ਚੀਨ ਵਿਚ ਇਕ ਵਾਰ ਫਿਰ ਕੋਰੋਨਾਵਾਇਰਸ ਦਾ ਨਵਾਂ ਸਮੂਹ ਮਿਲਿਆ ਹੈ।
ਬੀਜਿੰਗ: ਚੀਨ ਵਿਚ ਇਕ ਵਾਰ ਫਿਰ ਕੋਰੋਨਾਵਾਇਰਸ ਦੇ ਨਵੇਂ ਕੇਸ ਮਿਲੇ ਹਨ। ਚੀਨ ਦੀ ਸਰਕਾਰ ਨੇ ਰੂਸ ਦੀ ਸਰਹੱਦ ਦੇ ਨਜ਼ਦੀਕ ਜਿਲੀਨ ਸੂਬੇ ਦੇ ਸ਼ੂਲਨ ਸ਼ਹਿਰ ਵਿੱਚ 17 ਵਿਅਕਤੀਆਂ ਦੇ ਲਾਗ ਲੱਗਣ ਤੋਂ ਬਾਅਦ ਬਿਨਾਂ ਦੇਰੀ ਕੀਤੇ ਸ਼ਹਿਰ ਵਿੱਚ ਤਾਲਾਬੰਦੀ ਅਤੇ ਯਾਤਰਾ ਪਾਬੰਦੀਆਂ ਦਾ ਐਲਾਨ ਕੀਤਾ ਹੈ।
photo
ਮਿਲੀ ਜਾਣਕਾਰੀ ਦੇ ਅਨੁਸਾਰ, ਇਹ ਸੰਕਰਮ ਇਕੋ ਸਰੋਤ ਤੋਂ ਫੈਲਿਆ ਹੈ ਅਤੇ ਫਿਲਹਾਲ ਇਹ ਲਾਗ ਕਿੰਨੀ ਦੂਰ ਪਹੁੰਚੀ ਹੈ ਇਸਦੀ ਜਾਂਚ ਕੀਤੀ ਜਾ ਰਹੀ ਹੈ।
ਗਾਰਡੀਅਨ ਦੇ ਅਨੁਸਾਰ ਲਾਗ ਦੇ ਸਾਰੇ ਮਾਮਲੇ ਸ਼ਹਿਰ ਵਿੱਚ ਇੱਕ ਲਾਂਡਰੀ ਨਾਲ ਸਬੰਧਤ ਹਨ ਜੋ ਇੱਕ ਔਰਤ ਦੁਆਰਾ ਚਲਾ ਰਹੀ ਹੈ।
photo
ਸੰਕਰਮਿਤ ਪਾਏ ਗਏ ਸਾਰੇ ਵਿਅਕਤੀ ਇੱਥੋਂ ਕੱਪੜੇ ਧੋਂਦੇ ਸਨ। ਇਸ 45 ਸਾਲਾਂ ਔਰਤ ਦਾ ਕੋਈ ਯਾਤਰਾ ਦਾ ਇਤਿਹਾਸ ਨਹੀਂ ਹੈ। ਔਰਤ ਦੇ ਜ਼ਰੀਏ ਉਸਦੇ ਪਤੀ, ਭੈਣ ਅਤੇ ਕੁਝ ਹੋਰ ਪਰਿਵਾਰਕ ਮੈਂਬਰਾਂ ਨੂੰ ਵੀ ਲਾਗ ਲੱਗ ਗਈ ਹੈ।
photo
ਇਸ ਨਵੇਂ ਸਮੂਹ ਦੇ ਆਉਣ ਤੋਂ ਬਾਅਦ ਸ਼ਹਿਰ ਦੀਆਂ ਸਾਰੀਆਂ ਜਨਤਕ ਥਾਵਾਂ ਨੂੰ ਤੁਰੰਤ ਬੰਦ ਕਰ ਦਿੱਤਾ ਗਿਆ ਹੈ ਅਤੇ ਸ਼ਹਿਰ ਨੂੰ ਉੱਚ ਖਤਰਾ ਸਥਾਨ ਘੋਸ਼ਿਤ ਕੀਤਾ ਗਿਆ ਹੈ।
photo
ਉੱਤਰ ਕੋਰੀਆ ਦੀ ਸਰਹੱਦ ਵੀ ਨੇੜੇ ਹੈ
ਹਾਲਾਂਕਿ ਔਰਤ ਦਾ ਕੋਈ ਯਾਤਰਾ ਇਤਿਹਾਸ ਨਹੀਂ ਮਿਲਿਆ ਹੈ, ਪਰ ਇਸ ਗੱਲ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਰੂਸ ਜਾਂ ਉੱਤਰੀ ਕੋਰੀਆ ਦੇ ਕਿਸੇ ਵੀ ਵਿਅਕਤੀ ਨਾਲ ਮੁਲਾਕਾਤ ਤਾਂ ਨਹੀਂ ਹੋਈ। ਪਿਛਲੇ ਹਫਤੇ ਚੀਨ ਨੇ ਦੇਸ਼ ਦੇ ਸਾਰੇ ਜ਼ਿਲ੍ਹਿਆਂ ਵਿੱਚ ਕੋਰੋਨਾ ਦੀ ਲਾਗ ਦੇ ਮਾਮਲੇ ਵਿੱਚ ਘੱਟ ਖਤਰਾ ਘੋਸ਼ਿਤ ਕੀਤਾ ਸੀ।
PHOTO
ਸ਼ੂਲਨ ਤੋਂ ਇਲਾਵਾ 5 ਹੋਰ ਸਥਾਨਕ ਟਰਾਂਸਮਿਸ਼ਨ ਕੇਸ ਵੀ ਚੀਨ ਵਿੱਚ ਪਾਏ ਗਏ ਹਨ। ਸੀਜੀਟੀਐਨ ਦੇ ਅਨੁਸਾਰ ਸ਼ੂਲਨ ਸ਼ਹਿਰ ਦੇ ਲੋਕਾਂ ਨੂੰ ਘਰਾਂ ਵਿੱਚ ਰਹਿਣ ਦੀ ਅਪੀਲ ਕੀਤੀ ਜਾ ਰਹੀ ਹੈ।
ਵਿਦਿਆਰਥੀਆਂ ਨੂੰ ਸਕੂਲ ਬੰਦ ਹੋਣ ਤੱਕ ਆਨਲਾਈਨ ਕਲਾਸਾਂ ਲਗਾਉਣ ਲਈ ਕਿਹਾ ਗਿਆ ਹੈ। ਸ਼ਹਿਰ ਵਿਚ ਜਨਤਕ ਆਵਾਜਾਈ ਦੇ ਸਾਰੇ ਤਰੀਕਿਆਂ 'ਤੇ ਪਾਬੰਦੀ ਲਗਾਈ ਗਈ ਹੈ।
ਰੂਸ ਤੋਂ ਸੰਕਰਮਣ ਦੀ ਸੰਭਾਵਨਾ ਸਭ ਤੋਂ ਵੱਧ ਹੈ ਕਿਉਂਕਿ ਸਰਕਾਰੀ ਅੰਕੜਿਆਂ ਅਨੁਸਾਰ ਤਕਰੀਬਨ 308 ਲੋਕ ਉਥੋਂ ਚੀਨ ਪਰਤੇ ਹਨ। ਇਨ੍ਹਾਂ ਵਿੱਚੋਂ 8 ਲੋਕ ਲਾਪਤਾ ਹਨ ਜਦੋਂ ਕਿ ਸ਼ੂਲਨ ਵਿੱਚ ਹੀ 300 ਵਿਅਕਤੀਆਂ ਨੂੰ ਕੁਆਰੰਟਾਈਨ ਕੀਤਾ ਗਿਆ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
