78 ਹਸਪਤਾਲ ’ਚ ਭਰਤੀ
International News: ਅਧਿਕਾਰੀਆਂ ਨੇ ਦਸਿਆ ਕਿ ਜ਼ਾਂਜ਼ੀਬਾਰ ਟਾਪੂ ਸਮੂਹ ਦੇ ਪੇਂਬਾ ਟਾਪੂ ’ਤੇ ਸਮੁੰਦਰੀ ਕੱਛੂਆਂ ਦਾ ਮਾਸ ਖਾਣ ਨਾਲ 8 ਬੱਚਿਆਂ ਅਤੇ ਇਕ ਔਰਤ ਦੀ ਮੌਤ ਹੋ ਗਈ ਅਤੇ 78 ਹੋਰਾਂ ਨੂੰ ਹਸਪਤਾਲ ’ਚ ਭਰਤੀ ਕਰਵਾਇਆ ਗਿਆ ਹੈ। ਅਧਿਕਾਰੀਆਂ ਨੇ ਸਨਿਚਰਵਾਰ ਨੂੰ ਇਹ ਜਾਣਕਾਰੀ ਦਿਤੀ। ਜ਼ਾਂਜ਼ੀਬਾਰ ਦੇ ਲੋਕ ਸਮੁੰਦਰੀ ਕੱਛੂਆਂ ਦਾ ਮਾਸ ਬਹੁਤ ਉਤਸ਼ਾਹ ਨਾਲ ਖਾਂਦੇ ਹਨ, ਇਸ ਤੱਥ ਦੇ ਬਾਵਜੂਦ ਕਿ ਭੋਜਨ ਜ਼ਹਿਰੀਲੇਪਣ ਕਾਰਨ ਮੌਤਾਂ ਅਕਸਰ ਰੀਪੋਰਟ ਕੀਤੀਆਂ ਜਾਂਦੀਆਂ ਹਨ।
ਮਕੋਆਨੀ ਦੇ ਜ਼ਿਲ੍ਹਾ ਮੈਡੀਕਲ ਅਧਿਕਾਰੀ ਡਾ. ਹਾਜੀ ਬਾਕਰੀ ਨੇ ਦਸਿਆ ਕਿ ਸ਼ੁਕਰਵਾਰ ਦੇਰ ਰਾਤ ਜ਼ਹਿਰੀਲਾ ਭੋਜਨ ਖਾਣ ਨਾਲ ਇਕ ਔਰਤ ਦੀ ਮੌਤ ਹੋ ਗਈ। ਉਨ੍ਹਾਂ ਕਿਹਾ ਕਿ ਸਮੁੰਦਰੀ ਕੱਛੂਆਂ ਦਾ ਮਾਸ ਖਾਣ ਤੋਂ ਬਾਅਦ ਮਰਨ ਵਾਲੇ ਬੱਚਿਆਂ ਵਿਚ ਇਸ ਔਰਤ ਦਾ ਇਕ ਬੱਚਾ ਵੀ ਸ਼ਾਮਲ ਹੈ।
ਉਨ੍ਹਾਂ ਦਸਿਆ ਕਿ ਇਨ੍ਹਾਂ ਲੋਕਾਂ ਨੇ ਮੰਗਲਵਾਰ ਨੂੰ ਕੱਛੂਆਂ ਦਾ ਮਾਸ ਖਾਧਾ ਸੀ। ਬਾਕਰੀ ਨੇ ਦਸਿਆ ਕਿ ਪ੍ਰਯੋਗਸ਼ਾਲਾ ਜਾਂਚ ’ਚ ਪੁਸ਼ਟੀ ਹੋਈ ਹੈ ਕਿ ਉਨ੍ਹਾਂ ਨੇ ਸਮੁੰਦਰੀ ਕੱਛੂਆਂ ਦਾ ਮਾਸ ਖਾਧਾ ਸੀ। ਪੂਰਬੀ ਅਫਰੀਕੀ ਦੇਸ਼ ਤਨਜ਼ਾਨੀਆ ਦੇ ਅਰਧ-ਖੁਦਮੁਖਤਿਆਰ ਖੇਤਰ ਜ਼ਾਂਜ਼ੀਬਾਰ ਦੇ ਅਧਿਕਾਰੀਆਂ ਨੇ ਇਕ ਆਫ਼ਤ ਪ੍ਰਬੰਧਨ ਟੀਮ ਭੇਜੀ ਹੈ, ਜਿਸ ਨੇ ਲੋਕਾਂ ਨੂੰ ਸਮੁੰਦਰੀ ਕੱਛੂਆਂ ਦਾ ਮਾਸ ਨਾ ਖਾਣ ਦੀ ਅਪੀਲ ਕੀਤੀ ਹੈ। ਨਵੰਬਰ 2021 ’ਚ, ਪੇਂਬਾ ’ਚ ਕੱਛੂਆਂ ਦਾ ਮਾਸ ਖਾਣ ਤੋਂ ਬਾਅਦ ਤਿੰਨ ਸਾਲ ਦੇ ਬੱਚੇ ਸਮੇਤ ਸੱਤ ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ ਤਿੰਨ ਹੋਰਾਂ ਨੂੰ ਹਸਪਤਾਲ ’ਚ ਦਾਖਲ ਕਰਵਾਇਆ ਗਿਆ ਸੀ।
(For more Punjabi news apart from International News 9 died in Zanzibar after eating sea turtle meat, stay tuned to Rozana Spokesman)
