ਇਸ 'ਤੇ ਵਿਸ਼ਵਾਸ ਕਰਨਾ ਥੋੜਾ ਮੁਸ਼ਕਲ
ਦਿਨ ਖਤਮ ਹੋਣ ਤੋਂ ਬਾਅਦ ਸੂਰਜ ਡੁੱਬਣਾ ਲਾਜ਼ਮੀ ਹੈ ਪਰ ਕਈ ਵਾਰ ਅਸੀਂ ਸੋਚਦੇ ਹਾਂ ਕਿ ਜੇ ਸੂਰਜ ਡੁੱਬਦਾ ਹੀ ਨਾ ਹੁੰਦਾ ਤਾਂ ਕਿੰਨਾ ਚੰਗਾ ਹੁੰਦਾ ਪਰ ਅਜਿਹਾ ਹੋਣਾ ਅਸੰਭਵ ਹੈ। ਦੁਨੀਆ ਭਰ ਵਿੱਚ ਅਜਿਹੀਆਂ ਬਹੁਤ ਸਾਰੀਆਂ ਅਜੀਬ ਥਾਵਾਂ ਹਨ ਜਿੱਥੇ ਸਾਲ ਵਿੱਚ ਕਈ ਦਿਨਾਂ ਤੱਕ ਸੂਰਜ ਡੁੱਬਦਾ( Sun Never Sets) ਨਹੀਂ ਹੈ। ਇਸ 'ਤੇ ਵਿਸ਼ਵਾਸ ਕਰਨਾ ਥੋੜਾ ਮੁਸ਼ਕਲ ਹੈ, ਪਰ ਇਹ ਸੱਚ ਹੈ ਕਿ ਦੁਨੀਆ ਵਿੱਚ ਬਹੁਤ ਸਾਰੀਆਂ ਥਾਵਾਂ ਹਨ ਜਿੱਥੇ ਰਾਤ ਨਹੀਂ ਹੁੰਦੀ।
ਨੁਨਾਵਤ ( Nunavut) ਕੈਨੇਡਾ- ਨੁਨਾਵਟ ਕੈਨੇਡਾ ਦਾ ਇੱਕ ਛੋਟਾ ਜਿਹਾ ਸ਼ਹਿਰ ਹੈ। ਕੈਨੇਡਾ ਦੇ ਇਸ ਉੱਤਰ -ਪੱਛਮੀ ਹਿੱਸੇ ਵਿੱਚ ਤਕਰੀਬਨ ਦੋ ਮਹੀਨਿਆਂ ਤੱਕ ਸੂਰਜ ਲਗਾਤਾਰ ਚਮਕਦਾ ਹੈ ਜਦੋਂ ਕਿ ਸਰਦੀਆਂ ਦੇ ਦੌਰਾਨ ਇਸ ਜਗ੍ਹਾ ਤੇ ਲਗਾਤਾਰ 30 ਦਿਨ ਪੂਰੀ ਤਰ੍ਹਾਂ ਰਾਤ ਹੁੰਦੀ ਹੈ।
ਹੋਰ ਵੀ ਪੜ੍ਹੋ: ਦਿੱਲੀ ਕਿਸਾਨ ਮੋਰਚੇ ਤੋਂ ਆਈ ਦੁਖਦਾਈ ਖ਼ਬਰ, ਸੰਘਰਸ਼ ਦੌਰਾਨ ਇਕ ਹੋਰ ਕਿਸਾਨ ਦੀ ਹੋਈ ਮੌਤ
ਆਈਸਲੈਂਡ (Iceland) - ਗ੍ਰੇਟ ਬ੍ਰਿਟੇਨ ਤੋਂ ਬਾਅਦ ਇਹ ਯੂਰਪ ਦਾ ਸਭ ਤੋਂ ਵੱਡਾ ਟਾਪੂ ਹੈ। ਇਥੇ ਜੂਨ ਦੇ ਮਹੀਨੇ ਵਿਚ ਸੂਰਜ ਡੁੱਬਦਾ ਨਹੀਂ ਹੈ। ਇੱਥੇ ਤੁਸੀਂ ਅੱਧੀ ਰਾਤ ਨੂੰ ਵੀ ਸੂਰਜ ਦੀ ਰੌਸ਼ਨੀ ਦਾ ਅਨੰਦ ਲੈ ਸਕਦੇ ਹੋ।
ਸਵੀਡਨ ( Sweden) : ਮਈ ਦੀ ਸ਼ੁਰੂਆਤ ਤੋਂ ਅਗਸਤ ਦੇ ਅਖੀਰ ਤਕ ਸਵੀਡਨ 'ਚ ਅੱਧੀ ਰਾਤ ਵੇਲੇ ਸੂਰਜ ਡੁੱਬਦਾ ਹੈ ਤੇ ਫਿਰ ਸਵੇਰੇ 4 ਵਜੇ ਇੱਥੇ ਸੂਰਜ ਚੜ੍ਹ ਜਾਂਦਾ ਹੈ। ਇੱਥੇ ਕਰੀਬ 6 ਮਹੀਨੇ ਤਕ ਲਗਾਤਾਰ ਸੂਰਜ ਚਮਕਣ ਦਾ ਨਜ਼ਾਰਾ ਤੁਸੀਂ ਦੇਖ ਸਕਦੇ ਹੋ। ਇੱਥੇ ਤੁਸੀਂ ਗੋਲਫਿੰਗ, ਫਿਸ਼ਿੰਗ, ਟ੍ਰੈਕਿੰਗ ਵਰਗੀਆਂ ਕਈ ਰੋਮਾਂਚਕ ਗਤੀਵਿਧੀਆਂ 'ਚ ਹਿੱਸਾ ਲੈ ਸਕਦੇ ਹੋ।
ਬੈਰੋ, ਅਲਾਸਕਾ (Alaska) - ਇੱਥੇ ਸੂਰਜ ਮਈ ਦੇ ਅਖੀਰ ਤੋਂ ਜੁਲਾਈ ਦੇ ਅਖੀਰ ਤੱਕ ਨਹੀਂ ਡੁੱਬਦਾ। ਪਰ ਨਵੰਬਰ ਦੀ ਸ਼ੁਰੂਆਤ ਤੋਂ, ਅਗਲੇ 30 ਦਿਨਾਂ ਲਈ ਇੱਥੇ ਰਾਤ ਹੁੰਦੀ ਹੈ। ਇਸ ਨੂੰ ਪੋਲਰ ਨਾਈਟ ਵੀ ਕਿਹਾ ਜਾਂਦਾ ਹੈ। ਇਹ ਜਗ੍ਹਾ ਬਰਫ਼ ਨਾਲ ਢੱਕੇ ਪਹਾੜਾਂ ਅਤੇ ਸੁੰਦਰ ਗਲੇਸ਼ੀਅਰਾਂ ਲਈ ਵਿਸ਼ਵ ਪ੍ਰਸਿੱਧ ਹੈ। ਤੁਸੀਂ ਇੱਥੇ ਜਾ ਕੇ ਇਸਦੀ ਸੁੰਦਰਤਾ ਦਾ ਅਨੰਦ ਵੀ ਲੈ ਸਕਦੇ ਹੋ।
ਫਿਨਲੈਂਡ ( Finland) ਹਜ਼ਾਰਾਂ ਝੀਲਾਂ ਅਤੇ ਟਾਪੂਆਂ ਨਾਲ ਸਜਿਆ ਇਹ ਦੇਸ਼ ਬਹੁਤ ਸੁੰਦਰ ਹੈ। ਗਰਮੀਆਂ ਦੇ ਮੌਸਮ ਵਿੱਚ, ਸੂਰਜ ਇੱਥੇ ਲਗਭਗ 73 ਦਿਨਾਂ ਤੱਕ ਆਪਣੀ ਰੋਸ਼ਨੀ ਫੈਲਾਉਂਦਾ ਹੈ। ਇੱਥੇ ਤੁਹਾਨੂੰ ਉੱਤਰੀ ਲਾਈਟਾਂ ਦਾ ਅਨੰਦ ਲੈਣ ਦਾ ਮੌਕਾ ਮਿਲਦਾ ਹੈ। ਇਸ ਤੋਂ ਇਲਾਵਾ, ਤੁਸੀਂ ਫਿਨਲੈਂਡ ਵਿੱਚ ਸਕੀਇੰਗ ਦੇ ਨਾਲ ਨਾਲ ਇੱਕ ਗਲਾਸ ਇਗਲੂ ਵਿੱਚ ਰਹਿਣ ਦਾ ਅਨੁਭਵ ਵੀ ਕਰ ਸਕਦੇ ਹੋ।
ਨਾਰਵੇ (Norway) ਨਾਰਵੇ ਆਰਕਟਿਕ ਸਰਕਲ ਦੇ ਅੰਦਰ ਆਉਂਦਾ ਹੈ। ਇਸ ਦੇਸ਼ ਨੂੰ ਅੱਧੀ ਰਾਤ ਸੂਰਜ ਦੀ ਧਰਤੀ ਵੀ ਕਿਹਾ ਜਾਂਦਾ ਹੈ। ਇੱਥੇ ਮਈ ਅਤੇ ਜੁਲਾਈ ਦੇ ਵਿਚਕਾਰ ਲਗਭਗ 76 ਦਿਨ ਸੂਰਜ ਨਹੀਂ ਡੁੱਬਦਾ। ਨਾਰਵੇ ਦੇ ਸਵਾਲਬਾਰਡ ਵਿੱਚ, ਸੂਰਜ 10 ਅਪ੍ਰੈਲ ਤੋਂ 23 ਅਗਸਤ ਤੱਕ ਨਿਰੰਤਰ ਚਮਕਦਾ ਹੈ। ਤੁਸੀਂ ਉੱਥੇ ਜਾ ਕੇ ਇਸਦਾ ਅਨੰਦ ਲੈ ਸਕਦੇ ਹੋ।
ਹੋਰ ਵੀ ਪੜ੍ਹੋ: ਕੰਗਨਾ ਰਣੌਤ ਨੂੰ ਝਟਕਾ, ਬੰਬੇ ਹਾਈ ਕੋਰਟ ਨੇ ਮਾਣਹਾਨੀ ਦਾ ਕੇਸ ਰੱਦ ਕਰਨ ਦੀ ਪਟੀਸ਼ਨ ਕੀਤੀ ਖਾਰਜ