ਇੱਕ ਸਮਾਂ ਸੀ ਜਦੋਂ ਮੁਰਗੇ ਦੀ ਬਾਂਗ ਸੁਣਕੇ ਹੀ ਲੋਕਾਂ ਦੀ ਸਵੇਰੇ ਹੋਇਆ ਕਰਦੀ ਸੀ ਪਰ ਕਈ ਮਹੀਨੇ ਤੋਂ ਫ਼ਰਾਂਸ 'ਚ ਮੁਰਗੇ ਦੇ ਬੋਲਣ ਨੂੰ ਲੈ ਕੇ ਵੱਡੀ ਬਹਿਸ ਚੱਲ ਰਹੀ ਸੀ।
ਪੈਰਿਸ : ਇੱਕ ਸਮਾਂ ਸੀ ਜਦੋਂ ਮੁਰਗੇ ਦੀ ਬਾਂਗ ਸੁਣਕੇ ਹੀ ਲੋਕਾਂ ਦੀ ਸਵੇਰੇ ਹੋਇਆ ਕਰਦੀ ਸੀ ਪਰ ਕਈ ਮਹੀਨੇ ਤੋਂ ਫ਼ਰਾਂਸ 'ਚ ਮੁਰਗੇ ਦੇ ਬੋਲਣ ਨੂੰ ਲੈ ਕੇ ਵੱਡੀ ਬਹਿਸ ਚੱਲ ਰਹੀ ਸੀ। ਆਖ਼ਿਰਕਾਰ ਜਿੱਤ ਮੁਰਗੇ ਦੀ ਹੀ ਹੋਈ ਅਤੇ ਕੋਰਟ ਨੇ ਵੀ ਕਹਿ ਦਿੱਤਾ ਕਿ ਮੁਰਗੇ ਨੂੰ 'ਆਪਣੇ ਸੁਰ 'ਚ ਗਾਉਣ' ਦਾ ਪੂਰਾ ਅਧਿਕਾਰ ਹੈ। ਅਸਲ 'ਚ ਮੁਰਗੇ ਦੇ ਬੋਲਣ 'ਤੇ ਉਸ ਦੇ ਮਾਲਕ ਕ੍ਰੋਨੀ ਦੇ ਗੁਆਂਢੀ ਨੇ ਇਤਰਾਜ਼ ਕੀਤਾ ਸੀ।
Rooster wins french court battle over right to make noise
ਇਸ ਲਈ ਇਹ ਮਾਮਲਾ ਕੋਰਟ 'ਚ ਆਇਆ। ਇਸ ਤੋਂ ਬਾਅਦ ਰਾਸ਼ਟਰੀ ਪੱਧਰ 'ਤੇ ਇਸ 'ਤੇ ਬਹਿਸ ਵੀ ਹੋਈ। ਮੁਰਗਾ ਫਰਾਂਸ ਦਾ ਰਾਸ਼ਟਰੀ ਚਿੰਨ੍ਹ ਵੀ ਹੈ। ਮੁਰਗੇ ਦੀ ਬਾਂਗ ਨੂੰ ਲੈ ਕੇ ਸ਼ਹਿਰੀ ਤੇ ਪੇਂਡੂ ਲੋਕ ਵੰਡੇ ਗਏ। ਸ਼ਹਿਰੀ ਲੋਕਾਂ ਦਾ ਕਹਿਣਾ ਹੈ ਕਿ ਮੁਰਗੇ ਦੇ ਸਵੇਰੇ-ਸਵੇਰੇ ਬੋਲਣ ਨਾਲ ਉਨ੍ਹਾਂ ਦੀ ਨੀਂਦ ਖਰਾਬ ਹੁੰਦੀ ਹੈ। ਗੁਆਂਢੀ ਨੇ ਇਸ ਨੂੰ ਆਵਾਜ਼ ਪ੍ਰਦੂਸ਼ਣ ਦੱਸਿਆ। ਉਥੇ ਹੀ ਪੇਂਡੂਆਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ 'ਤੇ ਕੋਈ ਇਤਰਾਜ਼ ਨਹੀਂ ਸੀ।
Rooster wins french court battle over right to make noise
ਆਖਿਰਕਾਰ ਵੀਰਵਾਰ ਨੂੰ ਕੋਰਟ ਨੇ ਆਪਣਾ ਫੈਸਲਾ ਸੁਣਾਇਆ ਹੈ ਤੇ ਕਿਹਾ ਹੈ ਕਿ ਇਸ ਪੰਛੀ ਨੂੰ ਬੋਲਣ ਦਾ ਅਧਿਕਾਰ ਹੈ। ਮੈਰਿਸ ਨਾਮ ਦੇ ਇਸ ਮੁਰਗੇ ਨੂੰ ਕ੍ਰੇਨੀ ਫੇਸਯੂ ਨੇ ਪਾਲਿਆ ਸੀ। ਕ੍ਰੇਨੀ ਦੇ ਵਕੀਲ ਦੇ ਮੁਤਾਬਕ ਮੈਰਿਸ ਕੇਸ ਜਿੱਤ ਗਿਆ ਹੈ। ਕ੍ਰੋਨੀ ਨੇ ਕਿਹਾ ਕਿ ਅੱਜ ਤੱਕ ਕਿਸੇ ਨੇ ਵੀ ਮੁਰਗੇ ਦੇ ਬੋਲਣ 'ਤੇ ਕਿਸੇ ਨੇ ਇਤਰਾਜ਼ ਨਹੀਂ ਜਤਾਇਆ।
Rooster wins french court battle over right to make noise
ਲੂਈਸ ਬਿਰਨ ਤੇ ਉਨ੍ਹਾਂ ਦੀ ਪਤਨੀ ਨੇ ਸ਼ਿਕਾਇਤ ਕੀਤੀ ਸੀ ਕਿ ਮੁਰਗੇ ਦੇ ਬੋਲਣ ਨਾਲ ਉਨ੍ਹਾਂ ਦੀ ਨੀਂਦ ਖਰਾਬ ਹੋ ਜਾਂਦੀ ਹੈ। ਕੋਰਟ ਦੇ ਫੈਸਲੇ ਤੋਂ ਬਾਅਦ ਕਰੋਨੀ ਨੇ ਕਿਹਾ ਕਿ ਇਹ ਉਨ੍ਹਾਂ ਦੀ ਤਰ੍ਹਾਂ ਦੇ ਸਾਰੇ ਲੋਕਾਂ ਦੀ ਜਿੱਤ ਹੈ। ਉਹ ਬੇਹੱਦ ਖੁਸ਼ ਸਨ। ਮੌਰਿਸ ਨਾਮ ਦੇ ਇਸ ਮੁਰਗੇ 'ਤੇ ਛਿੜੀ ਬਹਿਸ ਨੇ ਲੱਖਾਂ ਲੋਕਾਂ ਨੂੰ ਇੱਕਜੁਟ ਕਰ ਦਿੱਤਾ ਅਤੇ ਲੋਕਾਂ ਨੇ ਉਸਦੇ ਸਮਰਥਨ ਵਿੱਚ ਸੇਵ ਮੌਰਿਸ ਅਭਿਆਨ ਤੱਕ ਚਲਾ ਦਿੱਤਾ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
