ਮੱਧ ਪ੍ਰਦੇਸ਼ ਵਿਚ ਆਰਐਸਐਸ ਦੀ ਸ਼ਖਾਵਾਂ ਵਿਚ ਸਰਕਾਰੀ ਕਰਮਚਾਰੀਆਂ ਦੇ ਜਾਣ 'ਤੇ ਰੋਕ ਲਗਾਉਣ ਤੇ ਕਾਂਗਰਸ ਦੇ ਚੋਣਾ ਦੋਰਾਨ ਕੀਤੇ ਵਾਦੇ ਨੂੰ ਲੈ ਕੇ ਸੂਬੇ ....
ਇੰਦੌਰ (ਭਾਸ਼ਾ): ਮੱਧ ਪ੍ਰਦੇਸ਼ ਵਿਚ ਆਰਐਸਐਸ ਦੀ ਸ਼ਖਾਵਾਂ ਵਿਚ ਸਰਕਾਰੀ ਕਰਮਚਾਰੀਆਂ ਦੇ ਜਾਣ 'ਤੇ ਰੋਕ ਲਗਾਉਣ ਤੇ ਕਾਂਗਰਸ ਦੇ ਚੋਣਾ ਦੋਰਾਨ ਕੀਤੇ ਵਾਦੇ ਨੂੰ ਲੈ ਕੇ ਸੂਬੇ ਦੀ ਚੋਣਾ ਦੀ ਸਿਆਸਤ ਵਿਚ ਚੱਲ ਰਹੇ ਉਬਾਲ ਨੂੰ ਲੈ ਕੇ ਕੇਂਦਰੀ ਮੰਤਰੀ ਉਮਾ ਭਾਰਤੀ ਨੇ ਬਹੁਤ ਵੱਡਾ ਬਿਆਨ ਦਿਤਾ ਹੈ। ਦੱਸ ਦਈਏ ਕਿ ਉਨ੍ਹਾਂ ਨੇ ਸੰਘ ਦੇ ਪ੍ਰਤੀ ਸਮਰਥਨ ਜਤਾਉਂਦੇ ਹੋਏ ਕਿਹਾ ਕਿ ਆਰਐਸਐਸ 'ਤੇ ਕਿਸੇ ਤਰ੍ਹਾਂ ਦੀ ਰੋਕ ਨਹੀਂ ਲਗਾਈ ਜਾ ਸਕਦੀ ਕਿਉਂਕਿ ਇਹ ਸੰਗਠਨ ਇਕ
ਵਿਚਾਰਧਾਰਾ ਦੇ ਰੂਪ ਵਿਚ ਕਈ ਲੋਕਾਂ ਦੇ ਮਨ ਵਿਚ ਬਸਿਆ ਹੈ। ਨਾਲ ਹੀ ਉਮਾ ਭਾਰਤੀ ਨੇ ਕਿਹਾ ਕਿ ਸੰਘ ਇਕ ਰਾਸ਼ਟਰਵਾਦੀ ਵਿਚਾਰਧਾਰਾ ਹੈ ਜੋ ਆਡੇ ਸਾਰਿਆਂ ਦੇ ਅੰਦਰ ਵੱਸੀ ਹੋਈ ਹੈ। ਇਹੀ ਕਾਰਨ ਹੈ ਕਿ ਸੰਘ ਜਾਂ ਇਸ ਦੇ ਕਿਸੇ ਕਰਮਚਾਰੀ ਦਾ ਕਦੇ ਰਸਮੀ ਰਜਿਸਟਡ ਨਹੀਂ ਕਰਵਾਇਆ ਜਾਂਦਾ। ਨਾਲ ਹੀ ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਜਦੋਂ ਤੱਕ ਅਸੀ ਲੋਕ ਮਰ ਨਹੀਂ ਜਾਂਦੇ ਉਦੋਂ ਤੱਕ ਸੰਘ 'ਤੇ ਰੋਕ ਨਹੀਂ ਲਗਾਇਆ ਜਾ ਸਕਦੀ।
ਅਸੀ ਜਦੋਂ ਤੱਕ ਜ਼ਿੰਦਾ ਰਹਾਂਗੇ ਸੰਘ ਸਾਡੇ ਅੰਦਰ ਬਣਿਆ ਰਵੇਗਾ। ਦੂਜੇ ਪਾਸੇ ਉਮਾ ਨੇ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੂੰ ਅਜਿਹਾ ਨੇਤਾ ਕਰਾਰ ਦਿਤਾ ਹੈ ਜਿਸ ਵਿਚ ਗੰਭੀਰਤਾ ਅਣਹੋਂਦ ਹੈ। ਉਮਾ ਭਾਰਤੀ ਨੇ ਕਿਹਾ ਕਿ ਰਾਹੁਲ ਤੇ ਤੰਜ ਕਸਦਿਆਂ ਕਿਹਾ ਕਿ ਰਾਹੁਲ ਹਰ ਜਗ੍ਹਾ ਸਿਰਫ ਫੋਟੋ ਖਿਚਵਾਉਣ ਅਤੇ ਪਿਕਨਿਕ ਮਨਾਉਣ ਜਾਂਦੇ ਹਨ। ਕਾਂਗਰਸ ਦੇ ਲੋਕਾਂ ਨੂੰ ਚੰਗਾ ਕਰਮਚਾਰੀ ਬਨਣ ਲਈ ਭਾਜਪਾ ਤੋਂ ਗਿਆਨ ਲੈਣਾ ਚਾਹੀਦਾ ਹੈ।
ਜ਼ਿਕਰਯੋਗ ਹੈ ਕਿ ਉਮਾ ਨੇ ਸਾਲ 2003 ਦੇ ਵਿਧਾਨਸਭਾ ਚੋਣਾ ਵਿਚ ਕਾਂਗਰਸ ਦੇ ਦਿਗਵੀਜੈ ਸਿੰਘ ਸਰਕਾਰ ਦੇ ਖਿਲਾਫ ਭਾਜਪਾ ਦੇ ਅਭਿਆਨ ਦੀ ਅਗੁਵਾਈ ਕੀਤੀ ਸੀ। ਇਨ੍ਹਾਂ ਚੋਣਾ ਵਿਚ ਭਾਜਪਾ ਨੇ ਫਤਹਿ ਹਾਸਲ ਕੀਤੀ ਸੀ ਅਤੇ ਪਿਛਲੇ 15 ਸਾਲਾਂ ਤੋਂ ਇਹ ਪਾਰਟੀ ਸੂਬੇ ਦੀ ਸੱਤਾ ਵਿਚ ਬਰਕਰਾਰ ਹੈ। ਦੂਜੇ ਪਾਸੇ ਉਮਾ ਨੇ ਕਿਹਾ ਕਿ ਸੂਬੇ ਵਿਚ 28 ਨਵੰਬਰ ਨੂੰ ਹੋਣ ਵਾਲੇ ਵਿਧਾਨ ਸਭਾ ਚੋਣਾ ਵਿਚ ਭਾਜਪਾ ਦੇ ਸਾਹਮਣੇ ਕਾਂਗਰਸ ਟੱਕਰ ਵਿਚ ਕਿਤੇ ਨਹੀਂ ਹੈ।
ਰਾਜ ਹੋ ਜਾਂ ਕੇਂਦਰ, ਕਾਂਗਰਸ ਜ਼ਿੰਮੇਦਾਰ ਵਿਰੋਧੀ ਪੱਖ ਦੀ ਭੂਮਿਕਾ ਨਿਭਾਉਣ ਵਿਚ ਨਾਕਾਮ ਰਹੀ ਹੈ ।