ਸਰਕਾਰ ਵੱਲੋਂ ਇਹ ਜਣੇਪਾ ਬਕਸਾ ਯੋਜਨਾ ਸ਼ੁਰੂ ਕਰਨ ਤੋਂ ਕੁਝ ਦਹਾਕਿਆਂ ਬਾਅਦ ਬਾਲ ਮੌਤ ਦਰ ਵਿਚ ਬਹੁਤ ਸੁਧਾਰ ਹੋਇਆ।
ਫਿਨਲੈਂਡ, ( ਭਾਸ਼ਾ ) : ਫਿਨਲੈਂਡ ਦੀ ਸਰਕਾਰ 80 ਸਾਲਾਂ ਤੋਂ ਗਰਭਵਤੀ ਔਰਤਾਂ ਨੂੰ ਤੋਹਫੇ ਦੇ ਤੌਰ 'ਤੇ ਵਿਸੇਸ਼ ਜਣੇਪਾ ਬਕਸਾ ਦੇ ਰਹੀ ਹੈ। ਇਸ ਬਕਸੇ ਵਿਚ ਨਵਜੰਮੇ ਬੱਚੇ ਲਈ ਲੋੜੀਂਦਾ ਸਾਰਾ ਸਮਾਨ ਕਪੜੇ, ਚਾਦਰ ਅਤੇ ਖਿਡੌਣੇ ਹੁੰਦੇ ਹਨ। ਇਹ ਬੱਚਿਆਂ ਦੇ ਪਾਲਨ-ਪੋਸ਼ਣ ਦੀ ਸ਼ੁਰੂਆਤ ਦੀ ਤਰ੍ਹਾਂ ਹੁੰਦਾ ਹੈ। ਇਕ ਸਰਵੇਖਣ ਮੁਤਾਬਕ ਫਿਨਲੈਂਡ ਵਿਚ ਲਗਭਗ 95 ਫ਼ੀ ਸਦੀ ਨਵਜੰਮੇ ਬੱਚੇ ਅਪਣੀ ਪਹਿਲੀ ਨੀਂਦ ਇਸੇ ਬਕਸੇ ਵਿਚ ਲੈਂਦੇ ਹਨ।
Maternity box
ਸੱਭ ਤੋਂ ਪਹਿਲਾਂ ਸਰਕਾਰ ਨੇ 1938 ਵਿਚ ਘੱਟ ਆਮਦਨੀ ਵਾਲੇ ਪਰਵਾਰਾਂ ਨੂੰ ਇਹ ਜਣੇਪਾ ਬਕਸੇ ਵੰਡਣੇ ਸ਼ੁਰੂ ਕੀਤੇ ਸਨ।1949 ਤੋਂ ਹਰ ਵਰਗ ਦੀ ਮਹਿਲਾ ਨੂੰ ਇਹ ਬਕਸੇ ਦਿਤੇ ਜਾਣ ਲਗੇ। ਸਰਕਾਰ ਦਾ ਮੰਨਣਾ ਹੈ ਕਿ ਇਸ ਨਾਲ ਲੋਕਾਂ ਵਿਚ ਸਮਾਨਤਾ ਦਾ ਜਜ਼ਬਾ ਪੈਦਾ ਹੁੰਦਾ ਹੈ। ਬੱਚੇ ਦਾ ਪਿਛੋਕੜ ਭਾਵੇਂ ਕੁਝ ਵੀ ਹੋਵੇ, ਉਹ ਅਪਣੀ ਪਹਿਲੀ ਨੀਂਦ ਇਸੇ ਗੱਤੇ ਦੇ ਬਕਸੇ ਵਿਚ ਲੈਂਦਾ ਹੈ। ਸਰਕਾਰ ਮਾਂ ਨੂੰ ਬਕਸੇ ਜਾਂ ਫਿਰ ਬਕਸੇ ਦੀ ਥਾਂ ਤੇ 140 ਯੂਰੋ ਕੈਸ਼ ਲੈਣ ਦਾ ਵਿਕਲਪ ਦਿੰਦੀ ਹੈ।
pregnant woman
95 ਫ਼ੀ ਸਦੀ ਔਰਤਾਂ ਇਸ ਜਣੇਪਾ ਬੌਕਸ ਨੂੰ ਹੀ ਚੁਣਦੀਆਂ ਹਨ। ਜਿਹਨਾਂ ਗਰਭਵਤੀਆਂ ਦੇ ਗਰਭ ਦੇ ਚਾਰ ਮਹੀਨੇ ਪੂਰੇ ਹੋ ਗਏ ਹੋਣ ਉਹਨਾਂ ਨੂੰ ਇਹ ਜਣੇਪਾ ਬਕਸਾ ਦਿਤਾ ਜਾਂਦਾ ਹੈ। ਇਸ ਦੇ ਲਈ ਮਿਉਂਸਿਪਲ ਕਲੀਨਿਕ ਜਾਣਾ ਹੁੰਦਾ ਹੈ। 1930 ਦੇ ਸਾਲਾਂ ਦੌਰਾਨ ਫਿਨਲੈਂਡ ਦੀ ਗਿਣਤੀ ਗਰੀਬ ਦੇਸ਼ਾਂ ਵਿਚ ਹੁੰਦੀ ਸੀ। ਇਥੇ ਬਾਲ ਮੌਤ ਦਰ ਵੀ 65 ਸੀ। ਇਥੇ ਜਨਮ ਲੈਣ ਵਾਲੇ ਹਜ਼ਾਰ ਬੱਚਿਆਂ ਵਿਚੋਂ 65 ਦੀ ਮੌਤ ਹੋ ਜਾਂਦੀ ਸੀ। ਪਰ ਸਰਕਾਰ ਵੱਲੋਂ
The Decline of Child Mortality Rate
ਇਹ ਜਣੇਪਾ ਬਕਸਾ ਯੋਜਨਾ ਸ਼ੁਰੂ ਕਰਨ ਤੋਂ ਕੁਝ ਦਹਾਕਿਆਂ ਬਾਅਦ ਬਾਲ ਮੌਤ ਦਰ ਵਿਚ ਬਹੁਤ ਸੁਧਾਰ ਹੋਇਆ। ਇਸ ਬਕਸੇ ਵਿਚ ਚਾਦਰ, ਕੰਬਲ, ਸਲੀਪਿੰਗ ਬੈਗ, ਗਰਮ ਸੂਟ, ਟੋਪੀ, ਤੌਲੀਆ, ਨੇਲਕਟਰ, ਕੰਘੀ, ਟੁਥਬਰਸ਼, ਥਰਮਾਮੀਟਰ, ਡਾਇਪਰ, ਬੂਟ-ਜ਼ੁਰਾਬਾਂ ਸਮੇਤ ਹੋਰ ਲੋੜੀਂਦਾ ਸਮਾਨ ਦਿਤਾ ਜਾਂਦਾ ਹੈ। ਇਸ ਤੋਂ ਇਲਾਵਾ ਬੱਚਿਆਂ ਦੇ ਖੇਡਣ ਵਾਸਤੇ ਤਸਵੀਰਾਂ ਵਾਲੀਆਂ ਕਿਤਾਬਾਂ ਅਤੇ ਹੋਰ ਖਿਡੌਣੇ ਵੀ ਦਿਤੇ ਜਾਂਦੇ ਹਨ।
