ਜਾਪਾਨ ਦੀ ਇੱਕ ਕੰਪਨੀ ਨੇ ਮੈਚਮੇਕਿੰਗ ਸੇਵਾ ਸ਼ੁਰੂ ਕੀਤੀ ਹੈ ਜੋ ਆਪਣੇ ਆਪ ਵਿੱਚ ਵਿਲੱਖਣ ਹੈ।
ਟੋਕਿਓ : ਜਾਪਾਨ ਦੀ ਇੱਕ ਕੰਪਨੀ ਨੇ ਮੈਚਮੇਕਿੰਗ ਸੇਵਾ ਸ਼ੁਰੂ ਕੀਤੀ ਹੈ ਜੋ ਆਪਣੇ ਆਪ ਵਿੱਚ ਵਿਲੱਖਣ ਹੈ। ਇਹ ਕੰਪਨੀ ਨੌਕਰੀ, ਤਨਖਾਹ ਜਾਂ ਸ਼ਕਲ ਸੂਰਤ ਦੇ ਆਧਾਰ 'ਤੇ ਰਿਸ਼ਤਾ ਕਰਵਾਉਣ ਦੀ ਬਜਾਏ DNA ਮੈਚਿੰਗ ਕਰਦੀ ਹੈ। ਨੋਜਜੇ ਨਾਮ ਦੀ ਰਿਸ਼ਤੇ ਕਰਵਾਉਣ ਵਾਲੀ ਇਸ ਕੰਪਨੀ ਤੋਂ ਹਰ ਮਹੀਨੇ ਕਰੀਬ 200 ਨੌਜਵਾਨ ਇਸ ਦੀਆਂ ਸੇਵਾਵਾਂ ਲੈ ਰਹੇ ਹਨ। ਹੁਣੇ ਜਿਹੇ ਟੋਕਿਓ ਦੇ ਨੇੜੇ ਗਿੰਜਾ 'ਚ ਪਹਿਲੀ ਵਾਰ ਮੈਚਮੇਕਿੰਗ ਪਾਰਟੀ ਰੱਖੀ ਗਈ। ਇਸ ਪਾਰਟੀ ਵਿਚ 26 ਲੋਕਾਂ ਨੂੰ ਆਪਣੇ ਜੀਵਨ ਸਾਥੀ ਮਿਲ ਗਏ।
japan company makes matchmaking
ਇਥੇ ਮਿਲਾਏ ਗਏ ਜੋੜਿਆਂ ਦੀ ਸਮਾਨਤਾ ਦੀ ਔਸਤ ਰੇਟਿੰਗ 80 ਫੀਸਦੀ ਰਹੀ। ਇਕ ਨੌਜਵਾਨ ਨੂੰ ਤਾਂ 98 ਫੀਸਦੀ ਰੇਟਿੰਗ ਮਿਲੀ। ਪੁਰਸ਼ ਅਤੇ ਮਹਿਲਾ ਦੀ ਉਮਰ ਕ੍ਰਮਵਾਰ 41 ਅਤੇ 32 ਸਾਲ ਹੈ। ਮਹਿਲਾ ਨੇ ਦੱਸਿਆ ਕਿ ਜਦੋਂ ਉਸਨੂੰ ਪਤਾ ਲੱਗਾ ਕਿ ਇਹ ਵਧੀਆ ਮੈਚ ਹੈ ਮੈਨੂੰ ਗੱਲ ਕਰਨ 'ਚ ਅਸਾਨੀ ਹੋਈ। ਪੁਰਸ਼ ਦੇ ਮੁਤਾਬਕ ਕੋਈ ਇੰਨਾ ਵੀ ਬਰਾਬਰ ਹੋ ਸਕਦਾ ਹੈ ਇਹ ਵੀ ਸਮਝਣ 'ਚ ਅਸਾਨੀ ਹੋਈ। ਇਸ ਪਾਰਟੀ ਤੋਂ ਬਾਅਦ ਦੋਵਾਂ ਨੇ ਸਾਥ ਨਿਭਾਉਣ ਦਾ ਫੈਸਲਾ ਲਿਆ।
japan company makes matchmaking
ਨੋਜਜੇ ਦੀ ਇਸ ਸੇਵਾ ਨੂੰ ਲੈਣ ਲਈ 21 ਹਜ਼ਾਰ ਰੁਪਏ ਦੀ ਫੀਸ ਰੱਖੀ ਗਈ ਹੈ। ਡੀ.ਐਨ.ਏ. ਮੈਚਿੰਗ ਲਈ 34 ਹਜ਼ਾਰ ਰੁਪਏ ਵੱਖ ਤੋਂ ਦੇਣੇ ਪੈਂਦੇ ਹਨ। ਨੋਜਜੋ ਨੇ DNA ਟੈਸਟਿੰਗ ਲਈ ਸ਼ਿਨਾਗਾਵਾ ਲੈਬ ਨਾਲ ਕਰਾਰ ਕੀਤਾ ਹੋਇਆ ਹੈ। ਟੈਸਟਿੰਗ ਦੇ ਬਾਅਦ ਲੈਬ ਜੋੜੇ ਦੀ ਸਮਾਨਤਾ ਨੂੰ ਅੰਕਾਂ ਦੇ ਰੂਪ ਵਿਚ ਰੇਟਿੰਗ ਦਿੰਦੀ ਹੈ। ਜੇਕਰ ਜੋੜੇ ਦਾ ਐੱਚ.ਐੱਲ.ਏ.(HLA) ਜੀਨ ਕੰਪਲੈਕਸ ਜ਼ਰਾ ਵੀ ਨਹੀਂ ਮਿਲਦਾ ਤਾਂ ਉਨ੍ਹਾਂ ਨੂੰ 100 ਫੀਸਦੀ ਰੇਟਿੰਗ ਦਿੱਤੀ ਜਾਂਦੀ ਹੈ।
