ਭਾਰਤ ਨੇ 'ਪੰਚਸ਼ੀਲ' ਸਿਧਾਂਤਾਂ ਦਾ ਘਾਣ ਕੀਤਾ : ਚੀਨ
Published : Jul 6, 2017, 9:52 am IST
Updated : Apr 7, 2018, 4:55 pm IST
SHARE ARTICLE
China
China

ਚੀਨ ਨੇ ਭਾਰਤ ਉਤੇ ਪੰਚਸ਼ੀਲ ਦੇ ਸਿਧਾਂਤਾਂ ਦਾ ਮਲੀਆਮੇਟ ਕਰਨ ਦਾ ਵੀ ਦੋਸ਼ ਲਾਇਆ ਹੈ। ਚੀਨ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਨੇ ਕਿਹਾ ਕਿ ਭਾਰਤ ਜਿੰਨੀ ਛੇਤੀ ਹੋ ਸਕੇ...

 

ਬੀਜਿੰਗ, 5 ਜੁਲਾਈ : ਚੀਨ ਨੇ ਭਾਰਤ ਉਤੇ ਪੰਚਸ਼ੀਲ ਦੇ ਸਿਧਾਂਤਾਂ ਦਾ ਮਲੀਆਮੇਟ ਕਰਨ ਦਾ ਵੀ ਦੋਸ਼ ਲਾਇਆ ਹੈ। ਚੀਨ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਨੇ ਕਿਹਾ ਕਿ ਭਾਰਤ ਜਿੰਨੀ ਛੇਤੀ ਹੋ ਸਕੇ, ਅਪਣੀ ਗ਼ਲਤੀਆਂ ਸੁਧਾਰੇ ਅਤੇ ਭਾਰਤੀ ਫ਼ੌਜੀਆਂ ਨੂੰ ਚੀਨੀ ਇਲਾਕੇ ਵਿਚੋਂ ਬਾਹਰ ਕੱਢੇ। ਬੁਲਾਰੇ ਨੇ ਕਿਹਾ ਕਿ ਭਾਰਤ ਲੋਕਾਂ ਨੂੰ ਇਹ ਕਹਿ ਕੇ ਗੁਮਰਾਹ ਕਰ ਰਿਹਾ ਹੈ ਕਿ ਚੀਨ ਸਿੱਕਮ ਖੇਤਰ ਵਿਚ ਸੜਕ ਦਾ ਨਿਰਮਾਣ ਕਰ ਰਿਹਾ ਹੈ।
ਉਧਰ, ਚੀਨ ਦੇ ਸਰਕਾਰੀ ਮੀਡੀਆ ਨੇ ਭਾਰਤ 'ਤੇ ਹਮਲਾ ਹੋਰ ਤੇਜ਼ ਕਰਦਿਆਂ ਕਿਹਾ ਹੈ ਕਿ ਭਾਰਤੀ ਫ਼ੌਜੀ ਸਿੱਕਮ ਸੈਕਟਰ ਦੇ ਦੋਕਾ ਲਾ ਇਲਾਕੇ ਵਿਚੋਂ ਇੱਜ਼ਤ ਨਾਲ ਬਾਹਰ ਚਲੇ ਜਾਣ।
ਚੀਨ ਦੇ ਅਖ਼ਬਾਰ ਗਲੋਬਲ ਟਾਈਮਜ਼ ਨੇ ਕਿਹਾ ਕਿ ਭਾਰਤ ਨੂੰ ਸਖ਼ਤ ਸਬਕ ਸਿਖਾਇਆ ਜਾਣਾ ਚਾਹੀਦਾ ਹੈ। ਇਕ ਹੋਰ ਸਰਕਾਰੀ ਅਖ਼ਬਾਰ ਚਾਈਨਾ ਡੇਲੀ ਨੇ ਲਿਖਿਆ ਕਿ ਭਾਰਤ ਨੂੰ ਅਪਣੇ ਅੰਦਰ ਝਾਕਣਾ ਚਾਹੀਦਾ ਹੈ। ਇਸ ਅਖ਼ਬਾਰ ਨੇ ਸੰਪਾਦਕੀ ਵਿਚ ਲਿਖਿਆ ਕਿ ਦੋਕਾ ਲਾ ਇਲਾਕੇ ਵਿਚ ਤੀਜੇ ਹਫ਼ਤੇ ਵੀ ਰੇੜਕਾ ਕਾਇਮ ਹੈ ਅਤੇ ਭਾਰਤ ਨੂੰ ਸਖ਼ਤ ਸਬਕ ਸਿਖਾਇਆ ਜਾਵੇ। ਉਸ ਨੇ ਇਹ ਵੀ ਦਾਅਵਾ ਕੀਤਾ ਕਿ ਚੀਨੀ ਲੋਕ ਭਾਰਤ ਦੇ ਉਕਸਾਵੇ ਤੋਂ ਦੁਖੀ ਹਨ। ਅਖ਼ਬਾਰ ਲਿਖਦਾ ਹੈ, 'ਸਾਡਾ ਮੰਨਣਾ ਹੈ ਕਿ ਚੀਨੀ ਜ਼ਮੀਨ ਤੋਂ ਭਾਰਤੀ ਫ਼ੌਜੀਆਂ ਨੂੰ ਬਾਹਰ ਕੱਢਣ ਲਈ ਚੀਨ ਦੀ ਫ਼ੌਜ ਪੀਐਲਏ ਪੂਰੀ ਤਰ੍ਹਾਂ ਸਮਰੱਥ ਹੈ। ਭਾਰਤੀ ਫ਼ੌਜ ਪੂਰੇ ਸਨਮਾਨ ਨਾਲ ਅਪਣੇ ਖੇਤਰ ਵਿਚ ਮੁੜ ਜਾਵੇ ਜਾਂ ਫਿਰ ਚੀਨੀ ਫ਼ੌਜੀ ਉਸ ਨੂੰ ਇਲਾਕੇ ਵਿਚੋਂ ਕੱਢ ਦੇਣਗੇ। ਇਕ ਹੋਰ ਅਖ਼ਬਾਰ ਲਿਖਦਾ ਹੈ ਕਿ ਇਸ ਮਾਮਲੇ ਨਾਲ ਸਿੱਝਣ ਲਈ ਸਰਕਾਰੀ ਅਤੇ ਫ਼ੌਜੀ ਅਧਿਕਾਰੀਆਂ ਨੂੰ ਪੂਰੇ ਅਧਿਕਾਰ ਦੇਣ ਦੀ ਲੋੜ ਹੈ। ਜੇ ਪੇਸ਼ੇਵਰਾਂ ਨੇ ਭਾਰਤ ਵਿਰੁਧ ਲੜਨਾ ਹੋਵੇ ਅਤੇ ਅਪਣੇ ਹੱਕਾਂ ਦੀ ਰਾਖੀ ਕਰਨੀ ਹੋਵੇ ਤਾਂ ਚੀਨੀ ਲੋਕ ਜਿੰਨਾ ਇਕਜੁੱਟ ਰਹਿਣਗੇ, ਓਨਾ ਜ਼ਿਆਦਾ ਫ਼ਾਇਦਾ ਭਾਰਤ ਵਿਰੁਧ ਲੜਾਈ 'ਚ ਮਿਲੇਗਾ। ਅਖ਼ਬਾਰ ਮੁਤਾਬਕ ਇਸ ਵਕਤ ਨਿਸ਼ਚਿਤ ਰੂਪ ਵਿਚ ਭਾਰਤ ਨੂੰ ਸਖ਼ਤ ਸਬਕ ਸਿਖਾਇਆ ਜਾਣਾ ਚਾਹੀਦਾ ਹੈ।  (ਏਜੰਸੀ)

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

ਕੁੜੀਆਂ ਨੂੰ ਛੇੜਨ ਵਾਲੇ ਜ਼ਰੂਰ ਵੇਖ ਲੈਣ ਇਹ ਵੀਡੀਓ ਪੁਲਿਸ ਨੇ ਗੰਜੇ, ਮੂੰਹ ਕਾਲਾ ਕਰ ਕੇ ਸਾਰੇ ਬਜ਼ਾਰ 'ਚ ਘੁਮਾਇਆ

29 Nov 2025 1:13 PM

'ਰਾਜਵੀਰ ਜਵੰਦਾ ਦਾ 'ਮਾਂ' ਗਾਣਾ ਸੁਣ ਕੇ ਇੰਝ ਲੱਗਦਾ ਜਿਵੇਂ ਉਸ ਨੂੰ ਅਣਹੋਣੀ ਦਾ ਪਤਾ ਸੀ'

28 Nov 2025 3:02 PM

ਦਿਲਰੋਜ਼ ਦੇ ਪਾਪਾ ਪਹੁੰਚੇ 13 ਸਾਲਾ ਕੁੜੀ ਦੀ ਅੰਤਮ ਅਰਦਾਸ 'ਚ

28 Nov 2025 3:01 PM

13 ਸਾਲਾ ਬੱਚੀ ਦੇ ਕਤਲ ਮਾਮਲੇ 'ਚ ਬੋਲੇ Jathedar Gargaj | Jalandhar Murder Case

27 Nov 2025 3:11 PM

13 ਸਾਲਾ ਕੁੜੀ ਦੇ ਕਾਤਲ ਕੋਲੋਂ ਹੁਣ ਤੁਰਿਆ ਵੀ ਨਹੀਂ ਜਾਂਦਾ, ਦੇਖੋ...

26 Nov 2025 1:59 PM
Advertisement