Hague News : ਰੂਸ ਨੇ ਯੂਕਰੇਨ ’ਚ ਕੌਮਾਂਤਰੀ ਕਾਨੂੰਨਾਂ ਦੀ ਉਲੰਘਣਾ ਕੀਤੀ : ਯੂਰਪੀਅਨ ਅਦਾਲਤ 
Published : Jul 9, 2025, 9:09 pm IST
Updated : Jul 9, 2025, 9:09 pm IST
SHARE ARTICLE
ਰੂਸ ਨੇ ਯੂਕਰੇਨ ’ਚ ਕੌਮਾਂਤਰੀ ਕਾਨੂੰਨਾਂ ਦੀ ਉਲੰਘਣਾ ਕੀਤੀ : ਯੂਰਪੀਅਨ ਅਦਾਲਤ 
ਰੂਸ ਨੇ ਯੂਕਰੇਨ ’ਚ ਕੌਮਾਂਤਰੀ ਕਾਨੂੰਨਾਂ ਦੀ ਉਲੰਘਣਾ ਕੀਤੀ : ਯੂਰਪੀਅਨ ਅਦਾਲਤ 

Hague News : ਐਮ.ਐਚ.-17 ਜਹਾਜ਼ ਨੂੰ ਮਾਰ ਸੁੱਟਣ ਪਿੱਛੇ ਵੀ ਰੂਸ ਨੂੰ ਦਸਿਆ ਜ਼ਿੰਮੇਵਾਰ

Hague News in Punjabi  : ਯੂਰਪ ਦੀ ਚੋਟੀ ਦੀ ਮਨੁੱਖੀ ਅਧਿਕਾਰ ਅਦਾਲਤ ਨੇ ਕਿਹਾ ਹੈ ਕਿ ਰੂਸ ਯੂਕਰੇਨ ’ਚ ਕੌਮਾਂਤਰੀ  ਕਾਨੂੰਨਾਂ ਦੀ ਵਿਆਪਕ ਉਲੰਘਣਾ ਲਈ ਜ਼ਿੰਮੇਵਾਰ ਹੈ, ਜਿਸ ’ਚ 2014 ’ਚ ਮਲੇਸ਼ੀਆ ਏਅਰਲਾਈਨਜ਼ ਦੀ ਉਡਾਣ ਐਮ.ਐਚ.-17 ਨੂੰ ਵੀ ਮਾਰ ਸੁੱਟਣਾ ਵੀ ਸ਼ਾਮਲ ਹੈ।

ਯੂਰਪੀਅਨ ਕੋਰਟ ਆਫ ਹਿਊਮਨ ਰਾਈਟਸ ਦੇ ਜੱਜਾਂ ਨੇ ਬੁਧਵਾਰ  ਨੂੰ ਯੂਕਰੇਨ ਅਤੇ ਨੀਦਰਲੈਂਡਜ਼ ਵਲੋਂ  ਰੂਸ ਵਿਰੁਧ  ਲਿਆਂਦੇ ਗਏ ਚਾਰ ਮਾਮਲਿਆਂ ਉਤੇ  ਫੈਸਲਾ ਸੁਣਾਇਆ। ਇਨ੍ਹਾਂ ਦੋਸ਼ਾਂ ਵਿਚ ਕਤਲ, ਤਸ਼ੱਦਦ, ਜਬਰ ਜਨਾਹ, ਨਾਗਰਿਕ ਬੁਨਿਆਦੀ ਢਾਂਚੇ ਨੂੰ ਤਬਾਹ ਕਰਨਾ, ਯੂਕਰੇਨ ਦੇ ਬੱਚਿਆਂ ਨੂੰ ਅਗਵਾ ਕਰਨਾ ਅਤੇ ਰੂਸ ਦਾ ਪੱਖ ਲੈਣ ਵਾਲੇ ਯੂਕਰੇਨੀ ਵੱਖਵਾਦੀਆਂ ਵਲੋਂ ਮਲੇਸ਼ੀਅਨ ਏਅਰਲਾਈਨਜ਼ ਦੇ ਮੁਸਾਫ਼ਰ  ਜਹਾਜ਼ ਫਲਾਈਟ ਐਮ.ਐਚ.-17 ਨੂੰ ਡੇਗਣਾ ਸ਼ਾਮਲ ਹੈ। 

ਸਟਰਾਸਬਰਗ ਦੀ ਖਚਾਖਚ ਭਰੀ ਅਦਾਲਤ ਵਿਚ ਫੈਸਲੇ ਪੜ੍ਹਦੇ ਹੋਏ ਅਦਾਲਤ ਦੇ ਪ੍ਰਧਾਨ ਮੈਟੀਅਸ ਗੁਯੋਮਰ ਨੇ ਕਿਹਾ ਕਿ ਰੂਸੀ ਬਲਾਂ ਨੇ ਹਮਲੇ ਕਰ ਕੇ ਯੂਕਰੇਨ ਵਿਚ ਕੌਮਾਂਤਰੀ  ਮਨੁੱਖਤਾਵਾਦੀ ਕਾਨੂੰਨ ਦੀ ਉਲੰਘਣਾ ਕੀਤੀ ਹੈ, ਜਿਸ ਵਿਚ ਹਜ਼ਾਰਾਂ ਨਾਗਰਿਕ ਮਾਰੇ ਗਏ ਅਤੇ ਜ਼ਖਮੀ ਹੋਏ ਅਤੇ ਡਰ ਅਤੇ ਦਹਿਸ਼ਤ ਪੈਦਾ ਕੀਤੀ ਗਈ।

ਫਰਾਂਸ ਦੇ ਜੱਜ ਨੇ ਕਿਹਾ ਕਿ ਜੱਜਾਂ ਨੇ ਪਾਇਆ ਕਿ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਕਿਸੇ ਵੀ ਫੌਜੀ ਉਦੇਸ਼ ਤੋਂ ਪਰੇ ਹੈ ਅਤੇ ਰੂਸ ਨੇ ਯੂਕਰੇਨ ਦੇ ਮਨੋਬਲ ਨੂੰ ਤੋੜਨ ਦੀ ਰਣਨੀਤੀ ਦੇ ਹਿੱਸੇ ਵਜੋਂ ਜਿਨਸੀ ਹਿੰਸਾ ਦੀ ਵਰਤੋਂ ਕੀਤੀ। ਗੁਯੋਮਰ ਨੇ ਕਿਹਾ ਕਿ ਜਬਰ ਜਨਾਹ  ਨੂੰ ਜੰਗ ਦੇ ਹਥਿਆਰ ਵਜੋਂ ਵਰਤਣਾ ਅੱਤਿਆਚਾਰ ਦੀ ਕਾਰਵਾਈ ਸੀ ਜੋ ਤਸੀਹੇ ਦੇ ਬਰਾਬਰ ਸੀ। 

ਇਹ ਸ਼ਿਕਾਇਤਾਂ ਅਦਾਲਤ ਦੀ ਗਵਰਨਿੰਗ ਬਾਡੀ ਦੇ ਸਾਹਮਣੇ ਲਿਆਂਦੀਆਂ ਗਈਆਂ ਸਨ, ਜਿਸ ਨੇ ਪੂਰੇ ਪੈਮਾਨੇ ਉਤੇ  ਹਮਲੇ ਤੋਂ ਬਾਅਦ 2022 ਵਿਚ ਮਾਸਕੋ ਨੂੰ ਬਾਹਰ ਕੱਢ ਦਿਤਾ ਸੀ। ਇਹ ਫੈਸਲੇ ਵੱਡੇ ਪੱਧਰ ਉਤੇ  ਪ੍ਰਤੀਕਾਤਮਕ ਹਨ ਕਿਉਂਕਿ ਮਾਸਕੋ ਦਾ ਕਹਿਣਾ ਹੈ ਕਿ ਉਹ ਇਸ ਫੈਸਲੇ ਨੂੰ ਨਜ਼ਰਅੰਦਾਜ਼ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ। 

ਕ੍ਰੇਮਲਿਨ ਦੇ ਬੁਲਾਰੇ ਦਿਮਿਤਰੀ ਪੇਸਕੋਵ ਨੇ ਬੁਧਵਾਰ  ਨੂੰ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਿਹਾ, ‘‘ਅਸੀਂ ਇਸ ਦਾ ਪਾਲਣ ਨਹੀਂ ਕਰਾਂਗੇ।’’

ਹਾਲਾਂਕਿ ਐਮ.ਐਚ.-17 ਹਾਦਸੇ ਦੇ ਪੀੜਤਾਂ ਦੇ ਪਰਵਾਰ  ਇਸ ਫੈਸਲੇ ਨੂੰ ਨਿਆਂ ਦੀ ਉਨ੍ਹਾਂ ਦੀ 11 ਸਾਲਾਂ ਦੀ ਭਾਲ ਵਿਚ ਇਕ  ਮਹੱਤਵਪੂਰਨ ਮੀਲ ਪੱਥਰ ਵਜੋਂ ਵੇਖਦੇ  ਹਨ। ਇਸ ਦੁਖਾਂਤ ਵਿਚ ਅਪਣੇ  18 ਸਾਲਾ ਬੇਟੇ ਕਵਿਨ ਨੂੰ ਗੁਆਉਣ ਵਾਲੇ ਥਾਮਸ ਸ਼ੈਨਸਮੈਨ ਨੇ ਕਿਹਾ ਕਿ ਇਹ ਸਮਝਣ ਦੀ ਦਿਸ਼ਾ ਵਿਚ ਇਕ ਅਸਲ ਕਦਮ ਹੈ ਕਿ ਕੌਣ ਜ਼ਿੰਮੇਵਾਰ ਸੀ। 

ਐਮਸਟਰਡਮ ਤੋਂ ਕੁਆਲਾਲੰਪੁਰ ਜਾ ਰਹੇ ਬੋਇੰਗ 777 ਜਹਾਜ਼ ਨੂੰ 17 ਜੁਲਾਈ, 2014 ਨੂੰ ਵੱਖਵਾਦੀ ਵਿਦਰੋਹੀਆਂ ਦੇ ਕੰਟਰੋਲ ਵਾਲੇ ਪੂਰਬੀ ਯੂਕਰੇਨ ਦੇ ਖੇਤਰ ਤੋਂ ਰੂਸ ਵਿਚ ਬਣੀ ਬੁਕ ਮਿਜ਼ਾਈਲ ਦੀ ਵਰਤੋਂ ਕਰਦਿਆਂ ਮਾਰ ਸੁੱਟਿਆ ਗਿਆ ਸੀ। ਸਾਰੇ 298 ਮੁਸਾਫ਼ਰ  ਅਤੇ ਚਾਲਕ ਦਲ ਦੇ ਮੈਂਬਰ ਮਾਰੇ ਗਏ ਸਨ, ਜਿਨ੍ਹਾਂ ਵਿਚ 196 ਡੱਚ ਨਾਗਰਿਕ ਵੀ ਸ਼ਾਮਲ ਸਨ। 

(For more news apart from Russia violated international law in Ukraine: European Court News in Punjabi, stay tuned to Rozana Spokesman)

Location: International

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 09/07/2025

09 Jul 2025 12:28 PM

Bhagwant Mann Vs Bikram Singh Majithia | Bhagwant Mann Reveals Why Vigilence arrest Majithia !

09 Jul 2025 12:23 PM

ਹੁਣੇ ਹੁਣੇ ਬੱਸ ਅਤੇ ਕਾਰ ਦੀ ਹੋ ਗਈ ਭਿਆਨਕ ਟੱਕਰ, 10 ਲੋਕਾਂ ਦੀ ਮੌ+ਤ, ਪੈ ਗਿਆ ਚੀਕ ਚਿਹਾੜਾ, ਦੇਖੋ ਤਸਵੀਰਾਂ

07 Jul 2025 5:53 PM

Abohar Tailer Murder News | Who killed Abohar Taylor? | Abohar wear well owner sanjay verma Murder

07 Jul 2025 5:51 PM

Punjabi Actress Tania's Father News : Tania ਦੇ Father ਨੂੰ ਗੋ+ਲੀਆਂ ਮਾਰਨ ਵਾਲੇ ਤਿੰਨ ਕਾਬੂ | Moga Police

06 Jul 2025 9:40 PM
Advertisement