ਇਕ ਅਰਬਪਤੀ ਨੂੰ ਪ੍ਰੇਮਿਕਾ ਦੀ ਲੋੜ ਸੀ। ਇਸ ਤੋਂ ਪਹਿਲਾਂ ਇਕ ਅਦਾਕਾਰਾ ਉਹਨਾਂ ਦੀ ਪ੍ਰੇਮਿਕਾ ਸੀ।
ਵਾਸ਼ਿੰਗਟਨ: ਇਕ ਅਰਬਪਤੀ ਨੂੰ ਪ੍ਰੇਮਿਕਾ ਦੀ ਲੋੜ ਸੀ। ਇਸ ਤੋਂ ਪਹਿਲਾਂ ਇਕ ਅਦਾਕਾਰਾ ਉਹਨਾਂ ਦੀ ਪ੍ਰੇਮਿਕਾ ਸੀ। ਪਰ ਦੋਵੇਂ ਹਾਲ ਹੀ ਵਿਚ ਅਲੱਗ ਹੋ ਗਏ ਹਨ। ਅਰਬਪਤੀ ਨੇ ਅਪਣੀ ਪ੍ਰੇਮਿਕਾ ਲਈ ਅਸਾਮੀਆਂ ਕੱਢੀਆਂ ਹਨ। 17 ਜਨਵਰੀ ਤੱਕ ਅਪਲਾਈ ਕਰਨ ਦਾ ਮੌਕਾ ਹੈ। ਅਰਬਪਤੀ ਨੇ ਕਿਹਾ ਹੈ ਕਿ ਉਹ ਚਾਹੁੰਦੇ ਹਨ ਕਿ ਉਹ ਇਕ ਲੜਕੀ ਨੂੰ ਪਿਆਰ ਕਰਨ।
Yusaku Maezawa
ਉਹ ਅਪਣੀ ਪ੍ਰੇਮਿਕਾ ਨੂੰ ਚੰਨ ‘ਤੇ ਵੀ ਲੈ ਕੇ ਜਾਣਗੇ। ਪ੍ਰੇਮਿਕਾ ਬਣਨ ਲਈ ਅਪਲਾਈ ਕਰਨ ਵਾਲੀਆਂ ਲੜਕੀਆਂ ਵਿਚ ਵੀ ਚੰਨ ‘ਤੇ ਜਾਣ ਦੀ ਦਿਲਚਸਪੀ ਹੋਣੀ ਚਾਹੀਦੀ ਹੈ। ਜਪਾਨ ਦੇ ਅਰਬਪਤੀ ਯੂਸਾਕੁ ਮੈਜਵਾ ਨੇ ਸਪੇਸਏਕਸ ਰਾਕੇਟ ਦੇ ਜ਼ਰੀਏ ਚੰਨ ‘ਤੇ ਜਾਣ ਦੀ ਯੋਜਨਾ ਬਣਾਈ ਹੈ। 44 ਸਾਲ ਦੇ ਯੂਸਾਕੁ 20 ਸਾਲ ਤੋਂ ਜ਼ਿਆਦਾ ਉਮਰ ਦੀ ਸਿੰਗਲ ਲੜਕੀ ਨੂੰ ਪ੍ਰੇਮਿਕਾ ਦੇ ਰੂਪ ਵਿਚ ਤਲਾਸ਼ ਰਹੇ ਹਨ।
Photo
ਵੈੱਬਸਾਈਟ ‘ਤੇ ਉਹਨਾਂ ਨੇ ਲਿਖਿਆ ਹੈ-ਜਿਵੇਂ ਕਿ ਇਕੱਲਾਪਣ ਅਤੇ ਖਾਲੀਪਣ ਹੌਲੀ-ਹੌਲੀ ਮੇਰੇ ਅੰਦਰ ਵਧ ਰਿਹਾ ਹੈ, ਮੈਂ ਇਕ ਚੀਜ਼ ਬਾਰੇ ਨਹੀਂ ਸੋਚਦਾ ਹਾਂ ਉਹ ਹੈ ਇਕ ਔਰਤ ਨੂੰ ਪਿਆਰ ਕਰਨਾ। ਯੂਸਾਕੁ ਨੇ ਕਿਹਾ ਹੈ ਕਿ ਪ੍ਰੇਮਿਕਾ ਦੇ ਰੂਪ ਵਿਚ ਉਹਨਾਂ ਨੂੰ ਜੀਵਨ ਸਾਥੀ ਦੀ ਭਾਲ ਹੈ। ਉਹਨਾਂ ਨੇ ਕਿਹਾ ਹੈ ਕਿ ਉਹ ਆਊਟਰ ਸਪੇਸ ਤੋਂ ਅਪਣੇ ਪਿਆਰ ਅਤੇ ਵਿਸ਼ਵ ਸ਼ਾਂਤੀ ਲਈ ਅਪੀਲ ਕਰਨਾ ਚਾਹੁੰਦੇ ਹਨ।
Ayame Goriki and Yusaku Maezawa
ਅਮਰੀਕੀ ਅਰਬਪਤੀ ਐਲਨ ਮਸਕ ਦੇ ਸਪੇਸਏਕਸ ਰਾਕੇਟ ਜ਼ਰੀਏ ਯੂਸਾਕੁ ਚੰਨ ‘ਤੇ ਜਾਣ ਵਾਲੇ ਪਹਿਲੇ ਪ੍ਰਾਇਵੇਟ ਯਾਤਰੀ ਹੋਣਗੇ। ਉਹ 2022 ਵਿਚ ਚੰਨ ‘ਤੇ ਜਾ ਸਕਦੇ ਹਨ। ਹਾਲ ਹੀ ਵਿਚ ਯੂਸਾਕੁ 27 ਸਾਲ ਦੀ ਅਦਾਕਾਰਾ ਗਰਲਫ੍ਰੈਂਡ ਅਯਮੇ ਗੋਰਿਕੀ ਤੋਂ ਅਲੱਗ ਹੋਏ ਹਨ। ਯੂਸਾਕੁ ਦੀ ਪ੍ਰੇਮਿਕਾ ਬਣਨ ਲਈ ਅਪਲਾਈ ਕਰਨ ਵਾਲੀਆਂ ਲੜਕੀਆਂ ਦੀ ਸਪੇਸ ਵਿਚ ਦਿਲਚਸਪੀ ਹੋਣੀ ਚਾਹੀਦੀ ਹੈ।
Photo
ਇਸ ਦੇ ਨਾਲ ਹੀ ਅਪਲਾਈ ਕਰਨ ਵਾਲੀਆਂ ਲੜਕੀਆਂ ਨੂੰ ਚੰਨ ‘ਤੇ ਜਾਣ ਲਈ ਤਿਆਰੀਆਂ ਵਿਚ ਵੀ ਹਿੱਸਾ ਲੈਣਾ ਹੋਵੇਗਾ। ਲੜਕੀਆਂ ਦੇ ਵਿਚਾਰ ਵਿਸ਼ਵ ਸ਼ਾਂਤੀ ਦੇ ਪੱਖ ਵਿਚ ਹੋਣੇ ਚਾਹੀਦੇ ਹਨ। ਲੜਕੀਆਂ ਯੂਸਾਕੁ ਦੀ ਪ੍ਰੇਮਿਕਾ ਬਣਨ ਲਈ 17 ਜਨਵਰੀ ਤੱਕ ਅਪਲਾਈ ਕਰ ਸਕਦੀਆਂ ਹਨ। ਮਾਰਚ ਦੇ ਅਖੀਰ ਤੱਕ ਉਹ ਪ੍ਰੇਮਿਕਾ ਦਾ ਨਾਂਅ ਫਾਈਨਲ ਕਰਨਗੇ।
Photo
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਯੂਸਾਕੁ ਮੈਇਜ਼ਾਵਾ ਨੇ ਅਪਣੇ ਟਵਿਟਰ ਫੋਲੋਅਰਜ਼ ਨੂੰ ਤਕਰੀਬਨ 65 ਕਰੋੜ ਰੁਪਏ ਦੀ ਰਕਮ ਦੇਣ ਦਾ ਐਲਾਨ ਕੀਤਾ ਸੀ। ਰਿਪੋਰਟਾਂ ਮੁਤਾਬਕ ਉਹਨਾਂ ਨੇ ਕਿਹਾ ਸੀ ਕਿ ਉਹ ਜਾਣਨਾ ਚਾਹੁੰਦੇ ਸਨ ਕਿ 6.5 ਲੱਖ ਰੁਪਏ ਦੀ ਰਾਸ਼ੀ ਦਾ ਇਕ ਵਿਅਕਤੀ ਦੇ ਜੀਵਨ ‘ਤੇ ਕੀ ਅਸਰ ਪੈਂਦਾ ਹੈ?
