ਪੋਪ ਨੇ ਪਰਿਵਾਰਾਂ ਦੀ ਮਦਦ ਲਈ ਲੰਬੀ ਮਿਆਦ ਦੀਆਂ ਨੀਤੀਆਂ ਦੀ ਵੀ ਮੰਗ ਕੀਤੀ।

Italy News: ਪੋਪ ਫਰਾਂਸਿਸ ਨੇ ਇਟਲੀ ਦੇ ਲੋਕਾਂ ਨੂੰ ਵਧੇਰੇ ਬੱਚੇ ਪੈਦਾ ਕਰਨ ਦੀ ਅਪੀਲ ਕੀਤੀ ਹੈ ਅਤੇ ਚਿਤਾਵਨੀ ਦਿਤੀ ਕਿ ਦੇਸ਼ ਦਾ ਜਨਸੰਖਿਆ ਸੰਕਟ ਭਵਿੱਖ ਲਈ ਖਤਰਾ ਹੈ। ਪੋਪ ਨੇ ਪਰਿਵਾਰਾਂ ਦੀ ਮਦਦ ਲਈ ਲੰਬੀ ਮਿਆਦ ਦੀਆਂ ਨੀਤੀਆਂ ਦੀ ਵੀ ਮੰਗ ਕੀਤੀ।

 ਉਨ੍ਹਾਂ ਕਿਹਾ, “ਜਨਮ ਦੀ ਗਿਣਤੀ ਲੋਕਾਂ ਦੀਆਂ ਉਮੀਦਾਂ ਨੂੰ ਦਰਸਾਉਂਦੀ ਹੈ। ਬੱਚਿਆਂ ਅਤੇ ਨੌਜਵਾਨਾਂ ਤੋਂ ਬਿਨਾਂ ਦੇਸ਼ ਦੀ ਭਵਿੱਖ ਲਈ ਕੋਈ ਇੱਛਾ ਨਹੀਂ ਰਹਿ ਜਾਂਦੀ। ’’ ਇਟਲੀ ਵਿਚ ਜਨਮ ਦਰ ਪਹਿਲਾਂ ਹੀ ਕਾਫ਼ੀ ਘੱਟ ਹੈ ਅਤੇ ਇਹ 15 ਸਾਲਾਂ ਤੋਂ ਲਗਾਤਾਰ ਡਿੱਗ ਰਹੀ ਹੈ। ਇਹ ਪਿਛਲੇ ਸਾਲ ਰਿਕਾਰਡ ਹੇਠਲੇ ਪੱਧਰ 'ਤੇ ਪਹੁੰਚ ਗਈ। ਪਿਛਲੇ ਸਾਲ ਦੇਸ਼ 'ਚ 3,79,000 ਬੱਚਿਆਂ ਦਾ ਜਨਮ ਹੋਇਆ ਸੀ।

ਵੈਟੀਕਨ ਦੇ ਮਜ਼ਬੂਤ ਸਮਰਥਨ ਨਾਲ, ਇਟਲੀ ਦੀ ਪ੍ਰਧਾਨ ਮੰਤਰੀ ਜੌਰਜੀਆ ਮੇਲੋਨੀ ਦੀ ਸਰਕਾਰ ਨੇ 2033 ਤਕ ਸਾਲਾਨਾ ਘੱਟੋ ਘੱਟ 5,00,000 ਬੱਚਿਆਂ ਦੇ ਜਨਮ ਨੂੰ ਉਤਸ਼ਾਹਤ ਕਰਨ ਲਈ ਇਕ ਮੁਹਿੰਮ ਸ਼ੁਰੂ ਕੀਤੀ ਹੈ।

ਆਬਾਦੀ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਟਲੀ ਦੀ ਆਰਥਿਕਤਾ ਨੂੰ ਇਸ ਦੀ ਵਧਦੀ ਆਬਾਦੀ ਦੇ ਬੋਝ ਹੇਠ ਡਿੱਗਣ ਤੋਂ ਰੋਕਣ ਲਈ ਇਹ ਦਰ ਜ਼ਰੂਰੀ ਹੈ। ਪੋਪ ਨੇ ਜੋੜਿਆਂ ਨੂੰ ਵਧੇਰੇ ਬੱਚੇ ਪੈਦਾ ਕਰਨ ਲਈ ਉਤਸ਼ਾਹਤ ਕਰਨ ਲਈ ਲੰਬੀ ਮਿਆਦ ਦੀਆਂ ਨੀਤੀਆਂ ਦੀ ਵੀ ਮੰਗ ਕੀਤੀ।

(For more Punjabi news apart from Pope urges Italians to have more babies to tackle low birth rate, stay tuned to Rozana Spokesman)