ਖੁਸ਼ਹਾਲ ਦੇਸ਼ ਭੂਟਾਨ ਦੇ ਪੀਐਮ ਹਫਤੇ ਦੇ ਆਖਰੀ ਦਿਨਾਂ ਵਿਚ ਬਣਦੇ ਹਨ ਡਾਕਟਰ
Published : May 10, 2019, 11:38 am IST
Updated : Apr 10, 2020, 8:36 am IST
SHARE ARTICLE
Bhutan PM Lotay Tshering at Hospital
Bhutan PM Lotay Tshering at Hospital

ਦੁਨੀਆ ਭਰ ਵਿਚ ਖੁਸ਼ਹਾਲੀ ਲਈ ਪ੍ਰਸਿੱਧ ਦੇਸ਼ ਭੂਟਾਨ ਦੇ ਪ੍ਰਧਾਨ ਮੰਤਰੀ ਦਾ ਅਪਣੇ ਆਪ ਨੂੰ ਤਣਾਅ ਮੁਕਤ ਰੱਖਣ ਦਾ ਤਰੀਕਾ ਸਭ ਤੋਂ ਅਲੱਗ ਹੈ।

ਭੂਟਾਨ: ਦੌੜ ਭਰੀ ਇਸ ਜ਼ਿੰਦਗੀ ਵਿਚ ਅਪਣੇ ਆਪ ਨੂੰ ਤਣਾਅ ਮੁਕਤ ਕਰਨ ਲਈ ਲੋਕ ਕਈ ਤਰ੍ਹਾਂ ਦੇ ਯਤਨ ਕਰਦੇ ਹਨ ਪਰ ਦੁਨੀਆ ਭਰ ਵਿਚ ਖੁਸ਼ਹਾਲੀ ਲਈ ਪ੍ਰਸਿੱਧ ਦੇਸ਼ ਭੂਟਾਨ ਦੇ ਪ੍ਰਧਾਨ ਮੰਤਰੀ ਦਾ ਅਪਣੇ ਆਪ ਨੂੰ ਤਣਾਅ ਮੁਕਤ ਰੱਖਣ ਦਾ ਤਰੀਕਾ ਸਭ ਤੋਂ ਅਲੱਗ ਹੈ। ਦਰਅਸਲ ਭੂਟਾਨ ਦੇਸ਼ ਦੇ ਪ੍ਰਧਾਨ ਮੰਤਰੀ ਲੋਟੇ ਸ਼ੈਰਿੰਗ (Lotay Tshering) ਤਣਾਅ ਘੱਟ ਕਰਨ ਲਈ ਡਾਕਟਰ ਦੇ ਰੂਪ ਵਿਚ ਸੇਵਾਵਾਂ ਦਿੰਦੇ ਹਨ ਅਤੇ ਮਰੀਜਾਂ ਦੀ ਸਰਜਰੀ ਕਰਦੇ ਹਨ।

ਸ਼ੈਰਿੰਗ ਪਿਛਲੇ ਸਾਲ ਦੇਸ਼ ਦੇ ਪ੍ਰਧਾਨ ਮੰਤਰੀ ਚੁਣੇ ਗਏ ਸਨ। ਉਹਨਾਂ ਕਿਹਾ ਕਿ ਇਹ ਉਹਨਾਂ ਲਈ ਤਣਾਅ ਘੱਟ ਕਰਨ ਦਾ ਸਭ ਤੋਂ ਵਧੀਆ ਤਰੀਕਾ ਹੈ। 50 ਸਾਲਾਂ ਸ਼ੈਰਿੰਗ ਨੇ ਕਿਹਾ ਕਿ ਤਣਾਅ ਘੱਟ ਕਰਨ ਲਈ ਕੁਝ ਲੋਕ ਗੌਲਫ ਖੇਡਦੇ ਹਨ, ਕੁਝ ਤੀਰਅੰਦਾਜ਼ੀ ਕਰਦੇ ਹਨ ਪਰ ਉਹਨਾਂ ਨੂੰ ਆਪਰੇਸ਼ਨ ਕਰਨਾ ਵਧੀਆ ਲੱਗਦਾ ਹੈ। ਇਸੇ ਲਈ ਉਹ ਹਫਤੇ ਦੇ ਆਖਰੀ ਦਿਨ ਹਸਪਤਾਲ ਵਿਚ ਬਤੀਤ ਕਰਦੇ ਹਨ। ਹਸਪਤਾਲ ਦਾ ਕੋਈ ਵੀ ਕਰਮਚਾਰੀ ਪ੍ਰਧਾਨ ਮੰਤਰੀ ਨੂੰ ਦੇਖ ਕੇ ਹੈਰਾਨ ਨਹੀਂ ਹੁੰਦਾ।

ਭੂਟਾਨ ਵਿਚ ਸ਼ੈਰਿੰਗ ਦਾ ਹਸਪਤਾਲ ਵਿਚ ਸੇਵਾਵਾਂ ਪ੍ਰਦਾਨ ਕਰਨਾ ਆਮ ਗੱਲ ਹੈ। ਪੀਐਮ ਸ਼ੈਰਿੰਗ ਆਮ ਡਾਕਟਰਾਂ ਵਾਂਗ ਲੈਬ ਕੋਟ ਪਾਉਂਦੇ ਹਨ ਅਤੇ ਹਸਪਤਾਲ ਦੀਆਂ ਨਰਸਾਂ ਵੀ ਉਹਨਾਂ ਨਾਲ ਆਮ ਵਰਤਾਅ ਕਰਦੀਆਂ ਹਨ। ਭੂਟਾਨ ਕਈ ਮਾਮਲਿਆਂ ਵਿਚ ਦੁਨੀਆ ਦੇ ਹੋਰ ਦੇਸ਼ਾਂ ਤੋਂ ਅਲੱਗ ਹੈ। ਭੂਟਾਨ ਆਰਥਿਕ ਵਿਕਾਸ ਦੀ ਬਜਾਏ ਖੁਸ਼ਹਾਲੀ ‘ਤੇ ਧਿਆਨ ਕੇਂਦਰਿਤ ਕਰਨ ਨੂੰ ਪਹਿਲ ਦਿੰਦਾ ਹੈ। ਇਸਦੀ ਸਮੁੱਚੀ ਰਾਸ਼ਟਰੀ ਖੁਸ਼ਹਾਲੀ ਦਾ ਇਕ ਵੱਡਾ ਕਾਰਨ ਵਾਤਾਵਰਨ ਸੁਰੱਖਿਆ ਹੈ।

ਭੂਟਾਨ ਕਾਰਬਨ ਨੈਗੇਟਿਵ ਦੇਸ਼ ਹੈ ਅਤੇ ਇਸਦਾ ਸੰਵਿਧਾਨ ਕਹਿੰਦਾ ਹੈ ਕਿ ਦੇਸ਼ ਦਾ 60ਫੀਸਦੀ ਹਿੱਸਾ ਜੰਗਲ ਹੈ। ਭੂਟਾਨ ਇਕ ਵਾਤਾਵਰਣ ਯਾਤਰਾ ਵਾਲਾ ਵਿਸ਼ਾਲ ਦੇਸ਼ ਹੈ ਅਤੇ ਯਾਤਰਾ ਦੇ ਸਮੇਂ ਇਕ ਯਾਤਰੀ ਕੋਲੋਂ ਇਕ ਦਿਨ ਦੇ 250 ਡਾਲਰ ਫੀਸ ਵਜੋਂ ਲਏ ਜਾਂਦੇ ਹਨ। ਭੂਟਾਨ ਦੀ ਰਾਜਧਾਨੀ ਵਿਚ ਕੋਈ ਟ੍ਰੈਫਿਕ ਲਾਈਟ ਨਹੀਂ ਹੈ, ਇਥੇ ਤੰਬਾਕੂ ਦੀ ਵਿਕਰੀ ‘ਤੇ ਪਾਬੰਧੀ ਹੈ ਅਤੇ 1999 ਵਿਚ ਇਥੇ ਟੈਲੀਵਿਜ਼ਨ ਦੀ ਵੀ ਮੰਨਜ਼ੂਰੀ ਨਹੀਂ ਸੀ।

ਸ਼ੈਰਿੰਗ ਨੇ ਕਿਹਾ ਕਿ ਡਾਕਟਰੀ ਸੇਵਾ ਨਿਭਾਉਣਾ ਉਹਨਾਂ ਨੂੰ ਉਹਨਾਂ ਵੱਲੋਂ ਚੁਕੀ ਗਈ ਸਹੁੰ ਦੀ ਯਾਦ ਦਿਵਾਉਂਦਾ ਹੈ। ਹਸਪਤਾਲ ਵਿਚ ਸ਼ੈਰਿੰਗ ਨੇ ਇਕ 40 ਸਾਲਾਂ ਮਰੀਜ਼ ਦੀ ਸਰਜਰੀ ਕੀਤੀ ਸੀ ਅਤੇ ਉਹ ਮਰੀਜ ਇਸ ਨਤੀਜੇ ਤੋਂ ਖੁਸ਼ ਹਨ। ਮਰੀਜ ਦਾ ਕਹਿਣਾ ਹੈ ਕਿ ਉਸਦਾ ਇਲਾਜ ਪ੍ਰਧਾਨ ਮੰਤਰੀ ਵੱਲੋਂ ਕੀਤਾ ਗਿਆ ਹੈ ਜੋ ਕਿ ਦੇਸ਼ ਦੇ ਸਭ ਤੋਂ ਵਧੀਆ ਡਾਕਟਰ ਮੰਨੇ ਜਾਂਦੇ ਹਨ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਅਜਿਹਾ ਉਹ ਮਰਦੇ ਦਮ ਤੱਕ ਕਰਦੇ ਰਹਿਣਗੇ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Punjab Flood Emotional Video : ਮੀਂਹ ਨਾਲ ਚੋਂਦੀ ਛੱਤ ਥੱਲੇ ਬੈਠੀ ਬਜ਼ੁਰਗ ਮਾਤਾ, ਹਾਲਾਤ ਦੱਸਦਿਆਂ ਰੋ ਪਈ

29 Aug 2025 3:12 PM

Flood News : Madhopur ਹੈੱਡ ਵਰਕਸ ਦੇ ਕਿਉਂ ਟੁੱਟੇ Flood Gate? ਹੁਣ ਕਿੰਝ ਕਾਬੂ ਹੋਵੇਗਾ Ravi River ਦਾ ਪਾਣੀ ?

29 Aug 2025 3:11 PM

kartik baggan murder Case : ਦੇਖੋ ਕਿਵੇਂ ਕੀਤਾ ਗਿਆ Ludhiana Influencer Kartik Baggan ਦਾ murder

28 Aug 2025 2:56 PM

Punjab Flood Rescue Operation : ਲੋਕਾਂ ਦੀ ਜਾਨ ਬਚਾਉਣ ਲਈ ਪਾਣੀ 'ਚ ਉਤਰਿਆ ਫੌਜ ਦਾ 'HULK'

28 Aug 2025 2:55 PM

Gurdwara Sri Kartarpur Sahib completely submerged in water after heavy rain Pakistan|Punjab Floods

27 Aug 2025 3:16 PM
Advertisement