ਮੈਟਰੋਪੋਲਿਟਨ ਫਾਇਰ ਬ੍ਰਿਗੇਡ ਨੇ ਦੱਸਿਆ ਕਿ ਉਹ ਮੇਲਬਰਨ ਦੂਤਘਰਾਂ ਵਿਚ ਹੋਈਆਂ ਇਹਨਾਂ ਘਟਨਾਵਾਂ ਦੀ ਜਾਂਚ ਵਿਚ ਆਸਟਰੇਲੀਅਨ ਫੈਡਰਲ ਪੁਲਿਸ ਦੀ ਮਦਦ ਕਰ ਰਹੀ ਹੈ।
ਮੇਲਬਰਨ : ਮੇਲਬਰਨ ਵਿਖੇ ਭਾਰਤੀ ਵਪਾਰਕ ਦੂਤਘਰ ਸਮੇਤ ਕਈ ਰਾਜਨੀਤਕ ਮਿਸ਼ਨਾਂ ਵਿਚ ਸ਼ੱਕੀ ਪੈਕਟ ਮਿਲਣ ਤੋਂ ਬਾਅਦ ਆਸਟਰੇਲੀਆਈ ਅਧਿਕਾਰੀਆਂ ਨੇ ਵੱਡੇ ਪੱਧਰ 'ਤੇ ਕਾਰਵਾਈ ਸ਼ੁਰੂ ਕਰ ਦਿਤੀ ਹੈ। ਪੂਰੇ ਮੇਲਬਰਨ ਵਿਚ ਘੱਟ ਤੋਂ ਘੱਟ 10 ਅੰਤਰਰਾਸ਼ਟਰੀ ਵਪਾਰਕ ਦੂਤਘਰਾਂ ਵਿਚ ਸ਼ੱਕੀ ਪੈਕਟਾਂ ਦੇ ਮਿਲਣ ਤੋਂ ਬਾਅਦ ਵੱਡੇ ਪੱਧਰ 'ਤੇ ਮੁਹਿੰਮ ਸ਼ੁਰੂ ਕਰ ਦਿਤੀ ਗਈ ਹੈ। ਸੇਂਟ ਕਿਲਡਾ ਰੋਡ 'ਤੇ ਭਾਰਤੀ ਵਪਾਰਕ ਦੂਤਘਰ ਅਤੇ ਅਮਰੀਕੀ ਵਪਾਰਕ ਦੂਤਘਰਾਂ ਵਿਚ ਅੱਗ ਬੁਝਾਓ ਕਰਮਚਾਰੀ ਅਤੇ ਐਂਬੂਲੈਂਸ ਵਿਕਟੋਰੀਆ ਦੇ ਡਾਕਟਰ ਸਹਾਇਕ ਮੌਜੂਦ ਹਨ।
Australian Federal Police
ਆਸਟਰੇਲੀਅਨ ਫੈਡਰਲ ਪੁਲਿਸ ਨੇ ਟਵੀਟ ਕਰ ਕੇ ਕਿਹਾ ਹੈ ਕਿ ਪੁਲਿਸ ਅਤੇ ਐਮਰਜੈਂਸੀ ਸੇਵਾਵਾਂ ਨੇ ਦੂਤਘਰਾਂ ਅਤੇ ਵਪਾਰਕ ਦੂਤਘਰਾਂ ਵਿਚ ਸ਼ੱਕੀ ਪੈਕਟ ਮਿਲਣ 'ਤੇ ਕਾਰਵਾਈ ਸ਼ੁਰੂ ਕਰ ਦਿਤੀ ਹੈ। ਐਮਰਜੈਂਸੀ ਸੇਵਾ ਦੇ ਕਰਮਚਾਰੀ ਪੈਕਟਾਂ ਅਤੇ ਹਾਲਾਤਾਂ ਦੀ ਜਾਂਚ ਕਰ ਰਹੇ ਹਨ। ਮੈਟਰੋਪੋਲਿਟਨ ਫਾਇਰ ਬ੍ਰਿਗੇਡ ਨੇ ਦੱਸਿਆ ਕਿ ਉਹ ਮੇਲਬਰਨ ਦੂਤਘਰਾਂ ਵਿਚ ਹੋਈਆਂ ਇਹਨਾਂ ਘਟਨਾਵਾਂ ਦੀ ਜਾਂਚ ਵਿਚ ਆਸਟਰੇਲੀਅਨ ਫੈਡਰਲ ਪੁਲਿਸ ਦੀ ਮਦਦ ਕਰ ਰਹੀ ਹੈ।
Metropolitan Fire Brigade
ਕੁਝ ਇਮਾਰਤਾਂ ਵਿਚ ਐਮਰਜੈਂਸੀ ਕਰਮਚਾਰੀਆਂ ਨੂੰ ਰਸਾਇਣਾਂ ਤੋਂ ਬਚਾਅ ਕਰਨ ਵਾਲੇ ਸੂਟ ਪਾ ਕੇ ਦਾਖਲ ਹੁੰਦੇ ਹੋਏ ਦੇਖਿਆ ਗਿਆ।ਹੁਣ ਤੱਕ ਕਿਸੇ ਦੇ ਜਖ਼ਮੀ ਹੋਣ ਦੀ ਖ਼ਬਰ ਨਹੀਂ ਹੈ। ਵਿਕਐਮਰਜੈਂਸੀ ਵੈਬਸਾਈਟ 'ਤੇ ਖ਼ਤਰਨਾਕ ਸਮੱਗਰੀ ਦੇ ਕਈ ਅਲਰਟ ਜਾਰੀ ਕੀਤੇ ਗਏ ਹਨ। ਜ਼ਿਕਰਯੋਗ ਹੈ ਕਿ ਦੋ ਦਿਨ ਪਹਿਲਾਂ ਹੀ ਸਿਡਨੀ ਵਿਚ ਸਥਿਤ ਅਰਜਨਟੀਨਾ ਦੇ ਵਪਾਰਕ ਦੂਤਘਰ ਵਿਚ ਸ਼ੱਕੀ ਚਿੱਟਾ ਪਾਊਡਰ ਮਿਲਿਆ ਸੀ।
BREAKING: Police and emergency services have responded to suspicious packages to embassies and consulates in ACT & VIC today (Wednesday, 9 January 2019). The packages are being examined by attending emergency services. The circumstances are being investigated.
— AFP (@AusFedPolice) January 9, 2019
ਭਾਰਤ ਤੋਂ ਇਲਾਵਾ ਆਸਟਰੇਲੀਆ ਵਿਚ ਯੂਕੇ, ਕੋਰੀਆ, ਇਟਲੀ, ਜਰਮਨੀ, ਇੰਡੋਨੇਸ਼ੀਆ, ਸਵਿਟਰਜ਼ਲੈਂਡ, ਪਾਕਿਸਤਾਨ ਅਤੇ ਗਰੀਸ ਦੇ ਦੂਤਘਰਾਂ ਵਿਚ ਸ਼ੱਕੀ ਪੈਕਟ ਮਿਲੇ ਹਨ ਸ਼ਾਮਲ ਹਨ।
