ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਦਾ ਦੋਹਤਾ ਜੁਨੈਦ ਸਫ਼ਦਰ ਰਾਜਨੀਤੀ ਵਿਚ ਕਦਮ ਰੱਖ ਰਿਹਾ ਹੈ।
ਲਾਹੌਰ : ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਦਾ ਦੋਹਤਾ ਜੁਨੈਦ ਸਫ਼ਦਰ ਰਾਜਨੀਤੀ ਵਿਚ ਕਦਮ ਰੱਖ ਰਿਹਾ ਹੈ। ਸ਼ਰੀਫ ਪਰਵਾਰ ਦੀ ਤੀਜੀ ਪੀੜ੍ਹੀ ਤੋਂ ਸਰਗਰਮ ਰਾਜਨੀਤੀ ਵਿਚ ਕਦਮ ਰੱਖਣ ਵਾਲੇ ਜੁਨੈਦ ਪਹਿਲੇ ਮੈਂਬਰ ਹਨ।
ਇਕ ਅੰਗਰੇਜ਼ੀ ਅਖ਼ਬਾਰ ਦੀ ਖ਼ਬਰ ਮੁਤਾਬਕ ਮਰੀਅਮ ਨਵਾਜ਼ ਅਤੇ ਕੈਪਟਨ ਮੁਹੰਮਦ ਸਫ਼ਦਰ ਦੇ ਬੇਟੇ ਜੁਨੈਦ ਅਜਕਲ੍ਹ ਪਾਕਿਸਾਤਨ ਮੁਸਲਿਮ ਲੀਗ-ਨਵਾਜ਼ ਦੇ ਕਾਰਜ ਕਰਤਾਵਾਂ ਨਾਲ ਮਿਲ ਰਹੇ ਹਨ। ਖ਼ਬਰ ਮੁਤਾਬਕ ਸ਼ਰੀਫ ਦੇ ਘਰ ਦੇ ਆਲੇ-ਦੁਆਲੇ ਜੁਨੈਦ ਦੀਆਂ ਤਸਵੀਰਾਂ ਵਾਲੇ ਪੋਸਟਰ ਆਦਿ ਲੱਗੇ ਹੋਏ ਹਨ। ਸੂਤਰਾਂ ਦਾ ਕਹਿਣਾ ਹੈ ਕਿ ਬਹੁਤ ਨੌਜਵਾਨ ਜੁਨੈਦ ਫ਼ਿਲਹਾਲ ਅਪਣੇ ਨਾਨਾ ਨਵਾਜ਼ ਸ਼ਰੀਫ਼ ਤੋਂ ਰਾਜਨੀਤੀ ਦੀ ਸਿਖਿਆ ਲੈ ਰਹੇ ਹਨ।