿਚ ਜ਼ਿਆਦਾਤਰ ਹਿੰਦੂ ਘਟ ਗਿਣਤੀ 'ਚ ਸਨ।ਇਹ ਮੁਕੱਦਮਾ ਉਨ੍ਹਾਂ ਦੀ ਗੈਰ ਹਾਜ਼ਰੀ ਵਿਚ ਚੱਲਿਆ। ਦੋਸ਼ੀਆਂ ਵਿਚ ਇਕ ਲਿਆਕਲ ਅਲੀ ਅਵਾਮੀ ਲੀਗ ਦੀ ਉੱਤਰੀ-ਪੂਰਬੀ ਕਿਸ਼ੋਰਗੰਜ ਵਿਚ ਲਖਈ ਉਪ ਜਿਲ੍ਹੇ ਦਾ ਮੁਖੀ ਸੀ।
ਧਿਆਨ ਯੋਗ ਹੈ ਕਿ ਅਜ਼ਾਦੀ ਲੜਾਈ ਦੇ ਦੌਰਾਨ ਗੁਨਾਹਾਂ ਲਈ 53 ਲੋਕਾਂ ਨੂੰ ਫ਼ਾਂਸੀ ਦੀ ਸਜ਼ਾ ਸੁਣਾਈ ਗਈ ਹੈ, ਜਿਨ੍ਹਾਂ ਵਿਚੋਂ ਜ਼ਿਆਦਾਤਰ ਕੱਟਰਪੰਥੀ ਜਮਾਤ - ਏ - ਇਸਲਾਮੀ ਦੇ ਨੇਤਾ ਹਨ ਜਿਨ੍ਹਾਂ ਨੇ ਬੰਗਲਾਦੇਸ਼ ਦੀ ਆਜ਼ਾਦੀ ਦਾ ਵਿਰੋਧ ਕੀਤਾ ਸੀ। ਦੋਸ਼ੀਆਂ ਵਿਚ ਕੁੱਝ ਲੋਕ ਮੁੱਖ ਵਿਰੋਧੀ ਪਾਰਟੀ ਬੀਐਨਪੀ ਦੇ ਵੀ ਮੈਂਬਰ ਹਨ।
