ਅਮਰੀਕਾ ਦੇ ਦੱਖਣੀ ਕੈਲੀਫੋਰਨੀਆ ਬਾਰ ਵਿਚ ਇਕ ਬੰਦੂਕਧਾਰੀ ਦੇ 12 ਲੋਕਾਂ ਨੂੰ ਮਾਰਨ ਦੇ ਮਾਮਲੇ ਵਿਚ ਅਧਿਕਾਰੀ ਹੁਣ ਵੀ ਜਾਂਚ ਵਿਚ ਲੱਗੇ ਹੋਏ ਹਨ...
ਕੈਲੀਫੋਰਨੀਆ : (ਭਾਸ਼ਾ) ਅਮਰੀਕਾ ਦੇ ਦੱਖਣੀ ਕੈਲੀਫੋਰਨੀਆ ਬਾਰ ਵਿਚ ਇਕ ਬੰਦੂਕਧਾਰੀ ਦੇ 12 ਲੋਕਾਂ ਨੂੰ ਮਾਰਨ ਦੇ ਮਾਮਲੇ ਵਿਚ ਅਧਿਕਾਰੀ ਹੁਣ ਵੀ ਜਾਂਚ ਵਿਚ ਲੱਗੇ ਹੋਏ ਹਨ। ਪ੍ਰਸ਼ਾਸਨ ਇਹ ਪਤਾ ਲਗਾਉਣ ਵਿਚ ਲਗਿਆ ਹੋਇਆ ਹੈ ਕਿ ਅਖੀਰ ਉਸਨੇ ਅੰਨ੍ਹੇਵਾਹ ਫਾਈਰਿੰਗ ਕਿਉਂ ਕੀਤੀ। ਅਧਿਕਾਰੀ ਨੇ ਅਪਣੀ ਜਾਂਚ ਨੂੰ ਲੈ ਕੇ ਜਨਤਕ ਤੌਰ 'ਤੇ ਕੁਝ ਨਹੀਂ ਕਿਹਾ ਹੈ ਪਰ ਕਤਲੇਆਮ 'ਚ ਉਸ ਦੇ ਵਲੋਂ ਕੀਤੀ ਗਈ ਇਕ ਇੰਸਟਾਗ੍ਰਾਮ ਪੋਸਟ ਨੂੰ ਲੈ ਕੇ ਜਾਂਚ ਕੀਤੀ ਜਾ ਰਹੀ ਹੈ। ਸੋਸ਼ਲ ਮੀਡੀਆ ਪਲੈਟਫਾਰਮਸ ਨੇ ਉਸ ਨੂੰ ਅਤੇ ਹੋਰ ਪੋਸਟਾਂ ਨੂੰ ਹਟਾ ਦਿਤਾ ਹੈ, ਜੋ ਬੁੱਧਵਾਰ ਨੂੰ ਹੋਏ ਕਤਲੇਆਮ ਨਾਲ ਜੁਡ਼ੀਆਂ ਸਨ ਪਰ
ਕਾਨੂੰਨੀ ਏਜੰਸੀ ਨਾਲ ਜੁਡ਼ੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਆਰੋਪੀ ਇਆਨ ਡੇਵਿਡ ਲੌਂਗ ਨੇ ਅਪਣੀ ਮਾਨਸਿਕ ਹਾਲਤ ਦੇ ਬਾਰੇ ਪੋਸਟ ਕੀਤਾ ਸੀ, ਜਦੋਂ ਕਿ ਲੋਕ ਉਸ ਨੂੰ ਸਮਝਦਾਰ ਸਮਝ ਰਹੇ ਹਨ। ਇਕ ਹੋਰ ਅਧਿਕਾਰੀ ਨੇ ਨਾਮ ਨਾ ਦੱਸਣ ਦੀ ਸ਼ਰਤ 'ਤੇ ਦੱਸਿਆ ਕਿ ਅਧਿਕਾਰੀ ਤੋਂ ਇਸ ਗੱਲ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਉਸ ਦੀ ਸਾਬਕਾ ਗਰਲਫ੍ਰੈਂਡ ਬਾਰਡਰਲਾਈਨ ਬਾਰ ਐਂਡ ਗ੍ਰਿਲ ਵਿਚ ਮੌਜੂਦ ਸੀ ਜਾਂ ਨਹੀਂ। ਇਕ ਹੋਰ ਅਫ਼ਸਰ ਗਾਰੋ ਕੁਰੇਦਜਿਆਨ ਨੇ ਕਿਹਾ ਕਿ ਸਮੇਂ ਦੇ ਆਧਾਰ 'ਤੇ ਵੇਖੋ ਤਾਂ ਪਤਾ ਚਲਦਾ ਹੈ ਕਿ ਸ਼ੂਟਰ ਨੇ ਬਾਰ 'ਚ ਵਿੱਚ ਵਿੱਚ ਫਾਈਰਿੰਗ ਰੋਕ ਕੇ ਇੰਸਟਾਗ੍ਰਾਮ ਉਤੇ ਇਕ ਪੋਸਟ ਵੀ ਕੀਤੀ ਸੀ।
ਕੁਰੇਦਜਿਆਨ ਨੇ ਕਿਹਾ ਕਿ ਉਹ ਇਹ ਨਹੀਂ ਜਾਣਦੇ ਕਿ ਉਸਨੇ ਕਿਸ ਪੋਸਟ ਵਿਚ ਕੀ ਲਿਖਿਆ ਸੀ। ਆਮ ਤੌਰ 'ਤੇ ਇੰਸਟਾਗ੍ਰਾਮ ਅਤੇ ਫੇਸਬੁਕ ਕਿਸੇ ਦੇ ਨਿਜੀ ਅਕਾਉਂਟ ਨੂੰ ਲੈ ਕੇ ਜਾਣਕਾਰੀ ਨਹੀਂ ਦਿੰਦੇ ਅਤੇ ਕਿਸੇ ਸਵਾਲ ਦਾ ਜਵਾਬ ਨਹੀਂ ਦਿੰਦੇ। ਅਧਿਕਾਰੀ ਨੇ ਇਸ ਹਮਲੇ ਨੂੰ ਫੌਜੀ ਯੋਗਤਾ ਦੇ ਨਾਲ ਕੀਤਾ ਗਿਆ ਹਮਲਾ ਕਰਾਰ ਦਿਤਾ ਹੈ। ਇਸ ਦੀ ਵਜ੍ਹਾ ਇਹ ਹੈ ਕਿ ਹਮਲਾਵਰ ਨੇ ਜਿਸ ਉਤੇ ਵੀ ਫਾਈਰਿੰਗ ਕੀਤੀ, ਉਸ ਦੀ ਮੌਤ ਹੋ ਗਈ। ਹਮਲੇ ਵਿਚ ਕੋਈ ਵੀ ਜ਼ਖ਼ਮੀ ਨਹੀਂ ਹੈ। ਇਹਨਾਂ ਹੀ ਨਹੀਂ ਜਦੋਂ ਪੁਲਸਕਰਮੀ ਉਸ ਦੇ ਕੋਲ ਪੁੱਜੇ ਤਾਂ ਉਸ ਨੇ ਅਪਣੇ ਆਪ ਨੂੰ ਹੀ ਗੋਲੀ ਮਾਰ ਲਈ।