ਫਰਾਂਸ (France) ਦੀ ਦਵਾ ਨਿਰਮਾਤਾ ਕੰਪਨੀ ਸੈਨੋਫੀ (Sanofi) ਨੇ ਕਿਹਾ ਕਿ ਉਹ ਅਪਣੀ ਪਹਿਲੀ ਵੈਕਸੀਨ (Vaccine ) ਸਭ ਤੋਂ ਪਹਿਲਾਂ ਅਮਰੀਕਾ (America) ਨੂੰ ਦੇਵੇਗੀ।
ਵਾਸ਼ਿੰਗਟਨ: ਫਰਾਂਸ (France) ਦੀ ਦਵਾ ਨਿਰਮਾਤਾ ਕੰਪਨੀ ਸੈਨੋਫੀ (Sanofi) ਨੇ ਕਿਹਾ ਕਿ ਉਹ ਅਪਣੀ ਪਹਿਲੀ ਵੈਕਸੀਨ (Vaccine ) ਸਭ ਤੋਂ ਪਹਿਲਾਂ ਅਮਰੀਕਾ (America) ਨੂੰ ਦੇਵੇਗੀ। ਕੁਝ ਹਫਤੇ ਪਹਿਲਾਂ ਇਕ ਅਮਰੀਕੀ ਅਖ਼ਬਾਰ ਨੇ ਖੁਲਾਸਾ ਕੀਤਾ ਸੀ ਕਿ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਇਸ ਕੰਪਨੀ ਵਿਚ ਸ਼ੇਅਰ ਹੈ।
Photo
ਟਰੰਪ ਨੇ ਇਸ ਵਿਚ ਨਿਵੇਸ਼ ਕੀਤਾ ਹੈ। ਸ਼ਾਇਦ ਇਸੇ ਕਾਰਨ ਕਰਕੇ ਸੈਨੋਫੀ ਨੇ ਅਪਣੀ ਪਹਿਲੀ ਵੈਕਸੀਨ ਅਮਰੀਕਾ ਨੂੰ ਦੇਣ ਲਈ ਕਿਹਾ ਹੈ। ਸੈਨੋਫੀ ਕੰਪਨੀ ਦੇ ਸੀਈਓ ਪਾਲ ਹਡਸਨ ਨੇ ਇਕ ਇੰਟਰਵਿਊ ਦੌਰਾਨ ਕਹੀ ਹੈ। ਪਾਲ ਹਡਸਨ ਨੇ ਕਿਹਾ ਕਿ ਅਮਰੀਕਾ ਨੇ ਕੰਪਨੀ ਵਿਚ ਕਾਫੀ ਨਿਵੇਸ਼ ਕੀਤਾ ਹੈ।
Photo
ਇਸ ਲਈ ਉਹਨਾਂ ਨੂੰ ਸਾਡੀ ਕੰਪਨੀ ਵੱਲੋਂ ਬਣਾਈ ਗਈ ਪਹਿਲੀ ਕੋਰੋਨਾ ਵੈਕਸੀਨ ਹਾਸਲ ਕਰਨ ਦਾ ਅਧਿਕਾਰ ਹੈ। ਪਾਲ ਹਡਸਨ ਨੇ ਚੇਤਾਵਨੀ ਵੀ ਦਿੱਤੀ ਕਿ ਯੂਰੋਪ ਇਸ ਮਾਮਲੇ ਵਿਚ ਪਿੱਛੇ ਚੱਲ ਰਿਹਾ ਹੈ। ਯੂਰੋਪ ਵਿਚ ਹਾਲਾਤ ਬਹੁਤ ਖ਼ਰਾਬ ਹਨ। ਅਮਰੀਕਾ ਨੇ ਫਰਵਰੀ ਵਿਚ ਹੀ ਸੈਨੋਫੀ ਵਿਚ ਹੋਰ ਨਿਵੇਸ਼ ਕੀਤਾ ਸੀ।
Photo
ਇਸ ਦੇ ਨਾਲ ਹੀ ਕੰਪਨੀ ਦੀ ਵੈਕਸੀਨ ਲਈ ਪ੍ਰੀ-ਆਡਰ ਵੀ ਦਿੱਤਾ ਸੀ। ਸੈਨੋਫੀ ਦੁਨੀਆ ਦੀਆਂ ਉਹਨਾਂ ਸਭ ਤੋਂ ਵੱਡੀਆਂ ਕੰਪਨੀਆਂ ਵਿਚੋਂ ਹੈ ਜੋ ਇਸ ਸਮੇਂ ਕੋਰੋਨਾ ਵੈਕਸੀਨ ਲਈ ਕੰਮ ਕਰ ਰਹੀਆਂ ਹਨ। ਸੈਨੋਫੀ ਨੇ ਅਮਰੀਕਾ ਦੇ ਕਹਿਣ 'ਤੇ ਅਪਣੀ ਪ੍ਰਤੀਯੋਗੀ ਕੰਪਨੀ ਗਲੇਕਸੋ ਸਮਿੱਥਕਲਾਈਨ ਨਾਲ ਸਮਝੌਤਾ ਕੀਤਾ ਹੈ। ਤਾਂ ਜੋ ਦੋਵੇਂ ਕੰਪਨੀਆਂ ਮਿਲ ਕੇ ਸਾਲ ਵਿਚ 60 ਕਰੋੜ ਵੈਕਸੀਨ ਬਣਾ ਸਕਣ।
Photo
ਦੱਸ ਦਈਏ ਕਿ ਅਮਰੀਕੀ ਰਾਸ਼ਟਰਪਤੀ ਇਕ ਅਪਰੇਸ਼ਨ ਤਹਿਤ ਦਵਾ ਕੰਪਨੀਆਂ ਨੂੰ ਕੋਰੋਨਾ ਵੈਕਸੀਨ ਰਿਸਰਚ ਲਈ ਫੰਡਿੰਗ ਕਰ ਰਹੇ ਹਨ ਅਤੇ ਹਰ ਤਰ੍ਹਾਂ ਨਾਲ ਮਦਦ ਕਰ ਰਹੇ ਹਨ। ਅਮਰੀਕਾ ਦੇ ਬਾਇਓਮੈਡਿਕਲ ਐਡਵਾਂਸਡ ਰਿਸਰਚ ਐਂਡ ਡਿਵੈਲਪਮੈਂਟ ਅਥਾਰਟੀ (BARDA) ਨੇ ਸੈਨੋਫੀ ਨੂੰ ਕੋਰੋਨਾ ਵੈਕਸੀਨ 'ਤੇ ਕੰਮ ਕਰਨ ਲਈ 30 ਮਿਲੀਅਨ ਡਾਲਰ ਤੋਂ ਵੱਧ ਭਾਵ 226 ਕਰੋੜ ਰੁਪਏ ਦਿੱਤੇ ਹਨ।
